#الحلقة الثالثة عشر
#تزوجت_ابن_عمي
#بوسي_مصطفي
..............................
خرج الدكتور شاكر بسرعة و وصل لمكتب الدكتور جلال.
د.شاكر/ دكتور جلال
الموضوع تم ومش ناقص غير اني اتصل ب كريم يجي حالا.
د.جلال/ انت بتقول ايه؟
د.شاكر/ في ايه بس يادكتور
حضرتك مش ادتني الإشارة وانا نفذت!
د.جلال/ عشان غبي ومبتفهمش
وغاوي تعلمنا مشاكل في المستشفى.
د.شاكر/ يعني ايه مش فاهم؟
د.جلال/ طبعاً ظهرت نفسك وروحت شهدت معاهم
د.شاكر/ لأ
بس انا كنت موجود في مكتب الدكتور شوقي.
د.جلال/ انت عارف معني إنك يبقي ليك دخل بـ الموضوع ده ايه اللي ممكن يحصل؟
د.شاكر/ انا مدخلتش في الموضوع بالعكس انا حاولت اهدي دكتور شوقي عشان ميشكش في حاجه.
د.جلال/ كريم مش هيسكت لو عرف إن ليك دخل بالموضوع هيجيب القديم والجديد ويقول ع كل حاجه.
د. شاكر/ كريم ميعرفش حاجه عن شغلنا كل اللي يعرفه معلومات بسيطة مش هتفيده بـ أي حاجة
د.جلال/ ع العموم اللي حصل حصل
أبعد انت عن الموضوع ده وسيب دكتور شوقي يحل الموضوع بنفسه بس روح دلوقتي هديه وبلاش ياخد أي إجراء في الوقت ده عشان سمعت المستشفى انت ناسي إن في تقييم للمستشفى الاسبوع ده دا غير زيارة وزير الصحة.
د.شاكر/ أوف...نسيت خالص
وبعدين ايه العمل ؟
د.جلال / زي م قولتلك تروح تهدي دكتور شوقي وتقوله يأجل موضوع دكتور كريم يومين ولا حاجه لحد م المستشفى تاخد التقييم بتاعها مضيعش تعب الفترة اللي فاتت وتضيعنا معاك يا شاكر.
د.شاكر//حاضر يادكتور.
..........................
تاني يوم الصبح.
ندى / مش هقولك ع حاجه.
فريدة//بقي كده يا ندى ماشي.
ندى //مش انتي بعتيني عشان خاطر جوزك خلاص جايه ليه دلوقتي ولا عشان نزل راح المستشفى نزلتي بسرعة تعرفي الأخبار؟
فريدة/ ع فكرة انا مش هغلب يعني رحمه هتقولي ع كل حاجه بس انا جيتلك اقعد معاكي شوية.
ندى / هنروح نشتري الدبل النهاردة.
فريدة بفرحه/ بجد؟
مبروك يانونه
واحتضت ندى.
ندى / حبيبتى يا فوفه عقبال متقومي بالسلامة واشيل البيبي
اعملي حسابك انا اول واحده هشيله
فريدة //هههههههههه
ابقي حلي الموضوع دا مع اخواتي.
..............................
في المستشفى.
ريم//صباح الخير فطرتوا ولا لسه
سوزان //لسه مفطرتش تعالي اقعدي عايزه اقولك حاجه
كريم//طيب بعد اذنك.
ريم//استني ياكريم كنت عايزه اتكلم معاك شوية.
سوزان//طيب هروح أجيب فطار لينا.
كريم//متعمليش حسابي يادكتورة.
سوزان//لا هعمل حسابك يادكتور ايه رأيك بقى.
كريم لريم//ممكن تقولي عايزه ايه عشان عندي شغل.
ريم//انا عارفة إن دا وقت البريك بتاعك ومفيش شغل ولاحاجة وهتاخد الكتاب اللي في ايدك ده وتنزل تحت في الكافتيريا تقراه.
كريم//عايزه ايه يادكتورة؟
ريم//حتي اسمي مش عايز تناديني بيه!
كريم//أظن إننا في مكان عمل وأي حوار ياريت ميخرجش عن طبيعة شغلنا.
ريم//طول عمرك كنت بتناديني ب اسمي من واحنا في الجامعة مع بعض
كريم انا بعتبرك اخويا هو انا الصراحة معنديش أخوات بس دا احساسي ناحيتك ويهمني إنك متفكرش فيه بطريقة وحشه.
كريم//ليه هو انتي عملتي حاجه وحشة؟
ريم//بما إنك دخلت في الموضوع ع طول ف أحب اقولك إن انا ودكتور شاكر متجوزين.
كريم//الف مبروك
بس انا ايه دخلي بالموضوع ده؟
ريم بخجل//يعني حبيت افهمك الموقف عشان دماغك متروحش لبعيد.
كريم//اوك. ..بعد اذنك.
ريم//كريم خلي بالك من نفسك.
كريم//ليه بتقولي كده؟
ريم//عادي يعني شايفاك تعبان وبتشتغل كتير الفترة دي فبفكرك إن صحتك ليها حق عليك.
كريم//متشكر ع النصيحه دي.
سوزان//الفطار ياجماعة سخن مولع يلا الحقوا قبل ميخلص انا واقعه من الجوع.
كريم//بالهنا والشفا بعد اذنك.
وخرج كريم.
سوزان//ماله كريم ياريم؟
ريم//مفيش.
سوزان//طيب مش هتفطري؟
ريم//لا هروح اطمن ع المريضة اللي في غرفه 205.
سوزان//طيب خلصي وتعالي عشان نفطر مع بعض انا هسيب الأكل هنا واروح اخد حاجه للصداع.
........................
بعد كام يوم
ندى / صحصحي كده يافريدة وقوليلي انهو طقم أحلى ده ولا ده؟
فريدة/ الاتنين كويسين.
ندى //يعني البس الاتنين؟!
رحمه //البسي الأبيض دا احلى.
ندى / هيبان كإني العروسة أخاف يفهموا غلط.
فريدة/ مش دي خطوبة ولا انا بيتهيألي؟
ندى / ايوه خطوبة.
فريدة/خلاص البسي أي لون يا ندى.
ندى / انتي مالك تعبانه ولا ايه؟
فريدة/ دايخه وحاسه إن ضغطي بينزل.
رحمه / نامي واستريحي يافريدة.
فريدة//يااااه كنتي فين من زمان يلا اتفضلوا عشان انام شوية.
رحمه / انتي هتنامي هنا ولا ايه؟
فريدة : طيب و فيها ايه؟
رحمه / انا كان قصدي تطلعي تنامي في شقتك.
فريدة/ هنام فوق لوحدي خليني هنا اطلعوا بقي واقفلوا الباب وراك.
.............
ايهاب لـ مي/ لا مش هتاخر مسافة السكه.
عم ايهاب/ تعالي ياابني اربطلي البتاعة دي.
ايهاب/ طيب سلام.
نعم يا عمي.
عم ايهاب/ اربطلي البتاعة دي خنقتني.
إيهاب / وحد يربطها كده برضو يا عمي.
عم ايهاب/ انا معرفش ايه لازمتها يعني البدله من غيرها هتقول لا مش خارجه؟!
إيهاب ببتسامة/ يا عمي الحفلة هيكون فيها ناس كبار اوي في البلد ودي لزوم الوجاهه والشكل الاجتماعي مش اكتر.
عم إيهاب / فرحان ياابني؟
إيهاب بحزن/ اكيد.
عم إيهاب / ومالك بتقولها وانت زعلان كده؟
إيهاب / ابدا افتكرت ماما
لو كانت موجوده معانا كانت هتبقى فرحانه اوي.
عم ايهاب/ معلش يا ابني شد حيلك
مرات عمك كمان فراقها كان صعب عليا كانت هي اللي بتخفف عني اللي انا فيه دلوقتي الحياة من غيرها عامله زي الأكل من غير ملح.
إيهاب / ههههههههه
أنت تقرأ
تزوجت ابن عمي👰🤵
Romanceرومانسية اجتماعية لفتاة تزوجت ابن عمها التي لم تكن تحبه ثم أحببته بعد ذلك لتأتي اختها وتقلب حياتها رأساً على عقب وتسبب لها الكثير من المشكلات.
