#تزوجت_ابن_عمي
#بوسي_مصطفي
...............
الحلقة السابعة
كريم / انا جاي معاك يابابا.
نظر لفريدة اللي هزت راسها وهي قلقانه مش عارفة في ايه تحت
نزلوا بسرعة
كريم اول م شاف إيهاب اخده بسرعة ع المستشفى
كانت ندي وفريدة واقفين في البلكونة عاوزين يعرفوا في ايه
كل اللي راحوا مع إيهاب المستشفى اتاخروا
نامت فريدة
والصبح. ..رحمه لبست ونزلت للمدرسة تقابل علاء تحت واقف في الصيدلية.
علاء/ صباح الخير يا رحمه.
رحمه / صباح الخير
علاء/ رايحه المدرسة في الجو ده؟
رحمه / هعمل ايه بس
جالي إنذار من المدرسة ولو مرحتش هترفد.
علاء/ ايه ده
وباباكي معملش حاجه عشان يشيلك الغياب ده؟!
رحمه / بابا مبيحبش الواسطه في الحاجات دي.
علاء/ هههههههههههه
معلش بقي استحملى.
رحمه / علاء. ..هو كان في ايه بالليل
علاء/ ياخبر انتي معرفتيش اللي حصل؟
رحمه/ خير في ايه؟
............. ...........
في المستشفى
كريم دخل يطمن ع إيهاب وكان في دكتور زميله جوه هو المسؤول ع حالة إيهاب
سأله كريم واطمن منه ع إيهاب.
إيهاب / متشكر اوى يادكتور كريم.
كريم / ع ايه بس
احنا أخوات ومفيش بينا الكلام ده.
إيهاب / انا بعتذر ع اني عطلتلك امبارح ومكملتوش فرحتكو الف مبروك.
كريم/ متشكر اوي ع مجيتك لحد البيت عندنا عشان تبارك.
إيهاب بنبرة حزن/ انا اللي متشكر ليك يادكتور.
كريم/ انت تم مفكش أي حاجه غير شوية كدمات بسيطة و
هيدخلوا الدكاترة بعد شوية يطمنوا عليك تاني
و إحتمال يكتبولك خروج النهاردة
بعد اذنك.
إيهاب / اتفضل.
كان حازم جاي بسرعة....يخبط في كريم
حازم / معلش يادكتور م اخدتش بالي.
كريم/ لا ولا يهمك
ع فكرة إيهاب كويس اطمن شوية كسور بس بسيطة هيستريح كام يوم وهيبقي تمام
حازم بفرحه/ اما أدخل بقي اطمن عليه
.........
يدخل حازم ببتسامة/ صباح الخير ياوحش.
ايهاب/ حازم!
حازم بمزح/ ايه فاكرني ندل زيك؟!
سكت إيهاب.
حازم/ ايه ياعم متتقمصش كده.
إيهاب / بالعكس انا فرحان اوي إنك رجعت تكلمني زي زمان.
حازم/ بصراحة قلبي وقف من الخضه كنت خايف عليك.
إيهاب/ هي فريدة صحيح اتجوزت ؟
حازم / إيهاب لو عايزنا نفضل صحاب بلاش تتكلم في الموضوع ده.
سكت إيهاب بحزن.
حازم/ قولي بقي ساكن فين؟
إيهاب / ليه ؟
حازم/ يا سلام. .سر ومش عاوز تقوله ليا!
إيهاب / لا مقصدش.
حازم/ هستني معاك لحد متخرج واوصلك للسكن بتاع.
إيهاب / متشكر.
حازم/ ايه ياابني الأدب اللي انت فيه ده؟!
يدخل الأستاذ رفعت و معاه مي
حازم يقوم بسرعة ويقعد الأستاذ وبنته.
......................
ندى / هتلبسي وتروحي فين بس يامجتونه؟!
فريدة/ بقولك عمل حادثة واخدوه المستشفى.
ندى / بس بابا بيقولي إن حالته كويسه وكريم فضل سهران جمبه امبارح طول الليل في المستشفى.
فريدة / كريم!
ندى / اعقلي بقي ويلا بينا نروح الجامعة انهاردة اول يوم.
فريدة / قلقانه اوي.
ندى / لا متقلقيش. ..وبعدين خلاص بقى يافريدة انتي اتجوزتي مينفعش تفكري فيه.
فريدة/ تفتكري كان جاي ليه
صدفه ولا جاي فعلاً يبارك زي م قالي علاء؟
ندى / مهما كان السبب فخلاص يافريدة انسي بقى.
فريدة/ معاكي حق يلا بينا.
تنزل فريدة وندى بسرعة تقابل كريم في طريقها
عند مدخل العمارة.
كريم/ ازيكو يابنات. ..ايه نازلين الجامعه؟
فريدة هزت راسها
كريم ببتسامة بهمس/ متاجزي النهاردة وخليني اعزمك ع الغدا عاوز أتكلم معاكي.
فريدة / مش هينفع. ..نبقي نتكلم بالليل
كريم/ اوك...براحتك.
فريدة/ يلا يا ندى.
.........................
في الجامعة
ندى / ع فكرة انتي كنتي قليلة الذوق اوي مع كريم.
فريدة/ انا!..ليه؟!
ندى / عشان كان عاوز يتكلم معاكي وانتي ردك كان وحش احرجتيه.
فريدة/ ندى انا عندي دراسة ومشغولة وبعدين مينفعش نقعد مع بعض ونتكلم.
ندى / ليه بقى؟
فريدة/ يعني هنكون لوحدنا وكده مش صح.
ندى / فعلاً عندك حق!
مينفعش طبعاً تقعدي مع خطيبك اللي هو جوزك بس كان ينفع تقعدي مع إيهاب اللي مكانش في أي ارتباط بينك وبينه ولا حتي كنتو في حكم المخطوبين!!
فريدة/ ايه اللي انتي بتقوليه ده؟!
ندى / ايه مش هو دا اللي كان بيحصل ولما كان بيتصل حتي لو الوقت متأخر كنتي بتطلعي عنده جري .
فريدة اضايقت ولسه هتمشي مسكتها ندى من ايدها.
ندى / لو مشيتي قبل م أكمل كلامي يبقي مكانش ليه لزوم افتح الموضوع من الأول
انا يهمني مصلحتك يافريدة
انسي إيهاب وحاولي تحبي كريم ومتفرطيش فيه لإنه بيحبك.
فريدة/ انا متلخبطه مش عارفة انا عايزه ايه
بس انا متأكدة إن كريم بيحبني.
ندي/ تمام اوي كده
يبقي مضيعهوش من ايدك وحاولي تعامليه كويس عشان ميزهقش.
............ .
في المستشفى.
مي/ بابا كان قلقان عليك اوي.
إيهاب / انا متشكر اوي يااستاذ
متعرفش حضرتك
مجيك ليه لحد هنا أسعدتني قد ايه وهيفضل جميل عمري م هنساه ابدا.
ا.رفعت/ انت مكبر الحكاية كده ليه
هههههههه
أهم حاجه إني اطمنت عليك.
دخل حازم / إيهاب الدكتور كتبلك ع خروج هساعدك بقي عشان أوصلك واروح الشغل.
ا.رفعت/ لا ياحازم كفاية عليك كده روح انت استريح وانا هوصل إيهاب.
حازم/ بس يااستاذ المكان بعيد.
ا.رفعت/ مفيهاش حاجه ..إيهاب دا من أكفأ المحاميين ف المكتب عندي وأي حاجه أقدمهاله متجيش حاجه قصاد تعبه والمجهود اللي بيبذله في الشغل.
ايهاب بفرحة/ انا متشكر اوي لحضرتك علي الثقة دي.
حازم/ خلاص اللي تشوفوه انا هروح انام اجازة زي م فهمت صح يااستاذ؟
أ. رفعت ببتسامة/ صح يا حضرة المحامي بس متتعودش ع كده.
حازم/ ههههههه أوك...سلام هتحتاج مني حاجه قبل م امشي؟
إيهاب / كتر خيرك ياحازم .
حازم/ ع ايه بس احنا أخوات...سلام.
مي/ يلا بينا احنا كمان يابابا.
ا.رفعت/ يلا يابنتي.
هات ايدك بقي ياايهاب عشان اسندك.
.........................................
في المساء
رحمه داخله جري عند فريدة شغلت النور وقعدت جمبها ع السرير تصحيها.
رحمه/ فريدة. ...فريدة. .. فريدة قومي بقي كريم قاعد بره.
فريدة بصوت ناعس/ كريم مين؟!
رحمه / كريم ابن عمك
كريم خطيبك
انتي نسيتيه ولا ايه؟
قامت وفريدة وقعدت ع السرير / هنا من أمتي؟
رحمه / من عشر دقايق وقاعد مع ماما بره.
فريدة/ وبابا فين؟
رحمه / معرفش
يلا بقي قومي عشان اعرف اذاكر.
فريدة/ يعني الواحد ميعرفش ينام شوية؟!
وقامت وهي مضايقه.
رحمه بتتنهده / أمتي انا كمان اتخطب واعيش اللحظه دي.
فريدة / خليكي في مذاكرتك يااختي.
رحمه/ انا مبحبش الجمله دي
كرهت المذاكرة واتعقدت منها.
فريدة/ لا واضح إنك هتنفعي
رحمه / فريدة.
فريدة بضيق/ نعم .
رحمه/ حاسه ب ايه دلوقتي؟
فريدة/ حاسه إني جعانه وعاوزه أكل.
رحمه / أكل ايه بس
انا ب سألك ع احساسك لما عرفتي إن دكتور كريم بره؟
فريدة / عادي يعني...محستش بحاجه.
رحمه / ايه ده
هو انتي مش بتحبيه؟
فريدة بارتباك/ مين قالك كده ؟
رحمه/ أنا أعرف إن البنت لما بتشوف حبيبها بتبقى طايره من الفرحه.
فريدة/ مش صغيرة ع الكلام ده وبعدين عرفتي الكلام ده منين؟!!!
ذاكري ياحبيبتي بدل م اقول لماما.
رحمه/ هو الحب عيب؟
سكتت وفريدة وملقتش رد
وخرجت من الغرفة.
كان كريم قاعد مع منيرة وبيدردشو في اللي حصل امبارح.
منيرة/ يعني هو بقي كويس دلوقتي؟
كريم/ اه بقى كويس وخرج كمان.
منيرة/ طب كويس
هو اصلا مش ناقص وفاة مامته أثرت عليه حتي مشي من البيت من غير م يقول لحد.
تدخل فريدة/ سلام عليكم.
يرددو/ وعليكم السلام.
منيرة / تعالي يافريدة اقعدي
هقوم انا بقي ياابني.
أنت تقرأ
تزوجت ابن عمي👰🤵
Dragosteرومانسية اجتماعية لفتاة تزوجت ابن عمها التي لم تكن تحبه ثم أحببته بعد ذلك لتأتي اختها وتقلب حياتها رأساً على عقب وتسبب لها الكثير من المشكلات.
