الحلقة 21
#تزوجت_ابن_عمي
#بوسي_مصطغي
........................................
دخل كريم وقعد بهدوء من غير م يتكلم
فريدة ببتسامة/ مبروك ياكريم
كريم بحده/ ع ايه
شعرت فريدة إنه متغير
فريدة بحزن بسبب طريقته في الكلام معاها/ عرفت إنك رجعت المستشفي
كريم بعد اهتمام/ اه
فريدة/ مبروك
كريم/ بتعملي ايه هنا
فريدة اتفاجأت ب سؤاله / هو انا مينفعش ادخل هنا
كريم/ جايه تعملي ايه هنا يابنت عمي
فريدة/ مالك ياكريم بتتكلم معايا كده ليه
كريم/ اتكلم معاكي ازاي؟!
فريدة بغضب/ ع العموم انا كنت جايه اخد حاجه تخصني ونازله
فريدة لسه هتخرج وقف كريم قصادها
كريم بنبره غضب/ تقصدي دول
فريدة/
نظرت بدهشة وسكتت
كريم بصوت مخنوق / أحب افتحهوملك صورة صورة ولا ملوش لزوم
فريدة مدمعه/ جبت الحاجات دي منين
كريم/ هو دا كل اللي يهمك
فريدة/ الحاجه دي كانت هنا في المكتبة. .بتدور كمان ف حاجتي
كريم/ لا استني بقى يعني حضرتك ياهانم محتفظة بالحاجات دي هنا
فريدة/ ايه؟!!!
اومال جبتهم منين
كريم/ وانا اللي افتكرت الحاجات دي كانت عند البيه حبيب القلب وهو اللي بعتهم ليه اتاري حضرتك محتفظة بيهم عندك وهنا في شقتي فريدة/ كريم دي حاجات قديمة انت عارف اني بحبك
كريم بغضب/ انتي شايفاني أهبل وعبيط بقي وهصدق كلامك ده
فريدة/ كريم أنت لازم تسمعني متظلمنيش
كريم/ انا اللي بظلمك ولا انتي اللي ظلمتيني معاكي
فريدة/ لا ياكريم انت كده بتظلمني فعلا بس انا مسمحاك وً اديني فرصة افهمك
كريم/ وانا مش مسامحك
فريدة بتعيط
كريم/ اتفضلي خدي حاجتك وانزلي
فريدة بتعيط /'يعني مش عايز تسمعني
كريم/ معاكي المفتاح في اي وقت ممكن تطلعي تاخدي كل حاجتك الشقة قدامك خديها بكل اللي فيها وانا رضيت بنصيبي خلاص
فريدة/ كريم انا حبيتك صدقني دا حد عايز يوقع بيني وبينك
كريم / زي المسج اللي جالك برضو وقولتي نفس الكلام
فريدة/ ماهو انا كدبت عشان م كانش ينفع اقولك
كريم/ بصي انا مليش علاقة بكل العك بتاعك ده
انا واحد عايز يعيش في هدوء يتجوز واحده تكون بتخاف ربنا قبل أي مخلوق ع وش الأرض بس واضح إنك كدابه وحياتك كلها ماشية بالمقلوب
فريدة مخنوقه وبتعيط ومش قادرة تتكلم
كريم / انا يوم م أفكر اتجوز تاني هتجوز واحده نضيفة مش واحده اروح شغلي واسيبها تروح شغلها ولا جامعتها وانا خايف مش عارف هي بتهبب ايه بره
فريدة بتصرخ/ كفااااية
كفاية بقى
انت موتني بكلامك ده
عايز تخلصني وتطلق يبقى من غير م تجرحني بالشكل ده
كريم/ انا مش عارف انتي جبتي الجرأة دي كلها منين
افتحي وشوفي الصور افتحي الظرف اللي فيه الفلوس اللي حضرت محواشهم للمهر اللي سيادته هيدفعه
شوفي انتي كاتبة ايه ع الصور دي ولا متصورين فين
فريدة/ قولتلك دي حاجات قديمة وكنت طايشه وصغيرة وفاهمه إن هو دا الحب بس انا معرفتش الحب بجد اللي لما اتجوزتك
كريم/ حب ايه وزفت ايه اللي بتتكلمي عنه لو مش بنت عمي وعايشين ف بيت واحد كنت قتلتك ب أيده دول بس مش هضيع نفسي ع واحده مستهلش
تركها ونزل
.........................
حلمي بيفتح باب شقة أكرم وخارج يقابل كريم نازل من شقته منفعل وعيونه كلها دموع
حلمي / مالك ف ايه
كريم بصوت مخنوق/ مفيش يابابا
حلمي / لأ فيه
تعالي ننزل وقولي مالك
كريم / انا مش عايز اتكلم مع حد
وترك والده ونزل تحت
كانت فريدة نازله وهي منهارة وبتعيط
حلمي نظر لأعلي وفهم إنها وكريم متخانقين مع بعض
طلع بسرعة لفوق بعد م فريدة وقفت مكانها
حلمي/ ايه يابنتي مالك انتي كمان
فريدة مقدرتش تتكلم ونزلت جري وهي بتبكي
.....................................
نزل حلمي بسرعة عشان يلحقها ويفهم في ايه
كانت فريدة دخلت شقة والدها وقفلت الباب
حلمي بيخبط جامد/ افتحي يابنتي قوليلي في ايه مالكو
فريدة بصوت مخنوق من العياط / لو سمحت ياعمي انا مش قادرة اتكلم ممكن تسبني في حالي دلوقتي
حلمي/ بقي كده يافريدة طيب براحتك لما تهدي وتحبي تتكلمي انا موجود
ونزل تحت
كريم كان بيغير هدومه
دخل حلمي الغرفة من غير استأذان
كريم / في ايه يابابا
حلمي بغضب/ انا اللي جاي أسألك السؤال ده
في ايه وبنت عمك مموته نفسها من العياط ليه ياابني
كريم/ م سألتهاش السؤال دا ليه يابابا
حلمي / عشان مش قادرة تتكلم
قولي في ايه يا كريم
كريم/ بابا الصبح تكلم عمي عشان نروح للمأذون ونخلص من الموضوع ده
حلمي/ ليه بس كده ياابني
كريم/ أنا وهي مبقناش ننفع لبعض خلاص
حلمي/ لو ع عمك متقلقش هو جه النهاردة وعزمني ع كتب كتاب حازم وحسيت من كلامه إنه ناوي يرجعكوا لبعض
كريم/ بس انا مش ناوي ارجعها
حلمي/ ياابني اخزي الشيطان
دا انا مصدقت إن عمك دماغه لانت شوية
كريم / قولت لحضرتك مش هرجعها
حلمي/ استغفر الله العظيم
انت ياابني ايه اللي حصلك بس
سميرة تدخل بسرعة/ عقل ياابوكريم
عين العقل ياابني واللي متوقفش جنبك وقت محنتك متلزمناش ولا تستاهل تبقي علي ذمتك يوم واحد
حلمي/ خليكي محضر خير ياسميرة ومتخربهاش اكتر من كده
سميرة/ انت اللي شاري خاطر اخوك عشان جه لحد هنا ولما ابنك طلع فوق يتحايل عليه يرد مراته رفض ونزله بعد م هانه وهانك
مش انت أخوه الكبير برضو ولا انا غلطانه هو هيعمل ابنك شخشيخه في أيده ولا ايه
كريم بتعب / ابوس ايدكو سيبوني دلوقتي
حلمي/ طب قولي ايه اللي حصل بينك وبين بنت عمك فوق
كريم/ كفاية أرجوكو سيبوني لوحدي مش عايز أتكلم مع حد
سميرة/ يلا ياحلمي وسيبه ينام ويستريح
..............
فوق في شقة عماد
حازم/ ع جثتي إن الموضوع دا يتم
عماد/ هو انت عشان اتجوزت هتعمل فيها راجل البيت ياله ولا ايه
منيرة/ اقعد ياابني وفهمني في ايه
حازم/ في مصيبه في كارثة هتحل ع دماغنا لو الموضوع دا حصل
عماد/ مصيبه ع دماغك ..غور من قدامي مش طايق اشوف وشك قدامى
منيرة/ حد يفهمني في ايه
كانت فريدة جوه وبتعيط بصوت مخنوق عشان محدش يسمعها
رحمه لمنيرة/ كل الحكاية ياماما إن إيهاب طلب ايدي من بابا
فريدة سكتت وهي مندهشه
منيرة/ طب وفيها ايه
هو دا اللي مزعلك ياابني
عماد / ايوه طبعاً له حق يزعل
م هو كل م تيجي سيرة إيهاب يتعفرت بالشكل ده زي م يكون في تار بينهم
حازم/ انا مستحيل أقبل إن الموضوع دا يتم
رحمه/ وانت ايه اللي م زعلك اوي كده وبعدين طالما بابا موافق يبقي ملكش فيه
عماد بانفعال/ متتكلميش وانا قاعد
رحمه / انا آسفة يابابا
فريدة واقفه عند الباب وعيونها ناحيتهم
حازم نظر ليها وقرأ كل اللي بيدور في دماغها وعيونه كلها دموع
منيرة بخضه لفريدة/ يلهوي يابنتي
مالك في ايه
فريدة واقفه غير متزنه ودموعها ع خدها
رحمه تقرب منها/ تعالي يافريدة اسندك تدخلي جوه
نظرت ليها فريدة بتعب وبدأت تفقد وعيها ووقعت ع الأرض
منيرة بتصرخ
حملها حازم بسرعة ونيمها ع سريرها
عماد بقلق / أنزل تحت بسرعة ياابني لكريم يجي يشوفها
كان حازم بيحاول يفوقها
منيرة بتعيط/ فوقوها الأول البت هتروح مني
نزل حازم بسرعة وهو خايف ع فريدة
بيخبط بكل قوته ع باب شقة حلمي
سميرة بصوت ناعس/ اصحى ياحلمي شوف مين اللي بيخبط بالشكل ده
حلمي يقوم بسرعة كان كريم وعلاء خارجين من الغرفة
حلمي / خير يا حازم في ايه
حازم وهو بيحاول يجمع كلمتين ع بعض من الخضه/ فريدة مغمي عليها فوق حاولنا نفوقها مفيش فايدة
كريم بعد اهتمام دخل الغرفة ينام نظر له علاء بدهشة
حازم/ ممكن ياكريم تيجي تشوفها
علاء / استني ياحازم انا جاي معاك وطلع حلمي وعلاء مع حازم
وحاولوا يفوقوا فريدة لحد م بدأت تستعيد وعيها
بس بدأت تصرخ بشكل هستيري
رحمه ومنيرة بيحاولوا يهدوها واخدتها منيرة واحتضنتها
لحد م نامت
.................................
سامي/ قولي عملت ايه
إيهاب / مشوفتهاش. .هربتي مني
سامي/ هي مين
ايهاب/ حبيبتي
سامي/ انت حالتك صعبه اوي
ياابني انا بكلمك ع الموضوع اللي كنت رايحله
إيهاب / هيوافقوا انا متأكد
سامي/ يعني طلبت ايدها
إيهاب / حازم بيه وقفلي ف الموضوع بس انا عارف إن رأيه مش مهم
سامي/ اممم
شكل الموضوع مش هيعدي ع خير
ايهاب/ ولا يهمني
طالما البنت موافقه خلاص
سامي / عارفة ياايهاب انا بدأت أخاف منك
ايهاب/ هههههههههههه
ليه بس كده؟!
هو انت لسه شوفت حاجة!
سامي/ تصبح ع خير انا مروح
ايهاب/ استني نتعشا مع بعض
سامي / لا يدوب اروح
......................
📞
ندي/ طيب اهدي بس وكل حاجه هتتحل
حازم/ هتتحل ازاي بس
ندي/ انا مش عارفة هو بيعمل كده ليه
حازم/ بينتقم ياندي
ندي/ كنت خايفة اقولك كده
حازم / والعبيطة اختي مش فاهمه كده
ندي/ معذوره تلاقيه بلف دماغها بكلمتين مسح بيهم عقلها
حازم/ فريدة اللي مدمره خالص
ندي بتعيط
حازم/ انا اسف اوي ياحبيبتي للي حصل
ندي/ بتعتذر ع ايه بس
حازم/ مفروض دا كان يبقي أجمل يوم ف حياتنا جه وبوظلنا كل حاجه
ندي/ أتكلم معاه ياحازم
حازم/ دا مهيصدق عشان يبيع ويشتري فيه
ندي/ خلاص قول لعمي الحقيقة
حازم/ عشان بابا يطب ساكت ولا يروح يعمل حاجه في فريدة
دا انا مصدقت إنه هدي شوية من ناحيتها
ندي/ وبعدين ايه العمل
حازم/ اقفلي ونامي انتي والصبح يمكن نلاقيلها حل
ندي/ طيب تصبح ع خير
.............................
ف المستشفي
سوزان / خلصت تجهيزات العيادة يادكتور
كريم/ لسه شوية
سوزان / اممم طيب لما تخلص بقي قولي
كريم / إن شاء الله
سوزان/ ع فكرة انا هاجي ابارك يعني مش جايه اضايف ولا حاجة
كريم / لا انتي فهمتي غلط مقصدش
سوزان/ انا عارفة بس بقولك كده عشان تفوك شوية شكلك مضايق اوي
كريم/ يعني
هي المشاكل هتسيبنا وتروح فين
سوزان / بابا ع فكرة من أول م قابلك ف المستشفي هنا وهو عمال يمدح فيك بقوله يابابا حضرتك عمرك م قولتلي الكلام ده يقولي عشان هو يستحق الكلام ده
كريم/ باباكي كان استاذي وانا بتشرف إنه درسلي في الجامعة
سوزان/ ماهو عمال يفكر بقي ويرجع بشريط ذكرياته ويقولي دا كان من اشطر الطلاب عندي
مع إن بابا ذاكرته بقت ضعيفة وبينسي تفاصيل كتير في حياتنا
كريم بتنهيدة/ هو دا الحال اللي هنوصله احنا كمان دا لو عشنا للوقت ده
سوزان / بعد الشر عليك
تدخل ريم/ صباح الخير
سوزان/ بنجور دكتور ريم
ابتسمت ريم
سوزان / أخيرا اجازتك انتهت ورجعتي تاني للشغل
ريم/ اعمل ايه بقي مقدرتش اقعد بعيد عنكو اكتر من كده
سوزان/ ميرسي. ..ميرسي يااختي هههههههه
ريم/ واضح إنك رايقة اوي النهاردة
أنت تقرأ
تزوجت ابن عمي👰🤵
عاطفيةرومانسية اجتماعية لفتاة تزوجت ابن عمها التي لم تكن تحبه ثم أحببته بعد ذلك لتأتي اختها وتقلب حياتها رأساً على عقب وتسبب لها الكثير من المشكلات.
