الحلقة 29
#تزوجت_ابن_عمي
#بوسي_مصطفي
............
في شقة إيهاب
قاعدين ع السفرة...إيهاب بياكل ورحمه سرحانه
إيهاب / مبتاكليش ليه يا رحمه؟
رحمه/ مليش نفس.
وقامت.
إيهاب / ايه زعلانه إنك مروحتيش عند مامتك الليلة ولا ايه؟
رحمه/ معرفش كان فيها ايه لو وافقت اني اروح هناك وابارك لفريدة؟
نظر إيهاب لرحمه بمكر/ عاوزه تباركيلها ولا تتخانقي معاها؟
رحمه/ واتخانق معاها ليه؟
ايهاب/ يمكن عشان اتجوزت ومراعتش مشاعر أي حد فيكو.
رحمه/ الغريبه إن كلهم موافقين وهما اللي شجعوها!
إيهاب / وعايزة تروحي عندهم؟!
اقعدي ف بيتك بلاش وجع دماغ.
رحمه/ غريبه اوي افتكرت إنك هتبقى مضايق!
ايهاب/ وهضايق من ايه؟
رحمه/ يعني عشان فريدة اتجوزت لتاني مره وانت واقف تتفرج.
اتنرفز إيهاب وفتح باب الشقة وخرج.
رحمه بغضب/ غبيه
دا انا لو قاصدة افكره بيها مش هعمل كده.
قعدت وبتفكر / مش يمكن عشان انا متأكدة إنه منسهاش وع طول بيفكر فيها وعارفة إنه لسه بيحبها
ااااااه ياوجع قلبي.
.......
إيهاب وهو سايق بـ أقصى سرعة بيفكر في اللي قالته رحمه
اكيد خبيت عليكي اني بحبها ومش قادر أنساها
لا مخبتش انا متأكد إنك عارفه اني لسه بحبها والغريبه إنك لسه مكمله ياترى اخرتها ايه ف وجع القلب ده
و انتي يا فريدة لتاني مرة تضيعي مني.
..............
في منزل يحيى...منزل مكون من طابقين.
الدور الاول لوالدة يحيى. ..الثاني فيه شقته.
يحيى يفتحلها العربية وياخدها من ايدها ويدخلوا
جوه.
يحيى ببتسامة / برجلك اليمين يا عروسة.
تبتسم فريدة وتدخل يخبط ع شقة والدته.
والدة يحيى تفتح الباب / يا أهلا و سهلا مرحب
بـ العرسان.
و نظرت والدة يحيى لملابس فريدة و اضايقت.
منيرة تغمز لفريدة اللي تُقبل يد والدة يحيى.
والدة يحيى/ مبروك ياعروسة ابني.
ابتسمت فريدة ومعرفتش ترد عليها
كانت مكسوفه ومرتبكه.
منيرة/ نستاذن بقي ياجماعة.
يحيى / لا ياطنط لازم تدخلوا نتعشا مع بعض.
منيرة/ مينفعش ياحبيبي اتعشا انت وعروستك براحتكو.
سلمت منيرة ع فريدة وخرجت وأكرم وحازم كانوا في العربية
فريدة كانت بتبكي يحيى حاول يهديها.
يحيى / بعد اذنك ياماما هنطلع بقى.
والدة يحيى / توصل عروستك وتنزل عشان عاوزه اتكلم معاك شوية.
يحيى / حاضر.
.........
فوق
يحيى ببتسامة/ نورتي بيتك ياحبيبتي.
ابتسمت فريدة وقربت تساعد يحيى في خلع الجاكت.
يحيى / لا هنزل لماما الأول.
فريدة بخجل/ طيب.
يحي قرب منها واحتضنها أغمضت فريدة عيونها وشعرت بالأمان
كانت محتاجه الحضن ده عشان تطمن.
يحيى / فريدة انتي جميلة أوي و حنينه أوي أوي.
حاولت تبعد نفسها لكنه كان ممسك بها.
فريدة / مامتك مش كانت عايزاك تحت؟
يحيى / اه افتكرت
معلش يا حبيبتي هشوف ماما واطلعك ع طول
مش هتأخر.
هزت رأسها ببتسامة وقعدت ع السرير.
......
نزل يحيى جرى
والدة يحيى / ع مهلك ياحبيبي.
يحيى / خير ياماما.
والدة يحيى بحده/ أمها مدخلتش ليه؟
يحيى / عادي ياماما وبعدين حضرتك معزمتيش عليها.
والدة يحيى / ماشي انا غلطانه.
اتنهد يحيى / هو في ايه ياماما؟
والدة يحيى / انت مالك طري اوي كده معاهم؟!
يحيى / ازاي يعني مش فاهم؟
والدة يحيى / يعني سمعت كلامهم في كل حاجه
مفيش فرح ولا زفه ولا حتي زغروطه تفرحني.
يحيى / ياماما الأستاذ عماد لسه متوفى وحضرتك عارفة إنه مينفعش نعمل فرح.
والدة يحيى / ميعملوش هما أحرار الميت يخصهم احنا مالنا منفرحش ليه ف بيتنا؟
يحيى / وبنت الناس اللي جبتها دي مش بنته ولا بنت حد تاني؟
والدة يحيى / مكنتش تتهبب وتتجوز جايه ليه
يافرحتي بعروسة ابني اللي جايه بطقم كحلي مجتش ب اسود ليه بـ المرة.
يحيى / يعني حضرتك مخلياني اسيب عروستي واجيلك عشان تسمعيني الكلمتين دول؟
والدة يحيى / عروسة مين؟
اومال لو مكانتش تاني مره كنت هتقول ايه
يحيى و شعر إن فرحته اتكسرت بعد كلام مامته ليه
يحيى / تصبحي ع خير ياماما
والدة يحيى بتبكي / هتسيبني كده وتطلع تنام؟
يحيى / تحت أمرك ياست الكل.
عاوزاني ابات معاكي...انا معنديش مانع.
والدة يحيى / بتتريق عليا يايحي!
يحيى / لا انا بتكلم بجد قوليلي اعمل ايه
ايه اللي يريحك ياماما؟
والدة يحيى / اقعد معايا لحد الفجر
تروح تصلي في المسجد زي كل يوم وترجع.
نظر يحيى لوالدته بدهشة وسكت.
والدة يحيى بحزن/ كتير عليه مش كده؟!
يحيى / لا ياماما حاضر هقعد.
واهي كلها ساعتين والفجر يأذن
أنت تقرأ
تزوجت ابن عمي👰🤵
Romanceرومانسية اجتماعية لفتاة تزوجت ابن عمها التي لم تكن تحبه ثم أحببته بعد ذلك لتأتي اختها وتقلب حياتها رأساً على عقب وتسبب لها الكثير من المشكلات.
