الحلقة الرابعة عشر
#تزوجت_ابن_عمي
#بوسي_مصطفي
............... .........
في شقة كريم
فريدة دخلت لكريم الاوضة وهي زعلانه / أنا جهزت الأكل مش هتاكل؟
كريم/ مليش نفس.
فريدة بانفعال/ انا عايزة اعرف ايه حكايتك بالظبط؟!
كريم/ حكاية ايه؟
فريدة/ لو وجودي مضايقك أنا هنزل عند بابا.
كريم بانفعال/ بصي هو انا مش ناقصك أساسا بس لو عايزة تنزلي اتفضلي.
فريدة سكتت ودخلت البلكونة تقعد شوية
كريم بيتقلب ومضايق مش عارف ينام.
............
ندى / بطل جنان ياحازم
ويلا اقفل عشان انام.
حازم/ لسه بدري.
وبعدين هو مش من حقي اقعد معاكي؟
ندى / خلاص تعالي حد حايشك؟
حازم/ و باباكي؟
ندى / وانت عايز نقعد مع بعض لوحدنا؟!
حازم/ وفيها ايه يعني؟
بصراحة مبعرفش اتكلم معاكي وعمي قاعد
واخد باله ومركز معانا اوي.
ندى / تصبح ع خير ياحازم
حازم / انا هطلع فوق السطوح
اطلعي خمس دقايق نوقف في الهوا شوية.
ندى / طيب.. هشوف.
حازم/ هتيجي...يعني هتيجي.
ندي / طيب خمس دقايق بس.
...................
فريدة بتنهيدة فتحت التليفون.
بتراجع المسجات اللي اتبعتتلها من صاحبتها لانها مرحتش الجامعة النهاردة
قرأت مسجات كتييييير وفجأة عينها توقع ع رقم متسجل عندها من غير اسم
تقرأ المسج ولسه مخلصتش .
كريم/ علي صوتك
عشان اسمع.
فريدة بارتباك بتخرج من الشات
ولسه هتحذف المسج
خطف كريم منها الفون .
كريم / شوفي هي خربت خلاص ومبقاش فارق معايا أي حاجه .
فريدة/ دي واحده من صحباتي.
كريم بسخرية / واحده تكتب الكلام ده
ايه بقي اللي بينك وبينه ومين دا يابنت عمي يامتربية ؟
فريدة/ كريم متفهمش غلط.
كريم/ ايوااااا انا بقي عايز أفهم الصح عشان دماغي دي متحدف شمال
بانفعال/ مين ده؟
فريدة بخوف وهي بتبكي / معرفش.
كريم/ بصي انا اللي حصلي النهاردة كله كوم وصدمتي فيكي دي كوم تاني
انا معرفش انتي جيبتي الجرأة دي منين.
فريدة/ متظلمنيش ياكريم
انا معرفش مين ده.
كريم/ اقولك انا مين ده
دا واحد حضرتك بعتيه عشان تتجوزيني
إلا قوليلي يامدام انتي اتجوزتيني ليه
فريدة بتحاول تخرج من الاوضة
كريم يقرب يمسك ايدها بكل قوته
فريدة بتترعش و بتبكي.
كريم بانفعال/ جاوبيني...اتجوزتيني ليه؟
فريدة/ كريم انت اعصابك تعبانه
ممكن تهدا.
كريم/ اهدى
اهدى ازاي...اهدى ازاي وانا حاسس إن كل حاجة بنتها بتتهد فوق دماغي
عملتلك ايه عشان تعملي فيه كده
هو انا شكلي عبيط ولا طيب بزيادة
ولا عشان حبيبتك؟
فريدة/ وانا كمان بحبك
كريم عشان خاطر اللي في بطني سيبني دلوقتي انا مش قادرة أقف سيبني أنزل عند بابا لما اعصابك تهدي نبقي نتكلم.
كريم / خليكي انا اللي هنزل
فريدة / ابوس ايدك متنزلش
أرجوك متنزلش ياكريم خليك
انا اللي هنزل
كريم : بس واضح إنه متأثر اوي.
فريدة : كريم يا ريت متقولش كلام هتندم عليه.
وفتحت فريدة باب الشقة وخرجت
كريم قفل الباب بكل قوته
قعدت فريدة ع السلم تاخد نفسها وهي بتبكي.
......................
حازم طلع السلم وهو بيصفر عشان ندى تاخد بالها
وفجأة قصاد شقة كريم
فريدة بتمسح دموعها
حازم/ مالك يافريدة ايه اللي مقعدك كده؟
فريدة قامت/ مفيش انا بس تعبت شوية وكنت نازله لماما.
حازم/ بس انتي معيطه!
أنت تقرأ
تزوجت ابن عمي👰🤵
Romanceرومانسية اجتماعية لفتاة تزوجت ابن عمها التي لم تكن تحبه ثم أحببته بعد ذلك لتأتي اختها وتقلب حياتها رأساً على عقب وتسبب لها الكثير من المشكلات.
