تزوجت ابن عمي👰🤵

الحلقة ٨

الحلقة الثامنة
#تزوجت _ابن_عمي
#بوسي_مصطفى
....................

في الصباح تحت في الصيدلية
فريدة/ هاتلي أي حاجه للصداع يا علاء.
علاء/ مالك يا فريدة ...سلامتك؟
فريدة/ مصدعه ومش شايفه قدامي.
علاء / طب مريحتيش النهاردة ليه؟
فريدة/ لو قعدت دماغي هتصدع اكتر.
علاء / اتفضلي.
فريدة/ عندك ازازة مياه؟
علاء/ ثواني هجيبلك.
كانت ندى نازله جري.
علاء لمحها / مدوريش تعالي فريدة جوه.
ندى تدخل/ بتعملي ايه هنا؟
فريدة/ نزلتي يعني!
ندى / الجو فوق ميساعدش ع الراحة ابدا قولت أنزل احسن ايه مالك؟
فريدة بتشرب مياه / صداع مش عايز يسيبني.
علاء / وانتي ايه اللي انتي لابساه ده؟!
ندى / وانت مالك؟
علاء / امشي اطلعي غيري القرف ده.
ندي / طب بالعند فيك هلبسه بكره كمان
يلا يافريدة.
فريدة/ متشكرة اوي ياعلاء.
علاء / ع ايه بس يافريدة؟
علاء لندي/ متتصليش وتقوللنا تعالوا خدوني من القسم.
ندى من بعيد/ ليه يله هتمسك آداب ولا ايه؟
علاء / طب روحي بالكلية اللي شبهك دي!
فريدة/ هتغلط ولا ايه ؟!
علاء / هههههههه
الكلام ليها هي.
ندى جات / طب احترم نفسك
بدل متتخيط من الناحية التانية.
علاء / طب امشي شوفي انتي رايحه فين.
حازم/ صباح الخير ياعلاء.
يلا يافريدة عشان اوصلك.
علاء/ صباح النور..متاخدش البت دي معاك.
ندى قربت من فريدة/ يلا تعالي.
فريدة بغضب / لأ مش هركب معاه.
ندى / ليه بقى؟
فريدة / اللي يشوفك امبارح ع السلم ميشوفكيش دلوقتي
هو كان بيقولك ايه؟
ندى / كان عايز يدردش معايا فوق السطوح.
فريدة / نعم!
ندى / يلا خلصينا.
فريدة/ قولتلك مش هركب.
ندي/ خلاص انتي حره.
وقربت ندى وفتحت باب العربية وركبت في الكرسي الخلفي.
ندى / يلا بسرعة عشان متأخرة.
حازم / وحد قالك اني هوصلك؟!
انا كنت بنادي ع فريدة يلا يافريدة
ندى / يلا ياسطي وهديك اللي انت عايزة.
حازم/ انتي بارده ومعندكيش دم
انزلي يلا.
ندى / كده طيب.
ونزلت ندى .. فتح حازم الباب بسرعة.
تعالي هنا رايحه فين انا كنت بهزر معاكي مالك قفشتي كده ليه؟!
ندى / وانا مش فايقة لهزارك.
حازم/ خلاص انا آسف.
يلا بقي يافريدة واقفة عندك بتعملي ايه؟!
فريدة/ ومين قالك اني هركب معاك؟!
كان كريم نازل بسرعة وهو بيتكلم في التليفون مع دكتور زميله.
كريم / مسافة السكه...مش هتأخر سلام.
فريدة لحازم/ انا هركب مع كريم.
كريم لفريدة وهو بيفتح باب العربية/ صباح الخير يا فريدة.
فريدة/ صباح الخير. ..هتوصلني ولا مستعجل
نظر لها كريم بارتباك وهو مش لاقي رد.
حازم/ كريم شكله مستعجل اتفضل انت يادكتور
وانا هوصلها.
نظرت فريدة لكريم بضيق / طيب يلا ياحازم.
كريم/ معلش يافريدة انا عندي حالة مستعجلة هتدخل العمليات وانا..
تركته فريدة قبل م يكمل كلامة.
ندى / مالك وشك بيقلب ألوان كده ليه ؟!
فريدة بانفعال/ ممكن تسكتي انا مش طايقة نفسي.
ندى / ومين سمعك انا كمان هطق
من البيت كله.
حازم / مالك منك ليها؟!
ندي / ممكن تسوق وانت ساكت؟
....................
وصل كريم المستشفى
احدي الممرضات /بسرعة يادكتور المدام اللي جوه حالتها صعبة اوي.
دخل كريم غرفة العمليات.
ريم ل سوزان / هو في ايه؟
سوزان/ دي ست وراجل جم في حادثة والست حامل في الشهر التاسع.
ريم/ ياخبر و هي حالتها كويسه؟
سوزان/ معرفش.
هما اتصلوا بدكتور كريم ولسه داخل العمليات حالا
هروح أكل أي حاجه اجيبلك ايه معايا؟
ريم/ أمم استني شوية أكون جوعت.
سوزان/ ههههه وانا يعني هفضل جعانه لما تجوعي انتي ؟!
ريم/ خلاص هاتيلي نسكافيه معاكي يفتح نفسي.
سوزان/ اوك .
ريم/ ولا اقولك هاتيلي فطار معاكي بالمره.
سوزان / هههههه حاضر.
الدكتور شاكر يعدي عليهم.
صباح الخير يادكاترة.
سوزان / صباح الخير يادكتور.
يهمس ل ريم/ عايزك في مكتبي.
ريم/ عندي شغل.
د.شاكر/ مش هعطلك
خمس دقايق وتكوني عندي.
سوزان/ طيب ياريم مش عايزة حاجه تانية؟
ريم/ لا ميرسي.
.........................
في المكتب
حازم في التليفون/ يابنتي قولتلك خلاص بقى
انتى ايه مبتزهقيش؟!
وقفل الفون.
تدخل حنان زميلته/ انت مبتزهقش كلام في البتاع ده ؟!
حازم / هعمل ايه هما اللي بيتصلوا.
حنان/ هما بردو؟
ع العموم ادخل ل الأستاذ رفعت
استلقي وعدك بقي عشان بيسأل عليك من بدري.
حازم/ طيب.
.............
دخل المكتب
ا.رفعت بغضب/ فين ملف القضية اللي قولتلك تراجعه وكالعادة مراجعتوش صح؟!
حازم/ ملف!
ملف ايه؟!
ا.رفعت/ طبعاً هو انت فاضي للشغل اصلا
كنت فين ياحازم لحد دلوقتي ؟!
حازم/ حضرتك انا بس كنت يوصل فريدة اختي الجامعة.
ا.رفعت/ اوعى تفتكر إن عشان باباك غالي عندي وبقدره فحضرتك هتعمل بقي اللي ع مزاجك
وقت م تحب تيجي المكتب
ولما مود سيادتك يبقي مش ولابد تتصرمح براحتك.