الكاتبة دينا الربيعي
،،،،،،،،،،،،،،
فهد، طلعت من بيتنا الساعة ب9 ونص رحت اخذت باكيت حلاويات البيت خالي تعبانهم هاي الفترة والبارحة جوي يمنه انهبطو بسبب بيت عمي رحت عليهم دگيت الجرس طلع خالي
ابو روان، هلااا والله هلة ببو علاوي تفضل زارتنا البركة
فهد، هلا بيك خالي البركة بيك
ام روان، هلاو ابو علاوي اشلونك
فهد، الحمد الله بخير انتو اشلونكم
بقيت تقريبآ نص ساعة بس ماكو صوت روان بالبيت كلت خلي اسأل عليها
روان وينها مامبينه بالبيت
ام روان، والله صعدت نامت بغرفتها فوك اليوم افلاونزا وتعبانة
فهد، اخذتوها الدكتور صيحوها خلي انوديها
ابو روان، لا يابة ميحتاج اخذت علاجها وانشاء الله الصبح مابيها شي
فهد، انشاء الله اتمنيت اشوفها البيت بدونها مو حلو صح هيه مو مجامله بس ماعرف احس البيت حلو بشوفتها صفنت على نفسي بس لا وگعت بحبها استغفرت ربي واستئذنت وگتلهم لازم اروح طلعت والطريق كله ضايج ماعرف شبيه
فهد، سعاد اني صاعد انام ماريد واحد من جهالج يصعد فوك ترااا تعبان وحق الله اذا اسمع صوت انزللكم مفهوووم
سعاد، اش اجاك توك طلعت مابيك شي
فهد، وانتي اتحاسبيني تراا تعبان لا تحجين هواااي صعدت اريد انام مأكدر كن اكو غصة بكلبي وماكدر اطلعها تعبت من كثر التفكير ولازم اشوف تفكيري ماخذني يمها
روان، اعرفكم بعائلتي اني الوحيدة لهلي صارت قبلي 5 اسقاطات واني صرت بعلاجات ونذورة كومة يلة صرت عمامي اثنين بالخارج وعماتي اتلاثة ام فهد وام ثامر وام حسن بالبارتات القادمة راح تتعرفون عليهم انشاء الله
بيوم الي رحنه البيت عمتي ام فهد اجاهم اتصال انو واكع البيت علة بيت عمهم خطية انقهرنة عليهم صارت عدي خوف وتفكير اشلون اذا راح يدخلون الدواعش هنا منو راح يحمينة منهم حته بقيت بقلق نزلت احجي وية اهلي احس اريد شخص يطمني شوية الخوفة البگلبي تعبتني والتفكير نزلت
روان، بابا خلي نطلع للخارج بخوفة والدمعة بطرف عيني
ابو روان، خير بابا ليش نطلع صاير شي
روان، لا بابا بس اذا دخلو الدواعش اشلون منو راح يحمينة
ام روان، ميدخلون الدواعش هنا ماما حبيبتي شنو الخلاج تفكرين هيج
ابو روان، لا حبيبتي بغداد محافظة كبيرة ميكدرون يدخلون بسهولة والجيش محاوطها همة خلي يدخلون للمحافظات براحتهم يلة يدخلون البغداد انتو مو دشوفين الحروب بعدهي مستمرة وديحررون بالمحافظات لتخافين ولتعبين نفسج بهيج امور بابا اهتمي بدراستج ولدوخين راسج ماشي
روان، ماشي صعدت حضرت جنتي وكتبي وقريت شوية رحت للحمام اخذت دوش سريع بس بردت وصارت رجفه بية مدري من الخوفة لو من البرد اريد ادفة ماگدر ماعرف شبية گعدت الصبح حسيت اكو حركة بغرفتي لكيت ماما اتسويلي كمادات اثاري مصخنة ومادري بنفسي والليل كلة ماما اسويلي كمادات حته مشربيني دوة ومادري بنفسي مثل الفاقدة
ثاني يوم ماما كالت اجه فهد بالليل وسئل عليج كنالة عليج خطية راد ياخذج للدكتور بس كنالة مايحتاج ابتسمت ابتسامة خفيفة ماعرف ليش بدون اراتي بس انتبهت ماما تباوعلي غيرت الموضوع وكتلها صاعدة اقرة صديقتي دزتلي الواجبات لان اليوم مداومت صعدت واذكر اخر مرة من شفتة وكلي اثاريج مرة معدلة كتلة لعد مو بعينك كلي لا بعيني و ،، وسكت ماكمل جوابة احس كلبي يميل الة ماعرف ليش هوة كبير بالعمر حته شيب طالع عندة قليل متناثر بين شعرة ممبين بس من يگعد ماعرف ليش انتبه التفاصيلة بس من يتقرب يمي ماعرف اخاف منه احسه شخص كبير ولازم احترمة احس معتبرني طفلة ويلعبها او يمكن لان هوة ماعندة بنية هيج يعاملني ماعرف هيج احس بي انو يتعاطف
خلصت الليل ملل اني يومية هيج لان البيت مابي واحد وياي بس بابا وماما وهمة كبار اكثر وقتهم يشاهدون تلفزيون واخبار اكثر شي اني لو ادرس لو اتراسل وية صديقاتي بكروب على الواتساب ومرات نتفق نطلع بمكان متنزه او مطعم صديقتي زهراء جوارينة فرق كم بيت بينة اهلي يثقون بيهم فأخوها هوة يودينا ويجيبنة گعدت الصبح رحت للدوام واتفقنة العصر انروح المدينة بغداد خلص اليوم عادي وامتحانات اني مستواي كولش زين الحمد الله بعد مارجعت للدوام نمت شوية بعدين نزلت اتغديت وبديت احضر نفسي للطلعة اهلي يدرون من جيت خبرتهم لبست بنطلون جوزي وقميص اصفر اني مالبس حجاب بس من جوي بيت عمتي البس بس كدامهم همة ميعرفون بية اني سافرة بدون حجاب خليت مكياج خفيفففففف ماحب ابد المكياج الطوخ ولبست جنطة صفح وسمع هورن السيارة طلعت لگيت صديقتي زهراء وبت خالتها عايشة وياهم هية عدها علاقة وية اخو زهراء الي يودينا ويجيبنا وهوة اله مصلحة حتة يشوف حبيبتة ميرفض النا طلعة ابد رحنة المدينة بغداد اتونسنا وبقينة انسولف اخو زهراء كاعدين بعيد علينا شوية طيور الحب 🙈 بعدين رحنه اتعشينة رجعنا ب7 ونص وية نزلتي من السيارة شفت فهد نزل من سيارتا بس منصدم من المنظر الگدامة واني ماعرف ليش خفت منه احس اعيونة يطلع منهم شراررر سلمت عليهم وراحو اتقربت للباب واتقرب فهد علي
فهد، ماعرف اشلون خلصت الليل احس بنفسي مختنك بس ردت الصبح يطلع بقة بالي يمها بعدين اذكرت اول مرة شفتها تنزل من الدرج وتغني يهنيالي اخذت التلفون وخليت الهاتفون بذني وطلعت الغنية ويمكن سمعتها اكثر من 5 مرات بعدين نزلتها الغنية بموبايلي طلع الصبح صليت واستغفرت لان ماعرف ليش تفكيري ياخذني يمها اتمنا اخذها بحضني اشمها ابوسها اتنفس بغضب ونمت گعدت الصبح
فهد، صباح الخير اشلونج يمة انشاء الله ارتاحيتي بالبيت
ام فهد، والله يمه البيت حلو بس انه هناك متعلمة وديرتنا احله ومابدلها لو ينطوني گصر هينا بس شنسوي الحمد الله منا لمن الله يفرجها علينة
فهد، انشاء الله يمه انشاء الله يلة انه طالع
سعاد،ماخلص ريوكك ابو علاوي
فجهد، الحمد الله ماشتهي يلة بوسيلي الجهال فيما الله
ام فهد، سعاد، الله وياك
فهد، رحت للدوام تعب ونقل جثث وجراحات ناس ميتة وناس مجروحه وناس ايدها لو رجلها مگطوعة اخذنا دوريات ودخلنا للمناطق الي اتحررت انشوف روس لو ناس مكتلة لو بيوت واگعة والجسورة واگعة يعني الي يروح وياخذ نضرة ماعرف يحس الدنيا صغيرة بعينة وانتهت رجعنا بعد تعب ونقلنا ناس وجثث احس الطريق صار سنة دخلت للبيت نمت بملابسي وگعدت سبحت وتغديت اجو علاوي ومروان يلعبون وياي وصار الليل صليت وطلعت البيت خالي حنت روحي الها اوووووف شنهو تاليتج يابت خالي صبتيني ومادريتي وصلت نزلت من السيارة بس عساني لانزلت ولاشفت اتمنيت لو ميت ولااشوف المنظر الي گدامي حطت عينها بعيني مبين عليها ارتبكت لابسة لبس مو مال بنت بيت القميص گصير عليها والبنطرون حصر عليها والشعر نازل جوة خصرها اتخبلت تقدمت علي والسيارة راحت
فهد، انتي وينننننننننن جنتي ااااحجييييي
روان، اااا اني ججنت ط طالعة وية صديقاتي
فهد، ياصديقات ياكحا،،،،،، هذني انتي اشلون اطلعين هيج هااااا
روان، انته اشلون تحجي وياي هيج الدموع تكومت بعيوني لاهية نازلة ولا هية تخلين اشوف الگدامي اعصابه نار بس مالة اي حق هيج يحجي وياي ابد
فهد، ادخلي ونصي حسج تراااا ومحمد اذبحج هنااااا
يتبع، ،،،،
شنو توقعاتكم ردت فعل اهل روان راح يقبلون بلي سوا فهد لو لا
