الكاتبه دينا الربيعي
❤❤❤❤❤
ابو روان، اووووف اووووف هاذا الجنت خايف منه هسه ارتاحيتي مو گتلج لتگوليلها هسه نفسيتها تعبانه اعرف بيها توها خلصت من ظغوطات الامتحانات اشلون تحجيلها ماعرف
فهد، شنو بس لا گتولها بمرض خالي
اي كتلها لان لحت عليه هواي قبل لا تخلص متحانات شكت بينه ضامين عليها شي ويوميه تگلي اليوم بحاله عصبيه كلشي گتلها 😭
فهد، اخذتها للاستقبال شفتها ترجف ووجها اصفر گتله خالي راح اخذها للمستشفى
اخذها يله راح اجي وياك
لا خالي انته ابقه اني راح اخذها حالتك تعبانه
اني لعد راح اجي وياك ماكدر ابقه هنا
لا ام روان خالي مريض وبحاجتج انتي ابقي هنا وروان بأمانتي لتخافون عليها بس اطمن عليها وارجعها بسرعه ليضل بالكم
روح خالي روح اخذها
اخذتها صعدتها يمي بين لتفتح عينها وتسدها وصلت للمستشفى دخلتها جوه بعربانه الدكتور شافها گال عدها انهيار عصبي والضغط نازل درجتين علگولها مغذي خلص وكتبلها ادويه اخذتهن من بره وطلعنه
روان حبيبي اشلون صرتي هسه
ليش ماگتلي يعني كلكم تعرفون بابا مريض بس اني ليش ليش 😭
حبيبي روحي والله العظيم جان وضعج ميسمح ومشغوله بدراستج واني ردت اگلج بس خالي ماقبل واني شفتها صعبه عليج الصراحه جنت متردد اگلج ومن خالي گال ممنوع روان تعرف هسه بعد بطلت اگلج والله حته اهلي ميعرفون بس اني اعرف اخذت اديها بستها عيونها مورمات من البجي خايف عليها عدها انهيار عصبي وماريد انأذيها رجعت للبيت طبگت السياره ونزلت لزمت ايدها ونزلتها
ابو روان، ها فهد اشبيها
(طبعآ خالي يعرف لأن خابرني وگتله على حالتها)
لا مابيها شي ليضل بالك خالي گتلك ضغطها نازل
ام روان، شوفي اشصار بيج مو گتلج ماريد اگلج بس شيسكتج اذا الفضول عامي عليج
روان، ماما يعني تردوني ماعرف شنو يصير مايصير بالبيت مثل الأطرش بالزفه
يله باباتي ماصار شي حبيبتي شوفي هاي اني گدام عينج مثل العسل وانتي طحتي بيها ههههههه اريدج اصيرين قويه حبيبتي وكلشي نتحمل هاي هيه الحياه ومابيدينا شي الحمد الله على كل حال
اني متمدده وفهد كل شويه يباوعلي وينافخ التوتر مبين علي عاقج حواجبه ويباوعلي خزرته ابتسم ودار عيونه عني بعدين شفت بابا گال الفهد يحجون بره ماعرف شنو الجديد ماحس اله غفيت بعد ماگدر افتح عيوني نمت
فهد، طلب خالي نطلع نحجي بره طلعنه بالحديقه وام روان اجتي ورانه جايبه عصير برتقال وجايه عرفت خالي طلب منها تجي
