الكاتبه دينا الربيعي
⭐⭐⭐⭐⭐⭐⭐
خفت اشرد من همومي ويصيحولي بشر خواف
وخفت أبچي ويبين كل صدگ گلبي عله عيوني
وابو گلب الصدگ ينعاف 💜
⭐⭐⭐⭐⭐⭐
محمد، اني ابد ماعرفتكم على شخصيتي بالقصه وهسه اجه الوكت المناسب تعرفون انتو اني اخو فهد اصغر من عنده بخمس سنين اني هيئه جسمي مثل فهد طويل وجسمي وسط مو سمين اسمر بملامح عاديه ولحيتي هيه اكثر شي احبه ما احب اخففها هواي بس شاربي اخففه بيوم عقد فهد من رجعنه شفت
بنيه بس ماشايفها قبل ابدد يمكن من بنات عمتي تجنن بقيت عيوني عليها بعدين عرفت هيه بت عمتي أنوار عيوني غصب عني تروح الها موبيدي استغفر الله وارجع ادور عليها بعدين اخذت ملابس وصعدت سبحت ونزلت لگيتهم گاعدين كلهم
وهيه گاعده بصف عمتي وراسها على جتف امها ابتسمت من شفتها هيج گاعده مثل الطفل الخايف ناعمه والبرائه العدها مو طبيعيه جمالها كلشي بيها جذبني مااگللكم اول مره احب بس يمكن حبيتها هاي البنيه عيونها تسحر وتخلي الواحد لا أراديآ يباوع الها
بنين، قبل يومين عزمته مره خالي على خطوبه فهد طبعآ اني ما احب واحد يزوج اثنين ابد وماحبيت اجي الصراحه احس نفسي مأيده هيج شي اذا حضرت بس ماما بقت تحجي وترزل بيه تكرهين اهلي ومن هاذا الحجي ولو اهلج جان كيفتي ورحتي ويه ابوج خصمت الحجي لان صحيح من يصير
مناسبه عد عمامي لو عماتي اروح رحنه بيوم الخطوبه لبست بنطلون بوري كابوي وقميص تول ماروني الردن مال تول تبين الأيد منه والصدر هم شويه بس الباقي لا مبطن كولش حلوات لبستهم ولبست حذاء مقبط من كدام ماروني وشال مشجر
ارزق بلون البنطلون وحذاء ماروني خليت مگياج خفيف بس كحل وحمره بناتي اني شكلي طويله وجسمي وسط حلوو كلها حازدتني علي 😜 طبيعتي اجتماعيه جدآ ماعندي انعزل لو كبرياء اي شخص اشوفه احجي ويا ههههههه ما احب اتصنع شي موعندي ابد شعري طويل يوصل الخصري لو اسود فاحم
واني بيضه عيوني كبار بني رموشي طوال حلوات وشفايفي ممتلئه وخشمي حلو يعني ماعندي شي يتعيب لو مو حلو الف الحمد الله من رحنه البيت خالي شفت روان صالي هواي مشايفتها تجنن حقه فهد يزوجها لعابه وتجامل وتضحك اكو بنات يتكبرن لو اتحسهن من الوحده والانعزال بسبب ماعدها
شخص وياها بالبيت عبالك يتكئب بس هيه ماشاء الله تجنن خلصت الحفله وباركتلها رادت مني ابقه بس گتلها لا ماعرف ابقه بعيده عن امي رحنه البيت خالي طبعآ بيت فهد شفت عدهم ولد صاك عرفته محمد اخو فهد اويلي يجنن اكثر شي
جذبني بشكله لحيته اول مره اشوف هيج لحيه عاليه بس اتجنن ولايگتله نعست من گد ماصافنه بوجها راح صعد وره شويه نزل لابس تراك رصاصي وماروني منتجيه على امي من شفته ماعرف ليش انتبهت للقميص مالتي هم ماروني يباوعلي
أنت تقرأ
مأسات عسكري
Tajemnica / Thrillerقصه حقيقيه لشاب عراقي من الرمادي انقلبت حياته حين دخول داعش
