مأسات عسكري

البارت 18

الكاتبه دينا الربيعي
❤❤❤❤❤

فهد، قررت احجي ويه خالي بموضوع روان صحيح جنت خايف خالي يفكر اني استغل المرض ماله بس اني راح افهمه احبها طلعت الصبح للدوام وبالي مشغول اشلون راح ابدي واشلون احجي ويا وشلون اقنعه راسي گام يوجعني من التفكير قلق ماعرف ليش احس اكو شي راح يصير احس الوكت طويل علي الليل ايمر علي بسنه هملت نفسي واهلي وجهالي وبالي كله يم روان اشلون احصل عليها بدون ماخلي واحد يزعل لو يحس استغلال من عندي لو اهمال العائلتي ووگعت بالحب ماريد واحد ياخذ عني نظره اني مهمل لو افكر ابنفسي اريد كلشي ابدي حلو وبدون مشاكل حته قررت انصف الأثنين سوه روان وسعاد صحيح ماكو بگلبي بس روان بس سعاد ام جهالي ولازم ماقصر منها احس نفسي مرات مادبرها بس اليريد شي يضحي بشي ومستعد اعزل بروان بيت يم بيتنا بس ماريد مشاكل گعدني من صفنتي صديقي علاوي وياي بالدوام

علاوي. لك صارلك ساعه صافن متگلي شنو السالفه الشاغله بالك هيج

فهد، شنو يوميه اعيد عليك والله موتني التفكير علاوي. خايف من خالي ماريد اسمع منه كلمه الرفظ ابددد

علاوي، گول ياالله يمعود وين يلگه مثلك انته مو تگول بكلشي يثق بيه ومأمن عائلته عندك لا سامح الله اذا مات بعد شكو اني متأكد مليون بالميه راح يگلك موافق

فهد، اي ايثق بيه بس اني مزوج وعندي ولد اثنين يمكن يگلك اني ليش اطي بنتي الوحيده الواحد مزوج وعند جهال وهو يفكر يمكن يموت هسه يگلي اريد اغمض عيني واني مرتاح بتي ماوراها مشاكل وتعيش بسعاده اكيد راح يگلي اصير مشاكل ومترهم ومن هاذا الحجي

علاوي، دگوم خابره واحجيه كلشي وگله انته مستعد تفتح بيتين وانشاء الله يوافق

فهد، اي والله راح اخابره واحجي ويا
اتصلت بخالي واتفقنه نلتقي بمكان قريب هوه طالع من الدكتور وگلي قريب عليك نص ساعه يمكن واجه خالي بس مشيته وشكله مال واحد كلش تعبان جريت حسره عليه گلبي ينمرد مرد من اشوفه هيج محتار ومحد بيده شي لا الدكتور ولا غيره

ابو روان، ها ابو علاوي اشلونك

فهد، هله خالي الحمد الله انته اشلونك اخبارك بشر شنو گلك الدكتور

ابو روان، الدمعه ابطرف عيني ماعرف والله حالتي بيها ومجاي اتسوء ماكو شي جديد الخلايه السرطانيه منتشره بكل انحاء جسمي بالدم 😥

فهد، اووووووف خالي الله يكون بعونك شنو البيدي عليك وماسويته لو تسفر بره والك علاج ماخليك هنا ثانيه وحده

ابو روان، الله يكثر من امثالك ويحفظك العائلتك كله بيد الله ماكو شي يرهم دوه العلتي الله كريم اي گلي شنو الشي الردت اتگلي علي احجي اسمعك

فهد، هاا خالي خليها هسه غير مره انته هسه تعبان ويمكن الكلام الگوله الك يضوجك خليها بعدين