الكاتبه دينا الربيعي
❤❤❤❤❤
سعاد، من اجاني فهد ماشفته دخلنه للبيت گعدنه وسولفنه اني وعمتي اجه محمد ولعب ويه الولد صعدت فوگ شفته مندمج بالموبايل ويضحك عرفت بعده وياها بس ماردت احسسه اعرف بي وياخذ الأمر ابساطه اريد اخلي يعوفها گعدت يمه
فهد ماكو شي متغير بيه معقوله مانتبهت
فهد، لا عرفت حواجبج مغيرتهن مو
سعاد، لزمت ايده وتقربت منه ردت انام على كتفه بس بعدني
فهد، تقربت مني بس نترت وبعدتها ماعرف ليش هيج بس والله مو انانيه هاي بس مو بيدي انسان ماحبيته ابد بس انقهرت عليها
سعاد، فهد ليش هيج شنو قصوري وياك كل ما ادنالك تبتعد عني شنو الشي البيه الي يخليك تتقزز مني
فهد، لا والله مو اتقزز منج بس بالي مامرتاح اكثر من ميه شغله ابالي
سعاد، رحت للصالون وسويت تغيير بشكلي وشتريت مكياج وملابس بس ردت اجذب انتباهك وانته ولا يمك ليش شنو ذنبي فهد خليت مكياج گلت يمكن مقصره وهاذا واجبي خلي اغير من شكلي تالي تبعدني عنك
فهد، اجيتي بالوقت الغلط لو من زمان يمكن جان اكو امل احبج واتقبلج بس اتأخرتي هوااي
سعاد، ليش فهد ليش 😭 عشره عمر اني وياك ليش ماحبيتني شنو السويته الك خلفتلك اثنين ولد وشايلتكم شيل على راسي كلها تحبني ليش انته الوحيد الأقرب واحد الي بهاذا البيت تگول ماحبيتج ليش خليت برگبتي اثنين ولد لعد ليش كسرت ضهري بجهالك
فهد، لا والله ماعاش الي يكسرج انتي زوجتي وام ولدي بس ماريد اضم عليج واول وتالي راح تعرفين انه احب وحده ومقرر ازوجها
سعاد، ليش شنو وحدك تقرر مستحيل ولو اخر يوم بحياتي ماتجيب وحده علي بس اريد اگلك شغله وحده هاي بس الساق،،،،،،، والگح،،،،، اتحب رجال مزوج وعنده عائله
فهد، ماتحملت حجيها ضربتها راجدي انتي اشلون تحجين هيج على بنات العالم والله ثم والله اذا تحجين هاذا الحجي مره ثانيه مالج گعده يمي بعد
سعاد، 😭 اي طبعآ بعد اني صرت كخه غير حبيت وحده علي عساكم لا صرتو ولا انجمعتو الله يطلع هاي حوبتي منك
فهد، شوفي انه متحملج بس الخاطر هاي الولد واله هسه انتي ابيت اهلج گومي مني لتخليني ابتلي بيج هسه ومحمد
سعاد، نزلت جوه ابجي رحت العمتي لگيت الولد يمها گومو ماما اريد احجي ويه بيبي روحو يم عمو محمد
ام فهد، خيرج عمه اشبيج مساعه جنج ورده
سعاد، عمه فهد يخلي ورده ليش هيج اضمين علي مو گتلج راح يزوج مو گتلج يحبها عمه سوي شي الله يخليج ماريد اخسر زوجي
ام فهد، اووف يا سعاد شسوي اشبيدي عليج بعد حبها دخلت الگلبه بس انتي اتگدري اثبتين وجودج يايمه المره المعدله لو ياخذ زوجها عشره عليها تبقه امعدله مالج دخل بيها الها غرفتها واسرارها وحياتها ويه فهد وانتي وحدج هم غرفتج واسرارج ويه فهد ولا تعتبرن نفسجن شرايج اعتبريها مره حماج اذ فهد راح الها لا تسون مشاكل وتخلنه يكره يومه اتحملي بتي الخاطر جهالج لاتگولين عدي اهل واروح منو من نسوان اخوتج تتحملج انتي وعدج فروخ اثنين مرت طيف لو مره احمد الله مايجرعها مو انتي ابنفسج اسولفين يتحملنج يوم يومين وبعدين يملن ويبزعنج الله وكيلج ومحمد كفيلج اصبري والله يجازيج بتي
