الكاتبه دينا الربيعي
⭐⭐⭐⭐
روان، ثاني يوم بعد الخطبه مالتي كلها ملل وفهد زعلان يريد مني اني اخابره حقه هواي تعبته بمشاكلي هاي الفتره ماعرف شنو اريد احس نفسي مامرتاحه دخلت للمطبخ لگيت ماما تسوي غده باميه عله لحم وتمن
ماما لعد بابا وين ?
ابوج بغرفته اكل لگمتين ورجع نام اليوم وضعه ابدد ماعاجبني مياكل ولا يگول جوعان ابد البارحه حرت بالنسوان والخطار وهوه من الريوگ لليل اله اني بعدين اذكرت اتخبلت اشلون نسيت انطي غدا والدوة مالته
صدگ تحجين ماما اشلون تنسين بابا خطيه والدوة مالته
ذبيت البيدي على السريع ورحت اشوفه دخلت للغرفه لگيت الشمعات طافيه وبابا متغطي بس وجهه اصفرررر وبس اعظام بابا يوم عن يوم يضعف اكثر ويذبل ومابيدي شي تقربت منه بهدوء ماردت اگعده لان مبين من شكله تعبان
شفت بابا لانفس!
لاصوت ولا حركه تخبلت!
بابااااا باااابااا اگعد بي واني اباوع الصدره بلكي اطلع غلطانه بس ماكو نفس الدموع تجمعت بعيني خليت ايدي عله صدره اگول بلكي يتنفس بلكي تتحرك ايدي ويطلع بابا يتنفس قربت
ايدي الترجف من حلگه ماكو شي اتأكدت منه وصرخت صرخه رجت البيت ماردت اتسرع واخاف يطلع عايش احرك بي حيل ثواني ماما فوگ راسي نحرك بي ونصرخ بلكي يطلع نايم
بااااابااااا حبيبي الله يخليك اگعددددد بابا ماما توخر بيه لازمتني من ايدي واني لازمه الجربايه واصرخ ماعرف شنو صار عيوني بمكان بابا العالم التمت علينه يمكن اقل نص ساعه والبيت انترس جوارينه وشفت عمتي اجت وسعاد دخل فهد ومحمد اخذو واني مجلبه بي
فهد عوفه الله يخلييييييك فهدددددد لا تحرمني منه علييييييك الله فهددددد بااااااابااااااااااا لتروح
ماما لبست اسود جرتني هيه وسعاد لبست دشداشه سوده واريد صوتي يطلع من الصريخ ماكو اي صوت بس بحه والكلام مامفهوم راسي احسه راح ينفجر بس دموع تنزل ماما ملخت وجها انطعن احمررر عمتي ولاسكتت وفهد ومحمد العيون حمر لابسين اسود ماخذينه للمستشفى والدفنه يجيبو للبيت بعدين ياخذو
منتظره بابا يجي اباوع للبيت الناس انترس ترس اصدقائه ونسوانهم بالبيت اشگد الناس اتحبه اباوع بالوجوه والدموع ماوكفت يمكن اصعب يوم مر بحياتي لا اكل ولا شرب بس دموع تنزل
ماما نايمه كلساع ضغطها ينزل تعبنه بهاي ايام الفاتحه اذا اتعب كلش انام ساعه وارجع اگعد تذكرت من جابو بابا بالتابوت اني وعمتي وامي بقينه مجلبين بي والصريخ مالتهم اني صوتي رايح ماگدر اصرخ كلها بگلبي صارت
خلصت الفاتحه والعالم راحت بقو بس بيت عمتي وابن خالي حكيم وخالتي
اني وماما گاعدين بالغرفه وخطيه مره خالي وسعاد يشتغلون ويجيبون ويحطون بس يردون يغيرون من نفسيتنه شويه اني بس اباوع بعيوني والدموع احسها حرگه خدي من البجي وماما شاده راسها وگاعده كلساع تاخذ دواها
أنت تقرأ
مأسات عسكري
Misterio / Suspensoقصه حقيقيه لشاب عراقي من الرمادي انقلبت حياته حين دخول داعش
