مأسات عسكري

البارت 22

الكاتبه دينا الربيعي
⭐⭐⭐⭐⭐⭐⭐

اسمع اسمع لاتعوف حبنة خلي مثل ماكان والكان اليهدنة حبنة راح يضل يمشي ويانة مثل سفينة نوح ولي يكدر خلي يجي يفركنة مهما صاراضل سيف يعاقب كلمن يفاركنة لت خلي حبنة وحداني ويضل منو اليسوة ولي ميسوة يتشمت بحبنة ⭐⭐⭐

روان، بابا اني ماگدر ازوج فهد واتعامل ويا گدام زوجته 😭 عادي ولا عبالك ماخذه زوجها منها ماگدر احس ضميري يأنبني شنو اسوي والله تعبت من هاذا التفكير حسو بيه

ام روان، والله روان احنه ماجبرناج تحبينه ومن توصل السالفه الگعده زلم وخطبه يأنبج ضميرج احد دگ صدرج وگلج حبي وهوه رجال مزوج وعنده جهال اثنين والله طلعتي روحي اتعاملت وياج مثل صديقتج وگتلج بتي لتحبي حاول اطلعي من بالج وانشغلي بدراستج والعمر بعده گدامج والف واحد يتمناج وهوه رجال مزوج مناقصج شي حته تعيشين بمشاكل وايام مجهوله متعرفين سكوت مرته وبرودها هاذا شنو ورا بس منو يسمع الحجي من يوم يومج اتعاندين وتمشين وياي بالعكس

ابو روان، كااااافي شنو معنا هاذا الكلام هسه الولد اجه وطلبج من عندي واني ماعندي واحد ثقه ويتحمل المسؤوليه بگده واذا على الزواج الله محلله اربعه مو اثنين واحنه مو جديده عدنا ناخذ اثنين وتلاثه بس كل واحد وظروفه اني حبيت امج من كل گلبي وماطاني گلبي ابدلها بوحده وهواي لحو علي ازوج وجيبلك ولد يسندك ويسند اخته ويشيل اسمك ابد ما طاني گلبي اكسر امج بمره ثانيه وامج وحده من الگلولي ازوج اجتني وگلتلي رياض ازوج بعدك بشبابك وهواي بنات اعرفهن زينات وادري بيهن راح يوافقن بس اقبل انته واني وياك ماعوفك بس خلي تخلفلك انته ماشفت الخلفه مني مامجبور تتحمل وياي هاذا حقك شنو ردج احجي

ام روان، 😭 اي والله ولا انسه هاي الأيام والنسوان تعيرني متخلف ومتخلف حته من جبت روان هم ماخلصت من حجي العالم الي وگعدت اقنع بأبوج بس دائمآ جان رده الي ماريد جهال الله ماقسمهم الي وياج ماريدهم من غيرج عدنا روان تسوه عدي الدنيا كلها

روان، اباوع عليهم رغم كبرهم وبابا ومرضه وماما الي تحاول تتناسه موضوع بابا ومرضه الحب مبين وواضح وضوح الشمس بعيونهم ابجي وايدي عله خدي صافنه بكلامهم جاوبت بابا لعد ليش فهد مابقه على مرته وجهاله ليش راح يخرب مستقبله

ابو روان، شوفي بتي انتي اغله من كلشي بهاي الدنيا عندي يعني اني مامجبور ازوجج الواحد مزوج بس شوفي اني ليش گتلج رغم كلشي مازوجت عله امج لان احبها حب من كل گلبي حته لو ماخلفتلي بقيت احبها وماطاني گلبي ازوج عليها فهد لمن خطبوله سعاد احنه  جنه بكل خطوه هناك وياهم فهد جان عباره عن انسان موراح يزوج عبالك مسجون گوه اخذو ولد عمه خلو يزين مجان هاوي يزوج ابد جان دائمآ يگول لمه اذا ماحب وانحب مازوج لان اخاف اخذ وحده وماحبها ووگع بالي جان خايف منه بس كلمه ابو ماگدر يكسرها ابو الله يرحمه خطبها اله بدون ميدري وياخذون رئيه وهوه گلي حبج الج وانتي البنيه الجان منتظرها يابنتي الله يسعدكم هاذا الشي لا عيب ولا حرام انتي گلبج طيب ولهاذا هيج تفكرين حاولي تكسبيها وتتعايشين وياها مثل اختج انتي ماعندج اخت صيري مثل اختها والخاطر حبجن الفهد لتسون مشاكل وعيشن طبيعي والله اعرف من گرايبنه مزوجين ثنين وتلاثه اسألهم اشلون مدبريها يگولون وحده شايله الثانيه ووحده تحب الثانيه وعبالك خوات مو شرايج اريدج ترفعين راسي بتي ماريد العالم تحجي علي يگولون وحده وماعرف يربيها اعرف بيج خلگج صغير وتعاندين بس من توصل للزواج لا ماقبل عليج اريدج تعيشين ويا عله الحلوه والمره ماشي باباتي