( البارت السادس )
عامر بـ إستغراب : يفطر معايا..! طب ثواني آخود دش و أفوق و أنزل وراكي علي طول
مريم : بعد إزنك
عامر بـ هيام : إتفضلي
.............................
في الجنينه
عفاف بـ فرح و هي تنهي إتصالها : الله يا نجيب أنا مش مصدقه ... منال و سامح كلموا ناديه و وافقت علي النقل و هيا كمان مبسوطه عشان هـ تكون جمبنا
عامر : إيه يا ماما شكلك فرحانه أوي
عفاف : تعالي يا روح قلب ماما إنت السبب فـ الفرحه إللي أنا فيها دي أصلاً
عامر بص لأبوه بـ إستغراب : هوا في إيه..!
نجيب : خالتك يا عم سامح و منال إتكلموا معاها و أما صدقت و بتقولك ياريت تخلص الموضوع دا بـ سرعه علشان ينقلوا في أسرع وقت
عفاف : أيوا يا حبيبي إنت إللي إقترحت الموضوع دا و إنت إللي لازم تخلصوا مع صاحب الفيلا
عامر و هوا يحضن عفاف : يا سلام بس كدا..؟! دا الجميل يؤمر و عمور ينفذ
نجيب : إتلم يلا و إبعد عنها بدل موقعلك صف سنانك
عفاف : إنت غيران من إبنك يا نجيب
عامر : حاضر يا حجوج
أكمل و عينه فـ عين عفاف : عنيف أوي الراجل دا
نجيب : يا شيخ إتلهي ...
أكمل بـ خبث : قولي صحيح كلمت ملك عشان تيجي تقضي اليوم معانا زي كل جمعه...؟!
عامر بـ تمتمه : هيا التلقيحه دي محتاجه عزومه
نجيب : بتبرطم بتقول إيه ياض..؟
عامر بنفاذ صبر : مبتنيلش هـ تلاقيها فـ أي لحظه قدامك و عماله تشتكيلك مني
أكمل و هوا ينظر لـ البوابه : جيبنا سيرة القط .. مش كنا جيبنا سيرة حاجه عدله
ثم تركهم و دخل المنزل
ملك بـ حزن : عجبك كدا يا عموا..؟ هوا دا إستقباله ليا يعني يسيبني و يدخل جوا
أكملت بحزن : لا و كمان الباشا بقالوا مده بـ يكلمني بـ طريقه زي الزفت غير إنه بقالوا أسبوع لا بيكلمني ولا بـ يرد علي مكالماتي
عفاف : إهدي يا حببتي ولا تزعلي نفسك أقعدي بس عشان نعرف نتكلم
نجيب : أيوا يا بنتي أقعدي بس نفهم في إيه عشان نراضيكوا علي بعض
ملك : لا يا عموا ملوش لزوم أنا ماشيه
نجيب : ملك ياريت متتعبنيش معاكي و عيب تتنيلي كلمه إسمعي الكلام
ملك بتنهيده : حاضر يا عمي أنا ميرضنيش تعبك
عفاف : ثواني بقي أقولهم فـ المطبخ يحضرولك فطار عشان نفطر مع بعض
ملك : إللي تشوفيه يا طنط
تركتهم عفاف و ذهبت إللي المطبخ...
نجيب : خلاص بقي يا لوكه إفردي البوز دا
ملك بـ إبتسامه : حاضر .. أمال شهد فين
نجيب : نايمه فوق إطلعي صحيها
ملك : لا خليها براحتها
أكملت بـ إحراج : أخبار صحتك إيه .. معلش نسيت أسألك من عصبيتي
نجيب : الحمدلله يا حببتي ولا يهمك ... قوليلي إنتي بابا عامل إيه...؟!
...........................
في المطبخ
عفاف : ساره إنتي عارفه هيا بتشرب الكوفي بتاعها إزاي .. و إنتي يا مريوم حضريلها طبق و هاتيه فـ الجنينه
مريم و ساره : حاضر يا مدام
تركتهم و إتجهت إللي الجنينه
ساره : إبتدينا
مريم بـ إستفهام : مالك في إيه..؟
ساره : يا بنتي اليوم دا بـ النسبالي غير اي يوم ... الست ملك بتفضل تؤمر و تنهي و فـ الآخر تمشي و هيا زعلانه من عامر بيه و مش عاجبها حد
عامر بـ مرح : قفشتك يا أم لسان متبري منك
ساره : مقصدش و الله يا عامر بيه
مريم : هيا فعلاً مش قصدها صدقني هيا بسـ.....
قاطعها عامر : متبسبسيش خلاص محصلش حاجه أنا بهزر بالله أنا خارج عشان بابا عمال ينادي
ساره و مريم نظروا لبعض بخوف ثم أكملوا عملهم
.............................
في الجنينه
نجيب : ياريت يا عامر إنت و ملك تحلوا مشاكلكم و تخلصونا دلوقت طالما مبتعرفوش تحلوها بينكوا و بين نفسكوا و بطلوا شغل عيال بقي
عامر :........
ملك :............
عفاف : إنتوا معانا ولا مع الناس التانيين..؟
دخلت عليهم مريم تحمل صنيه : الحاجه إللي حضرتك طلبتيها يا مدام
عفاف : شكراً يا حببتي حطيهم قدام ملك
ثم أكملت و هيا تنظر لملك : دي مريم يا لوكه مبقالهاش يومين هنا بتساعد ساره بدل الست مني
ملك بـ إستغراب : بس دي كلها مني
رد عامر بـ إستفزاز : ماشاء الله طلعتي بتميزي أهوه
ملك أكلتها الغيره من جمال مريم و كلام عامر : يعني تقصد إيه يا عامر..؟
عامر بـ برود : أنا قولت حاجه..؟
ملك بعصبيه و هيا بتكلم مريم : و إيه الأرف إللي إنتي جايباه دا...؟! روحي غيريه ... ولا أقولك مش عاوزه من إيدك حاجه أصلاً
عامر بـ عصبيه : ياريت تحترمي نفسك و تحسني أسلوبك مع الناس
مريم و هيا بتشيل المشروب : أنا آسفه جداً هـ أغيروا لحضرتك حالاً
عفاف : إيه إللي بتعملوا دا ولا الولاد الصغيره
إدخلي يا مريم جوا و حقك عليا أنا
تركتهم مريم و عادت إلي المطبخ
عفاف : خلاص بقي يا لوكه متزعليش
عامر : أنا طالع أوضتي
نجيب : مقولنا بلاش شغل عيال بقي
لم يهتم عامر بحديث والده و إتجه إلي غرفته
...............
أنا بـ صراحه مش لاقيه تشجيع يستاهل إني أسيب إللي ورايا عشان أكمل الروايه 😔😔
لو لاقيت تشجيع هـ أكملها 😍😍
