( البارت التاسع )
............................
في أوضة الليفنج
دخل عامر لقي مريم بـ تنضف
عامر : إحم إحم
مريم بلعت ريقها و حاولت تخرج من الأوضه بس عامر قفل الباب
مريم : لو سمحت مـ ينفعش تصرفاتك دي و أنا مش هـ أسمحلك تتسلي بيا
عامر بـ صدمه : أتسلي....؟! دا إللي فهمتيه..؟!!
مريم : المفروض أفهم حاجه غير كدا..؟! بعد إذنك
عامر سكت و مـ إتكلمش و بعد عن الباب علشان مريم تخرج و خرجت فعلاً و فضل فـ تفكيره لحد مـ شهد قطعت تفكيره
شهد : إيه يا معلم مش هـ تفطر معايا...؟!
عامر : هاا.. حاضر جاي أهوه
.......................
في المطبخ
مريم كانت سايبه تليفونها يشحن و لما شحن فتحته علشان تكلم ولدتها و فـ نفس اللحظه وصلت رساله لـ ملك إن رقم عامر القديم فتح .. مريم كلمت مامتها و إرتاحت معاها شويه بس مـ حكتش أي حاجه من إللي حصلت و ملك فضلت تتصل و زاد جنانها لما لاقيت عامر إنتظار .. قفلت مريم مع مامتها ولاقيت إن فيه رقم عمال يرن
مريم : ساره في رقم بـ يرن عليا
ساره : وريني كدا...؟! هوا الرقم دا مستعمل
مريم : أيوه بتاع عامر بيه
ساره : تلاقي حد إفتكر إنه رقم عامر بيه و شغلوا تاني
مريم : طب أرد ولا أعمل إيه...؟!
ساره : لا خلي عامر بيه يرد هوا بـ يتهيألي كدا أحسن
مريم بـ غضب : لا خليه يرن
و سابت التليفون و كملت شغلها
ساره في نفسها : مالها دي...؟!
............................
في غرفة ملك
حاولت ملك ترن علي تليفون عامر بس قافله من ساعة مـ إتخانقوا مع بعض عـ الفطار و فضلت تكرر إتصالها بـ رقمه القديم
ملك : رد يا عامر بقي .... لـ الدرجادي مش طايقني...؟! تفتح رقمك القديم عشان مـ أكلمكش
تمام يا عامر أنا هـ أوريك
و فضلت ترن علي رقم عامر القديم
...............................
في فيلا نجيب و تحديداً في المطبخ
ساره : مـ تودي التليفون يا بنتي لـ عامر بيه بدال مـ هوا سارعنا كدا
مريم بـ نفاذ صبر : حاضر
و إتجهت لـ غرفة الليفنج إستإذنت و دخلت
مريم : هوا عامر بيه فين يا شهد
شهد : فوق فـ أوضته في حاجه...؟!
مريم : لا أبداً الخط إللي إداهولي عمال يرن
