شناز: كنت قاعدة نراجع للباك وفجأة نسمع فالعياط جاي من الحومة ماتخلعت ماتخطفت بويسك والفت😅 ديما الحرب نايضة واكيد سبابها زينو، جات ماما تجري تقرعج
فتيحة: هذا باين غير زينو الكلب ركبلنا الخلعة
شناز: بصح يبان ناس ملاح
فتيحة: اسكتي نتي الناس كامل يبانولك ملاح ،ياك خوك ماشي برا برك
شناز: لالا او في شمبرتو
فتيحة: مليح
شناز: بقيت نراجع منبعد العشية جعت وجاتني سخفة على لاكرام🍦😂 لبست عبايتي وطلقت شعري وخرجت ..كنت نمشي حتى جيت فايتة على مجموعة تاع ذراري وبقاو يرميو فالهدرة انا زربت في المشية خفت ناض واحد منهم جبدلي شعري منبعد مسني في ذراعي جيت ندور ليه لقيتو طايح في الارض طلعت راسي لقيت زينو .يعني هو لي ضربو😐😂 تبسمتلو وقتلو ماغسي ومشيت لحقني..
زينو: استناي ماتروحيش وحدك نوصلك..
شناز: وصلني شريت لاكرام ووصلني للدار منبعد شفت خويا جاي منهيه... ياوخذتااااه، تهردت
زينوو رووح روووح
زينو: وش كاين
شناز: حسااام خوياا
زينو: اا صحا ايا باي
شناز: شافني حسام زربت طلعت باش مايبهدلنيش برا
طلعت نحيت عبايتي وكليت لاكرام هكا شوي ودخل حسام
حسام: وين رااااهي
شناز: انا قلبي طاح عرفتها خولات وجلات
فتيحة: شكون هاذي واش كاين واش صرا
حسام: بنتك الخامجة دور مع زينو الكافي
شناز: خرجت ليه
وش راك صافا انا ندور مع زينو! تبلاوني ذراري ودافع عليا برك ماتكبرش الموضوع
حسام: منبعد قالك ندورو شوي نشمو هوا
فتيحة: حابة تهبليني نتي؟ ديري فالتبهديل وزيد مع زينو يالكلبة
شناز: بففف ..خليتهم ودخلت لشمبرتي وطبعت الباب وبقيت نراجع. وماتعشيتش طبعا زعما مشنفة😂 منبعد شوي ورقدت.
...
غدوة الصباح نضت وجدت روحي رايحة نقرا هبطت فطرت قبلهم كامل بويسك مشنفة عليهم😂 وخرجت لقيت الحومة كامل فارغة واو اول مرة😂 مشيت شوي لقيت زينو راقد فوق كرسي يبان بريئ رحت ليه نوضتو بالعقل
شناز: زينو..زينو نوض
زينو: شكون نتي
شناز: نوض انا شناز
زينو: كشما تسحقي
شناز: علاش راك راقد هنا
زينو: هههه ماشي اول مرة وماشي آخر مرة عادي روحي تقراي راني نايض
شناز: ماراكش مريض؟
زينو: راني لباس روحي راح عليك الحال
شناز: ايا باي
زينو: صحا
رحت نقرا وانا طريق كومبلي نخمم في زينو مسكين تشرد وهو صغير😞
...
منبعد خرجت مالثانوية وروحت للدار تغديت وطلبت من ماما السماح وخرجت باه نرجع نقرا وانا رايحة تلاقيت زينو
شناز: زينو صافا؟
زينو: وي صافا
شناز: كان يبان مقلق غير الخير😐
رحت نقرا ورجعت لعشية لقيت حرب فالحومة زينو وحدو مداير حرب مع 10 رجال خفت بقيت واقفة بعيد هو شافني زرب كملها معاهم وجاني
زينو: ارواحي ماتخافيش
شناز: ماصرالك والو😔
زينو: ماصرا والو روحي تروحي واسمحيلي عطلتك
شناز: رحت للدار ريحت شوي منبعد بديت نراجع
فتيحة: شناااز ارواحي هنا
شناز: هاخااه كشما درت ول
رحت نجري
وش كاين
فتيحة: ارواحي نهدر معاك
شناز: ماما وبابا في طابلة ويحكيو معايا هاالرب فيها إن😂
عبد الله: شوفي بنتي راكي كبرتي ووليتي مراا وقادرة على شقاك
شناز: حاتزوجوني😕
عبد الله: وشمن زواج هذا حبيت نقلك اسكو تقدري تقعدي فالدار وحدك لمدة؟
شناز: شحال نص ساعة!
عبد الله: عمك لي يسكن في عنابة راهو مريض لازم نروحلو انا ويماك وخوك معانا ونتي ماحبيتش نعطلك على قرايتك قلت نخليك هنا وكان تحبي تروحي روحي معليش
شناز: لالا عندي قراية روحو معليش نقعد وحدي
فتيحة: ماتخافيش؟
شناز: صغيرة انا😒
فتيحة: وراه وصاني خوك قالك بلاكي دوري بزينو ولا كشما تضحكيلو ولا تعطيه الضو الأخضر
شناز: وي وي صاااي
....
يتبع..
