لقاه خويا حسام انا غير شفتو وليت غير نعيط بويسك رافد في يدو موس خفت على زينو بدا حسام يعيط ويسب الحومة قلبها زينو حاول يحكمو ولا يهديه بصح وااالو خرجت الحومة كامل تتفرج تبهدلت😭 راح زينو ضرب حسام بدبزة لوجهو جا حا يرجعلو حسام دبزة في كرشو دخل فيه موس انا هنا جيت طايحة😓 مافقت بوالو حتان فطنت لقيت روحي فسبيطار أول حاجة تفكرتها هي زينو نحيت السيروم من يدي ونضت نجري حليت الباب ونعيط وينهو زينو ونبكي😭 حكمتني الفرملية قاتلي بالعقل وارجعي لشمبرتك
شناز: زينو وينهو تعيشي
الفرملية: واش لقبو
شناز:*****
الفرملية: راهو في غرفة الإنعاش
شناز: اديني عندو😭😭
الفرملية: ممنوع تدخلي ضك
شناز: تديني ولا والله غير الحالة نقلبها
داتني لعند زينو دخلت نجري ليه وهي راحت
زينو تعيش نوض تعيش تخليني يقتلوني زينو نحبك نووض😭
بقيت عند راسو وهو ماشي فاطن وانا غير نبكي جاو دارنا حوسو عليا ولقاوني عندو بصح حسام ماجاش اكيد جات غير ماما وبابا وماهدروش معايا كي شافوني لباس خرجو وراحو
طاح الليل وانا ماحبيتش نبعد كامل على زينو مالڨري جاو الفراملة وحاولو معايا بصح والو بقيت بايتة معاه حتان رقدت فوق صدرو
جا الصباح وانا نسمع في طيط طيط هاذيك الآلة لي تشوف دقات القلب ونشوف في الطبيب ومعاه شحال من فرملي
شناز: وش كاين وش كايييين😭
الفرملي: نبضات القلب تاعو بدات تضعاف
شناز: وش معناتها يعني عادي تصرا هاذي ياك😭
بداو يديرولو في مساج القلب بصح والو حتان استقام ذاك الخط انا غير شفت الخط ولا مستقيم وليت غير نعيط ونبكي وجيت طايحة في الارض😭
الطبيب: جيبو الجهاز تاع التريسيتي حا نفقدو المريض
شناز: بداو يديرولو بذاك الجهاز بصح والو وانا غير نشوف ودموعي يطيحو مشوكية
الطبيب: غطيوه صاي مكانش أمل
شناز: الجملة هاذي زادت كملت عليا وليت جسد بلا روح حتى الدموع نشفو
وحنا هكاك حتى..
......
يتبع..
