وصلنا للبحر حط زينو الطونوبيل وهبطنا نمشيو وبقينا نحكيو ونضحكو وانا كي شفت ضحكة زينو حسيت روحي خرجتو من عالم لعالم ثاني
شناز: تعبت رجليا قتلوني
زينو: هيا نقعدو
شناز: داكوغ
قعدنا وبقينا ساكتين لمدة منبعد نطق زينو
زينو: نسقسيك
شناز: تفضل
زينو: كشما مشيتي مع واحد من قبل
شناز: لالا جامي حياتي كومبلي قراية😂 ونتا!
زينو: حياتي كومبلي طاير ماحبيتش نعذب حتى وحدة معايا
شناز: ممم مليح،، نروحو ضك؟
زينو: هيا
شناز: وصلني زينو للدار وراح معارف وين بصح لاحظت فيه حاجة مع الناس كامل واعر بصح معايا عاقل فيا مغناطيس انا؟😂
نحيت حوايجي ودوشت ريحت شوي منبعد رحت نراجع شويا هكا عيطلي رقم مافيهش الاسم ماحبيتش نرفد زاد عاود قلت ضك يقلقني نرفد وصاي
شناز: ألو
.....: ألو صافا ماعقلتينيش؟
شناز: نو شكون نتا
.....: معاك زينو مادموزال شناز
شناز: ااا زينو هذا نتا منين جبت رقمي
زينو: ماتحبيش تعرفي المهم راني نهدر معاك
شناز: هههه داكوغ، وين راك دوكا
زينو: راني فالحومة طلي نشوفك
شناز: رحت حليت التاقة شفتو ضارب الحطة وداير نواظر جاي يهبل ضحكت معاه ودخلت
زينو: راكي شابة
شناز: مام نتا ههه، هيا باي منبعد ضك راني نريفيزي
زينو: داكوغ صحا
شناز: رجعت نراجع ماقدرتش نركز عقلي كامل عند زينو ونخمم فيه شباب وحياتو ضاعت هكاك وانا قاعدة هكاك حتى طبطب الباب رحت نشوف شكون لقيتها جارتنا احلام
شناز: اهلا احلام مرحبا بيك
احلام: يعيشك واش صافا راكي وحدك؟
شناز: وي دارنا عند عمي
احلام: وش راكي مع الباك
شناز: صافا نراجع وصاي ،جوزي اقعدي
احلام: صحا، واش كاش حب
شناز: لالا مكاين والو
احلام: بصح مادوريش بزينو بزاف حبيبتو ماتبغيش😂
شناز: وشنو؟؟ حبيبتو!
احلام: وي سجود لي تسكن في البلوك لي مقابلكم
شناز: اممم مليح
ماحبيش نبين قدام احلام بصح جاتني بكية كي عرفت بلي عندو حبيبتو كملت نحكي مع احلام منبعد راحت روحت وانا قلت بركا ماراني نبكي السيد دايرني ختو وانا نبكي عليه رحت كملت راجعت منبعد رقدت
غدوة نضت الصباح بكري وجدت روحي ورحت نقرا وكي العادة تلاقيت بزينو فالطريق
زينو: صباح الخير صافا
شناز: (بالتشناف) صباح النور وماشفتش فيه مامبا ورحت نقرا... وكي رجعت شفتو وحاولت مايشوفنيش بصح شافني وعرفني هاربة منو وبقينا هكا سمانة وكثر وكل مايجي يهدر معايا نهرب..
المهم اليوم جايين دارنا لازم نوض نوجد الحالة وجدت كلش وطيبت العشا وبقيت نستنى فيهم هكا شوي وطبطب الباب فتحتلهم وتحضنتهم توحشتهم😂
وقعدنا نتعشاو
حسام: ياك زينو خاطيك
شناز: الماكلة حبستلي ..وي خاطيني
وش راه عمو كشما ريح؟
عبد الله: لالا لباس خيرمن كان
شناز: الحمد لله
وحنا قاعدين هكا طبطب الباب ناض حسام يشوف شكون جا غير فتح كانت المفاجأة
.....
يتبع..
