غدوة الصباح نضت بكري باش نودع دارنا
شناز: ماما شحال تقعدو؟
فتيحة: بلاك شهر ولا أقل
شناز: طريق السلامة
فتيحة: الله يسلمك
شناز: سلمت عليهم وتحضنتهم وخرجو
طاحولي شوي دمعات مسحتهم وسكتت😂 ورحت لشمبرتي وبقيت نراجع حتى لحق الليل تفكرت ورقة لازم نطبعها بففف الزهر اضطريت نلبس ونخرج
خرجت ورحت طبعتها وانا جاية في الطريق شفت زينو يمشي ويميل باين سكران والطونوبيلات رايحين جايين رحت نجري ليه وجبدتو وحطيت يدو فوق ذراعي وبقيت نمشي فيه ريحتو كانت تعيف غير شراب😣
زينو: ش..نا..ز
شناز: وي زينو
زينو: را..ني عيا..ن
شناز: ضك نوصلك وين مالف تقعد
وصلتو بصح بانلي تعبان بزاف ماقدرتش نخليه
ديتو للبلوك تاعنا قلت نقعد معاه شوي فالسكاليات حتان يتحسن
قعدنا وهو راسو مش قادر يرفدو
شناز: زينو كشما ريحت؟
سقسيتو ناض السيد حط راسو فوق حجري وماهدر والو بقيت نلعبلو بشعرو و لحيتو منبعد فقت لعمري وش راني ندير😂
حاولت نرفدو ودخلتو لدارنا ااه يا حسام كون تشوف ختك😂
ديتو ورقدتو في الصالون وغطيتو ورحت رقدت فشمبرتي
زينو: نضت الصباح جسمي محطم لقيت روحي في صالون بصح الدار مانعرفهاش قلت اكيد واحد من صحابي رفدني جبدت تلفوني نكونيكني زعما حتى جات داخلة شناز
شناز: صباح الخير زينو
زينو: صباح النور واش راني ندير هنا
شناز: البارح كنت سكران ماحبيتش نخليك برا جبتك هنا
زينو: ماغسي ربي يخليك
شناز: بلا مزية ارواح تفطر
زينو: داكوغ نغسل وجهي برك ونجي
شناز: رحت وجدت الفطور جا زينو وفطرنا مع بعضانا وحكينا شوي
شناز: علاش ماتكريش كاش دار وتقعد فيها
زينو: والفت الشارع
شناز: بصح لويكتاه لازم تبني حياتك
زينو: نشاله، راح عليك الحال للقراية
شناز: لالا اليوم مانقراش كاين اجتماع
زينو: ااا داكوغ ايا انا نروح صحا
شناز: لالا ماتروحش
زينو: وشنو!؟
شناز: والو قتلك مزال الحال برك
زينو: لالا غير نشقيك
شناز: لالا وشمن شقا اقعد وضك نديرو الغدا مع بعضانا
زينو: واش نطيبو
شناز: نديرو سباغيتي
زينو: داكوغ هيا نبداو
شناز: وجدت لحوايج وبدينا نطيبو ونحكيو
وفجأة نجي طايحة وزينو ولا يضحك بالدموع
أنا توجعت من الطيحة بصح كي شفت ضحكة زينو نسيت كلش اول مرة نشوفو يضحك وظهر عندو ليفوسات يا مامي زادو فيه النص😍
نضت ورحت ليه
تضحك عليا ااا😒
زينو: ههههه ديزولي المنظر يضحك بالسيف
شناز: اسكت وكمل خدمتك خيرمن نحرقو الدار😂
كملنا السباغيتي وقعدنا نتغداو كي كملنا غسلنا الماعن وريحنا
شناز: وش رايك نخرجو
زينو: وين نخرجو
شناز: نروحو للبحر ندورو شوي
زينو: اوكي استناي نوجد الطونوبيل
شناز: عندك طونوبيل؟
زينو: وي عندي
شناز: داكوغ نلبس ونجي
رحت وجدت روحي لبست روبة حمرا طويلة فولاغ مع باسكات بيضا وطلقت شعري ودرت شوي مكياج خفيف وخرجت لقيت زينو يستنى فيا
رحت ركبت معاه والحومة كامل تشوف معانا ياربي ومايقولوش لحسام😶
....
يتبع..
