وصلنا للاصال تصورنا وتصدرت المهم جاز عرس هايل ولحقت اللحضة الحاسمة😐 بكيت شوي ماحبيتش نطلق روحي بزاف بويسك علابالي مانسكتش😂 ودعت اهلي وخرجت مع زينو بالزغاريت فتحلي الباب وركبني ركبت ومسحت خنايني😂 وزاد ركب زينو والفرحة كانت باينة فعينيه😍
زينو: مانيش مصدق بلي ديتك والله
شناز: لالا غير صدق بويسك من اليوم مانخليكش
زينو: نحبك
شناز: حشمت زعمة وهبطت راسي😳😂
وصلنا للوتال جا زينو هبطني ودخلنا وحنا حاكمين يدين بعضنا👫 دخلني للشمبرة وراح باش يجيب الفاليزة انا غير دخلت باش تفكرت بلي راني عروس😂 حكمتني الخلعة دخلت دوشت وجا زينو درت منشفة وخليت شعري مشمخ ودرت ريحة وخرجت كان زينو قاعد غير شافني ناض😂،،
زينو: جيتي شابة
شناز: يا ربي حا نموت من الخوف😶
بدا يقرب وانا نبعد حتان وصلنا للحيط حوطني بيديه انا بقيت مهبطة راسي حتان طلعولي زينو بيديه
زينو: من ويكتاه تخافي مني
شناز: بقيت ساكتة
زينو: كاش وحدة تخاف من راجلها😒😂
شناز: حابة نرقد
قتلو حابة نرقد باسني واقيل مايفهمش😑😂
نحالي المنشفة.....وفاتت الليلة بسلام😂
نضت الصباح لقيت روحي في حضنو بقيت نتفرج في وجهو وهو راقد يبان بريئ طوول لحيتو تهبل وشعرو هايل بقيت نتفرج حتان فطن😂 نحيت لغطا لقيت روحي عريانة زربت رفدت لغطا وطرت رحت للدوش لبست بيجامة تريكو وسروال طويل مفضفض ورجعت لزينو لقيتو راقد ماحبيتش نقلقو غطيتو وخليتو😙
جبدت التلفون لقيت كثرمن 50 ميساج من صحباتي وش درتي فيهاا كلبات😂 ريبونديتلهم وحكينا شوي حتان ناض زينو بقى يشوف فيا واقيل مش مأمن😂
شناز: صباح الخير حبي
زينو: صباح النور عمري، كان راني فمنام واحد ماينوضني تعيشو
شناز: راني هنا قدامك مراكش فمنام😁
زينو: اعطيني بوسة الصباح
شناز: قربت ليه وبستو😙 راحت الحشمة فذاك الشي
زينو: اصبري نلبس ونفطرو منبعد وجدي روحك نروحو لدارنا
شناز: داكوغ
راح زينو لبس وفطرنا مع بعض منبعد وجدت روحي لبست تريكو غوز مع سروال جينز وطالون نواغ ودرت شعري كوتجوفال وخرجت لقيت زينو يستنى فيا بالطونوبيل ركبت معاه ورحنا لدارنا وصلنا قدام فيلا صغيرة فيها بيسين تهبل
شناز: هاذي هي دارنا؟
زينو: وي هي
شناز: تهبل
زينو: تفضلي اهبطي لالة مولاتي😂
شناز:😂😂😂😂
هبطنا ودخلنا حطينا الفاليزات ونعتلي زينو الدار وكل بلاصة فيها باش ندور براحتي،،
بقى سؤال في راسي حبيت نسقسي زينو عليه بصح خفت قلت خلي يجي فالليل ونهدرو في العشا
المهم الغدا جابولي من برا تغدينا وهو قالي حا نخرج نحوس على خدمة،،
خرج زينو رحت نحيت حوايجي ودوشت ولبست بيجامتي وقعدت نريفيزي للباك كي كملت قلت خلي نوض ندير عشا خفيف هكا باش نسقسي زينو وحنا ناكلو،،
درت بطاطا فالكوشة و ڨغاتان وجاج محمر ووجدت الطابلة وبقيت نستنى حتان جا زينو رحت تحضنتو وقعدنا ناكلو
زينو: ماكلتك بنينة الله يبارك هههه
شنار: بصحتك،
زينو حابة نسقسيك
زينو: سقسي كان راكي على الفوياج دونونس راني مدي عمري لتركيا😙
شناز: وي هذا هو السؤال😊
مكانش هذا هو سؤالي بصح كي هدر زينو ماحبيتش نسمطها عليه وعليا قلت خلي نجيو ونسقسيه😞
زينو: عندي ليك خبر يفرح
شناز: فرحني ترا😆
زينو: صبت خدمة
شناز: اوو وين
زينو: لقيت ڨراج للكراء عيطت للرقم قالي مزلت ماكريتوش والسومة عجبتني حا نكريه ونبيع فيه حوايج رجال،، وهكا نوكل عمري😂
شناز: لقيتو ثم ثم الحمد لله😁😂
زينو: هيا نوضي وجدي فاليزتك غدوة نروحو
شناز: اوو صح من ضرك مالا ومعارف😂
طلعت لشمبرتنا وجدت فاليزتي وزينو وجد حوايجو ثاني ورقدنا بكري علاجال الفواياج..
......
يتبع..
