حنا هكاك حتى شفت زينو حل عينيه
شناز: حل عينيييييه😭
دار ليه الطبيب شافو صح حل عينيه رجعتلو الروح،،
ونبضات قلبو رجعو طبيعيين، انا رحت نجري ليه ونتحضن فيه
قالولي خليه يرتاح ماقبلتش حتان خرجو وخلاونا😎
شناز: زينو وشراك صافا ريحت حبي
زينو: واش قلتي
شناز: حبي😳
زينو: ارواحي هنا ارواحي😍
شناز: رحت ليه وبقى متحضني
زينو: اسمحيلي شناز دمرتلك حياتك
شناز: ماتزيدش تقول هاذي الهدرة نتا هو حياتي
وطلعت راسي عندو وبستو من خدو😘 وليت مانحشمش😂
زينو: رديتي فيا الروح😂😁
شناز: بقيت معاه محضناتو وراقدة عندو حتان رقد رحت عند الطبيب
شناز: سلام دكتور
الطبيب: سلام تفضلي
شناز: ويكتاه يقدر يخرج زينو
الطبيب: يرتاح اليوم برك وغدوة الصباح يخرج عادي
شناز: داكوغ ماغسي
كي عرفت بلي حا يخرج غدوة قلت خلي نروح لدارنا وكشما نطيبلو ونديلو،، وصلت للدار طبطبت فتحتلي ماما وماهدرتش معايا دخلت ورحت ديراكت لشمبرتي
رحت دوشت ولبست بيجامتي وهبطت للكوزينة
عبد الله: شناز ارواحي هنا
شناز: انعم بابا
عبد الله: من اليوم مكلاه تزيدي تروحي تقراي
شناز: كيفاش علاه اضراب؟
عبد الله: اليوم رحت للمدير وجبت الوثائق تاوعك بطلتك من القراية
شناز: وش..نووو😭
جاو دموعي طايحين وحدهم مستقبلي ضاع تعبي ومجهودي راح احلامي تحطمت حياتي خلاصت
عبد الله: روحي حطي وش كاين في يديك واطلعي لشمبرتك من اليوم مكانش خرجة من الدار
شناز: مالقيت واش ندير طلعت لشمبرتي وبقيت غير نبكي من جهة قرايتي ومستقبلي راحو ومن جهة زينو من اليوم مانزيدش نشوفو بكيت بكيت ورقدت،،
العشية نضت لقيت زينو معيطلي 6 مرات عاودتلو ودمعتي في عيني
زينو: وين هربتي😂
شناز: بقيت ساكتة باش مايعرفش بلي راني نبكي
زينو: ألو شناز راكي تسمعي فيا
شناز: زينو😭
زينو: راكي تبكي؟؟ وش كاين
شناز: حبسوني دارنا من القراية والخرجة من اليوم مكانش😭
زينو: واش هذا وش دخل قرايتك فالموضوع،، خلاص صحا خلي انا ندبر راسي
شناز: كوبا عليا وخلاني نتخبط بقيت غير نعاودلو خفت كشما يجي يدير مارفدش عليا،،
فاتو سمانتين وانا في الدار حتى جا ذاك النهار..
......
يتبع..
