مختار جا خاشي وبكورك تهلييل يا تهليل انا جيت
لقها راقده في السرير وبتبكي
مختار : (بخلعه😨) تهليل مالك يا مره ذي الطاقك كهرباء مكنكشه كده
تهليل :😭😭😭😭
مختار : (قعد جنبها) مالك عليك الله ماتخوفيني
تهليل : (تشهق) لي ماقلتا لي البيت دا فيهو كدايس😭
مختار : (حابس الضحكهه) يعني انت اسي قدرتك تبكي عشان كديسهه والله انتي ذاتك عجيبه عايشه عمرك كلو في البلد ذاكه العقارب والدبايب تقبضي وتكتلي اسي تهرشي من كديسه
تهليل : لكن انت ماشفته شكل الكد...(قاطعه مختار)
مختار : اسي انت لازم تقوي قلبك لانه انا طول اليوم حااكون مشغول وبعدين كدايس البلد دي ميتانه لو حدرتي ليها ساي بتخاف😂
تهليل : سمح😒
(في جانب بس قريب شديد من تهليل ومختار
كديسه سوداء عيونه سوداء وكلها اسود في اسود رافعه ضنبها وبتعاين بنظرات مرخيه تجاه تهليل ومختار البضاحكو....)
الصباح....
تهليل : مختار قوم يا راجل اشرب الشاي مختار ياخ كفاك نوم
مختار :(بنعس) سمح 😴
(تهليل واقفه تتامل في راجله وحب حياته شعرو الكتير انفو المستقيم حواجبينو مخططه ومقرونه ورموشو غزيره لونو قمحي وتشيل وتتبسم وتتكشم😂)
مختار : (فتح عين وحده) مالك ي وليه جنيتي تتبسمي براك😒
تهليل : قوم قوم الشاي برد، وبعدين مش قلت ليك ماتقول لي وليه😠
مختار : سمح ي وليه تاني مابقول لي وليه
تهليل : مختاااار😠
مختار : اسف اسف😂
(مختار درس لغهه انجليزيهه وبكاوي تهليل وهي بغيزه الكلام بتقول لي لغة الكفار مابتقدمك😒)
شربو الشاي ،، مختار هلوللتي انا بعد دا طالع ماشي اقدم في المدارس وان شاء الله مابتاخر
تهليل : يعدل خطآك ي رب❤
مختار : خلي بالك من نفسك ، طلع...
(تهليل حست بي فراغ ، بس مع دا حاسه انو البيت دا تقيل كانها ماقاعده براهاا بدت تتحسبن وتستغفر)
بعد شويه الباب كو كو كو
تهليل قامت تفتح ،، اي اي وعليكم السلام اتفضلو خشو خشو اقعدو ارتاحو فتحت المروحه
ومشت جابت ليهم مويه
وحده قالت (نحنا جاراتك بي جاي ي بتي وديل احسان وساميه وانا فاطمه ودي بتي تسنيم )
تهليل : اتشرفنا ي خالتي نورتو
فاطمه : ينور حياتك ي رب
اتونسووو زيييين
احسان : بعد استاذن بناتي بجو من المدارس اسي
(قامو كلهم ودعوها وطلعو ، تهليل اتبسطت شديد وخوفها اتكسر شايله كبابي المويه وتدندن وماشه وفي عيون حولها بتعاين ليها المره دي كانو كديستين بنفس مواصفات الاولي)
كو كو كو
مشت فتحت
مختار : (مبسوط) مساء الخير والسعاده والورد والفل وباسه في يدينها
تهليل: مالك مبسوط ان شاء الله دايما❤
مختار : ابشري ي تهليل لقيت وظيفتين في وقت واحد😍
تهليل : كيفن الكلام دا ي مختار ما صعب عليك وظيفتين
مختار : لالا اطمني المدرسه خاصه وحااشتغل محاسب وفي نفس الوقت استاذ لي الصف السادس 😍
تهليل : الحمدلله ربك كريم ي مختار
مختار : شاكر وحامدك ي رب
(قعد اكل وشرب الشاي مع تهليل العصر اذن
تهليل حكت ليهو بي جاراتا وكانت مبسوطه)
مختار: والله ماقايلك حتتاقلمي كده وانتي كنتي متجرسهه من البدايهه
تهليل : اصلي ما دايرها ولا بحبها بس الله يصبرني
مختار اتوضي ومشي الجامع بعد جا قال لي تهليل بعد كدهه لازم تشوفي ليك دكتور تواظبي معاه
تهليل : هوي هااا دكتور شنو اسي الوحده في البلد ماتعرف متين حملت وتلد عاادي
مختار : تهليل نحنا مافي البلد نحنا في بورتسودان افهمي ونحنا حنعيش ذي اهلها من دون ماننقص علي شي ومن دون مانخرب فينا شي اوكي بيبي
تهليل : خلاص كويس بس الكلام الفي نهاية الخطبه بتاعتك احذفو
مختار : اوكي بيبي
تهليل : مختاااار😒😒😒
مختار : اسف اسف😂،، اسي اطلعي البسي اصلي المغرب ونطلع العياده
تهليل : سمح
(من نفس الحيطه نفس الكديستين بيعاينو ليهم بنفس النظرات )
يتبع....
