تهليل : دا منو ي عبير
عبير : (بتلف في شعرتا ) بري مابعرفو وحده مجنونه خبطت وجرت
تهليل : سجمنا في مجانين في العماره دي كمان
عبير : البلد دي كلها مجانين
تهليل : سجمنا كان كدي
عبير : اسي انسينا ، ارح نعمل الكيكه😍💪
تهليل: تعالي اعمليها انتي انا ولا بقدر😂
عبير :( واقفه في التربيزه وماسكه المشط تتكلم بيهو ولابسه نظاره لقته في التربيزه) معاكي منال العالمي 😎 خمسه دقايق بس وتجهز
تهليل : ي زوله ماتحريقي الدنيا😂✋
عبير:(نزلت النظاره لتحت بي سبابتها ) بتشكي في قدرات عبير العالمي 😎
تهليل : بري منك😂😂
_______________________
مختار : والله ماعارف اذا بقدر المره ليها اسبوعين طالعه من المستشفي
حسان : لالا هو زاتو لسه اسبوعين لي قدام
مختار : كدي والله بشوف
حسان : تشرف ي اخوي
مختار : تسلم ياخ
____________________________
في الشركه.....
كو كو كو
فيصل : اتفضل
منذر : ابو الشباب
فيصل : اوو منذر اتفضل اقعد
منذر : اتفضل وين وانا جايك بخبر شوم
فيصل (باستغراب) : خير!
منذر : من وين حيجي الخير ي اخوي وانت الشركه دي حتجيب اجله
فيصل : لي
منذر : والله انت غريب فاتح نفسك وبتقولي "لي" كمان ، ي زول من اسي بكلمك انا حاافتح باب التوظيف
فيصل : ..........
منذر : دي ماطريقه والله ، بعدين انت خت قوانين صارمه وادي احذار لكن ماتطرد من اول مره كده
فيصل : تمام بنشوف
منذر : يعني افتح باب التوظيف؟!
فيصل : ايوا،، بس اعرف اي خلل حيكون عليك
منذر (بفرح): على العين والراس، ابشر
(منذر صديق فيصل من ايامات الجامعه ، هو وجدان كانو اعداء في اي شي ،، وكان بحذر فيصل منها دايما ، بس فيصل ذي مابقولو الحب كان عاميهو ،، منذر ، قدر فيصل في العمر يعني ٢٨،، بتاع مشاغلات ،،وبحب الجكس (الطبي😹)،، طويل ، لونو ابيض ، انفو حاده، عندو سكسوكه ، وغمازه وحده ، بيحلق كريستيانو، النوع العضلات بطنهم ظاهره ، ياخ من الاخر " جنتل مان"
_____________________
دهبو واقفه جنب الباب نفسها مقطوع
محمد نور (البواب ) : هوي ها مالك ذي الشفت ليك عفريت
دهبو : والهي ي مهمد انا يشوف شبها والهي
محمدنور: شنو
دهبو: (كان بتأشر اتجاه الشقه) : والهي دي بيت كئبه
محمدنور (كان بيعاين ليها كده):😒😒😒😒
فاتت خلتو.....
________________________
تهليل : والله كيكتك خطره عديل
عبير : (كانت ماسكه كيك في يدينها الاتنين): انا الشيف عبير انتي بتهظري😎
تهليل : 😂😂😂😂،، ياخ في ملل كده ماطبيعي
عبير: كلماتك دي جات في حناني ياخ😒
تهليل : لي 😂
عبير :، من جبيل قاعده اتعاور ليك عشان تفري وجهك العبوس تجي تقولي لي في ملل😒
تهليل : انا عوارتك دي بعرفه بالفطره لكن😂😂
عبير : ثانكيو😒 ( وقامت)
تهليل : تعالي ماشه وين
عبير : ماشه ادخل ملابسي في الدولاب ليها زمن مركونه في الشنطه
تهليل : طيب
عبير : (كانت ماشه لقت لوحات في شوال)
دا شنو ي تهليل ؟!
تهليل : ايوا اتذكرتا دي حاجات بتاعت اسياد البيت قال لي مختار
عبير : ايواا
تهليل : عبير يااختي بعد ترتيبي ملابسك ماتنزليها ليهم بالله
عبير : انزلا ليهم؟!!
تهليل : اي الفله الصفراء دي بتاعتهم
عبير : اشوف لو انتهيت بدري😀
تهليل : اي عليك الله ربنا يفتحا عليك
____________________
مريم : اي ماشاء الله الجمعه البعد الجايه
الباز : دي ياته فيهم
مريم : احسان التومه بتاعت حسان
الباز: ايوا ماشاء ، بنصلهم اكيد
فيصل ومنذر جو داخلين.....
منذر : السلام عليكم
الباز ومريم : وعليكم السلام
منذر : (كان بيقلع في الجكت) ،والله ي خالتو مريم مشتاقين عديل كده😍
فيصل : مشتاق ليها ولا لي اكلاتها حدد😉
منذر : ي وزول منو الجاب سيرة الاكل 😂
فيصل : اااا ، لالا ، اتذكرتا الكان بيقول لي في العربيه جعان ومشتاق لاكل امك دا ماانت نهاي😉
منذر : ي زول ماتجيبها من الاخر بس😒 اي جعان ومشتاق لاكل خالتو مريم العسل
الباز: (كان بيرفع حواجبو): انا قاعد تتغزل في مرتي ي ولد😒
منذر : لا حول الله انت قاعد تصدق ماشايفاك القمر دا مضلمها عليكم😂
الباز: 😒😒😒
منذر : امزح امزح😂،، وبعدين شنو مخوفنا عليك خير
الباز : والله تمااام نحمدو السكري بس
مريم : انت لو بتلتزم بالادويه عوجه ماف😒
الباز : ملتزم الحمدلله😌
مريم : اي باين😒
منذر : ي جماعه وحات الله انا جعان
فيصل : ماعندك بيت ،، قوم اتخارج
منذر : ي زول انت حارقك شنو😒
جات ساره نازله.....
لابسه ( بنطلون جنز كحلي +بلوزه بالوردي +شبط بيت وردي + عامله شعرها كيرلي وجايبهو بالجنبه)
ساره: مسأكم بالخير
منذر : هلا هلا ومساءك
فيصل :......
مريم الباز : مساء النور
مريم : دهبووو📢
دهبو : انا ينادني ماما
مريم : قولي لي خيريه (الطباخه) تخت الغداء
دهبو : هاضر
______________________________
مختار : عليك الله الحله دي صانه كيف
تهليل : وفيها مجانين كمان
مختار : كيف؟؛😳
عبير : جبيل جاتنا وحده خبطت وجرت😂
مختار: كويس البقو مجانين يخبطو ويجرو😂
عبير وتهليل:😂😂😂
عبير : كان شفتي لقيت في الشنطه ورقه تقديم
اداني ليها عمو كده لقيتو في البص
تهليل : تقديم شنو؟!!
عبير : توظيف في شركه
تهليل : بالجد😍
مختار : والله حاجه كويسه قدمي طوالي
عبير : بالجد ؟!
تهليل : اي والله
عبير : الحله دي كلها مجانين مابخليك براك
مختار : على ضوء دا الروضه التحتنا في العماره كانو عايزين مشرفه وكلفوني اني اجيب اجيب ليهم ، مدام تهليل ماوراك شي اشتغلي معاهم
تهليل : الله مشرفه للاطفال😍 ،، والله احلي شي
مختار : انا بكره بكلمهاا
تهليل : ان شاء الله
عبير : انا ماشه
مختار : وين ؟!
عبير : عايزه اطلع الحاجات لجيرانا القصادنا ديل تهليل قالت بتاعتهم
مختار : لالالا خليها انا بوديها
عبير : لالا بسم الله انت جيت متين ، وبعدين نفسي اتكتم بالمره اشم هوا
مختار: اااا ، طيب😂
لبست عبايتها وطلعت ....
عبير : السلام عليكم
محمدنور : وعليكم السلام
عبير : احنا ساكنين في الشقه دي والحاجات دي تبع ناس البيت ديل
محمدنور: اها اتفضلي ي بتي
دخلت ...
كانت بتعاين للبيت منظرو كان جميل+النجيله+الزهور +الجو كان مغيم المنظر كان خرافي
عبير كانت متلتمه بالطرحهه ونزلتها من وشها عشان تسم الورود ،، قطعت ليها ذي تلاته وردات ودخلتهم جو جيب البنطلون وتمت مشيتها
كو كو كو
مريم : دهبو
دهبو : الباب يكبط
مريم : افتحيهو
دهبو فتحت....
عبير كان مديها ضهرها بتجرجر في الكيس الفيهو حاجات دهبو فتحت ومشت...
عبير : السلام عليكم
مريم : وعليكم السلام ، اتفضل يا الفي الباب
عبير دخلت
يتبع......
