عبير وصلت البيت
كو كو كو
تهليل: عبير مالك اتأخرتي كده يااختي
عبير : والله الناس كانو كتار
تهليل : اقعدي اجيب ليك اكل
عبير : لالا مادايره حاجه بس حا اصلي وانوم
تهليل : ي بت ماكويس كده
عبير : والله ماجعانه
تهليل: راحتك ، اها قالو ليك شنو
عبير(بابتسامه واسعه): حصلت على وظيفه دا غير انو مسكوني مكتب
تهليل : بالجد😍😍، ماشاء الله يختي
عبير (رفعت شنطتها من الكنبه) : يلا انا ماشه انوم
تهليل : طيب ، صلي ونومي
عبير : اكيد
دخلت غرفتها ...
كانت بتطلع في الجزمه ، راسه لفه طوالي رقدة في السرير وشالتها نومه.....
________________
منذر : الليله حاتغدا معاكم😌
فيصل : ومن وين جبت الادب دا وجاي تكلمني ،طول عمرك بتجي بدون عزومه
منذر: ومنو القال ليك بستأذن منك ، بس بكلمك عشان بعدين ماتعمل نفسك متفاجئ😒😒😒
فيصل : قم ارح خلاص (رفع الجاكت من الكرسي)
منذر : ارح انا جعان😍
فيصل : طول عمرك😂
منذر:😒، اها رايك اي في الموظفه الحتمسك المكتب دا ( واشر على مكتب مقاصد مكتب فيصل)
فيصل(باخر نفس) : ماعارف لكن اي لخمه عليك انت فاهم
منذر : انا واثق حتعمل حاجه سمحه
فيصل : ارح ارح
_______________
مختار : اها عملتي شنو
تهليل : والله مشيت للاستاذه قالت لي تنزلي من بكره
مختار : والله تمام، وعبير عملت شنو؟
تهليل : عبير حصلت على الوظيفه وحتنزل بكره
مختار : الحمدلله(خت كباية الشاي) انا طالع
تهليل : على وين
مختار : والله عندنا زميلنا عرس اختو الجمعه ولازم امشي اشوف لو محتاجين مساعدات وكده
تهليل : اااا قصدك استاذ حسان الاجر لينا الشقه دي
مختار : بااااس ياهو زاتو
تهليل : سمح امشي درب السلامه
مختار : الله يسلمك ي غاليه
_____________
منذر (كان بياكل) : والله ماكان دار اجي ي خالتو مريم الا فيصل جراني جر اساليهو
فيصل : اي نهاي ماكان حيجي ، ونهاي ماقال جعان ، ونهاي ماطار بالعربيه ، ونهاي ماجا داخل قبلي يكابس😂
منذر : شوفتي😌
الباز : ي زول تاني ماعندنا ليك اكل 😒
منذر : والله انا زاتي مادار اجي كنتا ، لكن مابرفض لفيصل طلب😌✋🏻
مريم : هوي ها مالكم عليهو ، اكل ساي بالهنا ، البيت بيتك
فيصل: امي ماتتهوري الزول دا جادي في اي شي بكره يجيب شنطتو ويجي😂
الباز : اي اي بعرفو انا في الفارغه جادي😒
مريم : ديل مالهم
منذر (رفع جواجبينو ) : ديل حرقهم😏
الباز فيصل: 😂😂😂
مريم : احسان اخت حسان عرسه الجمعه الجايه ماتنسو
منذر : كيف ننسي العشاء ، قصدي كيف ننسى حسان دا زول اخونا
فيصل : انا مامشي
الباز : عليك الله ي ولدي ماتحرجنا وامشي ساي ، انت عارفهم الناس ديل طبيعي واقفين معانا
مريم : اي والله ي ولدي
فيصل : ..............
______________
تهليل : ي بت عبير قومي
عبير : (قامت مخلوعه) الليله الساعه انا اتأخرتا الليله اول يوم حانطرد😨
تهليل : (فكت ضحكه) ي زوله ابردي دا المغرب 😂
عبير : بالجد😳
تهليل : انتي دي مقابله اومال لو بديتي شغل حتعملي شنو ،، وبعدين مالك نايمه بعبايتك
عبير : والله انا زاتي ماحسيت بروحي😅،، ياخ انا جعانه جوع
تهليل : طيب صلي الفاتك وتعالي نأكل
عبير :سمح
صلت وجاءت طالعه....
مختار : ي زوله دا شنو😂
عبير : والله تعب بس
مختار : ربنا يكون في العون
عبير : اميييين ي رب
دخلت المطبخ.....
مختار (بهمس) : انا لقيت الشيخ
تهليل : بالجد ، والله عبير زاتو بقت كويسه بعد رحلنا
مختار: اي البيت داك زاتو مسكون
تهليل : والله انا كنتا بتخيل عيون
مختار : انتي بتتخيلي عيون وانا كنتا بشوف عديل
تهليل : كيف يعني😳
مختار : قبلي ما اختك عبير تجي ، يوم انا كنتا طالع الصبح وانتي كنتي نايمه ، شفتا مره الطبق الاصل منك في المطبخ
تهليل : بالجد😳
مختار : اي والله ، دا غير انو كنتا بسمع الكدايس البتتكلم ، لكن من يوم بقيت اتحصن تاني لاشفتا لاسمعتا
تهليل : مختار دا اقولك شي😰
مختار : شنو
تهليل : تتذكر طفلنا المات وموضوع ااصبغه ، انا الشربتها باإردتي
مختار : كيف يعني😳، كدي دقيقه
تهليل : مختار براحه عشان عبير ماتسمع
مختار طلع متنفرز من غير مايسمعها
دوول قفل الباب وراهو
عبير : في شنو😳
تهليل : اااا، مجرد مشاكل في الشغل عشان كده طلع مستعجل
عبير: ااااها
__________
مؤيد : ي زول جلي حنكها ومن القال ليك حتجي ياخ
مهند: ياخ اصبر يمكن تجي
مؤيد : والله الزول دا جنا
مهند: بالسميحه😍
مؤيد: يلا الزول دا فصل مره وحده انا ماشي😒
مهند : يلا مع السلامه
مؤيد: من يوم يومك خوتك خوة كنب😒👋🏻
مهند : عارف وين الجديد😂✋🏻
وطلع..
مهند قعد كتير لمن جنه ما جات زهج ومشى.....
___________
الصباح......
ساره : صباح الخير (لابس اسكرتي جنز +بلوزه بنيه+ شبطه بني + طرحه بالاسود +شاقه شعرها من النص ومرجعاهو لي ورا ولابس حلق كبير والطرحه في نص الراس)
ثباااحو
مريم : يسعد صباحاتك
ساره: وين الجماعه الليله
مريم : طلعو قالو عندهم اجتماع عايزين ينظمو
ساره (بخلعه) الليله انا نسيت مفروض امشي بدري😨😰، عن اذنك
مريم : ربنا يوفقك
عبير جات داخله ااشركه وكالعاده لابسه اسود في اسود جات مرتبكه
عبير : السلام عليكم
السكرتيره : وعليكم السلام
عبير: ديل مالهم يتجارو كده
السكرتيره : عندهم اجتماع مهم ومعاهم المدير "الباز"
عبير : ايوا
دخلت المكتب بعد فتحتو لقت كراتين في المكتب بس كان نضيف رتبت الطربيزه جاها واحد
كو كو كو ...
...... : السلام عليكم
عبير : وعليكم السلام
...... : انا عماد وجاي اشرح ليك طبيعة الشغل
عبير : ايوا اتفضل
عماد : شكرا ، نبدا طوالي
شرح ليها طريقه تصميمهم وطرق بيعها وعرضها عبير كانت بتسمع باهتمام
عماد : اها لي هنا نكتفي دي كل شي
عبير : شكرا شدييد
عماد : ولو
( عماد اخضراني ، طويل ،شعرو ناعم وكتير ، ملامح وشو هاديه ، وسيم ، شخصيتو قويه)
وطلع......
جات ساره لعبير مستعجله طقتقت ليها اصبعينها
ساره : هي اسمعي كونو انتي ماسكه مكتب قدر دا لازم تكوني في الاجتماع😒
عبير : انا😳
ساره : افتكر مافي حد غيرنا هنا😒
طلعت....
عبير طلعت
وين الاجتماع
السكرتيره : امشي طويل حتلقي مكتوب ، مكتب الاجتماعات
عبير : طيب
وهي جاريه اتقلبت عيونها بطريقه اوسع وكملت مشيتها بثقه اتجاه المكتب
كو كو كو
اتفضل...
لقت الباز ، وقاعد جنبو منذر وعماد ، في الجهه التانيه لقت اتنين صينين ، قاعده جنبهم ساره + شخصيات من الشركه ، فيصل كان واقف وبيشرح ، جات داخله
فيصل : انت الجابك شنو
منذر : فيصل اهدا انا الطلبتها
فيصل ( عاين ليهو بحده وكمل كلامو) احنا مامضرين نخوض معاكم في الصفقه دي غير انها ممكن تكون بعد سنه لقدام
قاطعو واحد من الصنين .....
المترجم : دا كانت اتفاقيتنا معاكم ياما ترضو ياما تخصمو تعبنا في المشروع
كانو بيتناقشو مع بعض بحده
عبير : (ضربت التربيزه ) اهدو مامحتاج لكل دا
فيصل : وانتي العرفك بدا شنو اساسا
قامت من كرسيها واتجهت على فيصل وجرت ليهو الكرسي قالت ليه اتفضل فيصل عاين ليها بحده ،
منذر : فيصل كدي اقعد نشوف فهمه
قعد وكان غضبان شديد
عبير : كانت بتعاين اتجاه الصنين بنظرات بارده : احنا مامضرين نلقي المشروع بالاضافه لاني راجعتا السجلات والكان عاقد معاكم الصفقه هو مافي الان بينا + دا غير انو المشروع دا بيمثل الشركه ما شخص واحد
ساره : ويعني
عبير : (عاينت ليها وتمت كلامها) والشركه في الوقت الحالي متأزمه من ناحية الموظفين واحنا لو شركنا معاكم حتكون الخساره ليكم انتو
المترجم: والمطلوب
عبير : اذا شاركتو انتو ٧٥ممكن نشارك احنا بالا٢٥ لانه شرحنا وضع الشركه مسبقاً
الصنين عاينو لبعض
المترجم : حنشوف ونرجع نكلمكم وصلنا لي ايه
عبير : اوكي
طلعو وكان ماشه معاهم
رجعت شالت الملف م الطربيزه
الباز : الله يفتحا عليك ي بتي انتي عارفه انو ديل كانو شويه ويدخلونا السجن
عبير : مافي حاجه ذي دي حتحصل ،، عن اذنكم
فيصل : ماجابت حاجه جديده نفس الكنتا بقول
منذر : الاسلوب يااخوي الاسلوب ، عارفه لمن كنتا بتفك في البدله حسيت بيك دار تخنق الراجل اب صلعه
الباز : والله ي فيصل انت بعصبيتك دي حتتطفش الشركه دي
منذر : انا معك في الكلام دا
عبير وصلت المكتب كان بتتصفح الملف ، رجعت عيونها طبيعيه ، بتتكلم مع نفسها( هي انا دا شنو القلتو في الاجتماع دا من وين جبت الكلام دا دي المره الاولى اشوف الملف دا زاتو😳)
يتبع.......
