عبير(جاتها الحاله فجاه فتحت باب الغرفه بتاع تهليل فوووو)
تهليل: 😳😳😳
النسوان:😳😳😳
عبير :(طقطقت اصابعينها) يلا لو سمحتو وقت الزياره خلص
تهليل وتسنيم عاينو لبعض تهليل غمضت عيونها لتسنيم بمعني نتم كلامنا بعدينا
تسنيم : اااا ، اي صح كلامك ي عبير ، الممرضه قالت لينا خمسه دقايق بس 😅
تهليل : (بصوت واطي شديد) بيناتنا التلفون ياتسنيم
تسنيم : (هزت راسه بمعني اكيد) يلا ي جماعه عشان نلقي موصلات
ودعوها وطلعو ....
تسنيم : خلي بالك من نفسك ي تهليل ودعتك الله
تهليل : الله يعافيك ي رب
تسنيم طلعت.....
عبير جات قعدت في كرسي قدام تهليل وكانت بتعاين في الارض فجاه رفعت عيونه وبقت تتضحك بضحكه مخيفه اتجاه تهليل ،، تهليل عاينت ليها (مع انها كانت خايفه من منظرها بس شكلها ماكان بيوحي بكده)
تهليل : اها استفدتا شنو ان شاء الله
عبير :.....(لسه مبتسمه بطريقه مخيفه)
تهليل : اها اتخلصتا من طفلي اطلع من اختي داير مننا شنو انت عملنا ليك شنو احنا عليك الله خليها
عبير (بصوت رقيق) : انت غبيه انا خيرتك بين طفلك واختك مامعني تمشي تشربي الصبغه وتتخلصي منو انا كنتا قاصد اني حاادخل في واحد من الاتنين واوعدك انا ماحأذيها ليك
تهليل (بعصبيه) : ماتقول لي ماحاذيها اطلع منها ياخ اطلع😭
عبير : (بضحكه مستفزه )قلتو لي راحلين كمان مش ،، والله مافي داعي لانو خلاص انا معاكم معاكم
تهليل : ربنا يحرقك ، ربنا يحرقك ياخ (وبدت تبكي)
عبير عيونه اتحولت لنعسانه ورجعت لطبيعتها
عبير : تهليل مالك بتبكي في شي واجعك ؟؟ انادي الدكتور
تهليل :(لمن عرفتها رجعت لطبيعتها عاينت ليها شديد وبدت تبكي زياده) لالا بس اتذكرتا جناي
عبير : كر علي ي اختي ماتستاهلي ربنا يعوضك
تهليل : كدي تعالي ي عبير اختي جنبي
مشت رقدت جنبها وتهليل بقت تمشي ليها بي يدها في راسه وتحكي ليها عن عمايله لمن كانت صغيره وكسرو جو البكاء بذكريات طفولتهم لمن نامو...
مختار جا داخل بعد رحل اي حاجه الشقه ،، ماحب يصحيهم هو زاتو نام في الكنبه....
____________________
الصباح........
فيصل جا نازل لابس بدلة الشغل وماسك الجكت بي يدو الشمال جادعو في ضهرو ...
جات ساره نازله وراهو طوالي
ساره: ثباح الخير
فيصل : (من دون مايعاين ليها) صباح النور
مريم : صباح الخير عليكم
ساره جات نازله قبل فيصل لابسه اسكرتي جنز + جزمه بالاسود+ بلوزه اسود بالابيض + طرحه صغيره في نص راسه + اسوارات بسيطه (جميله وانيقه قشوره دي لولا مياعته دي🌝 )
مريم : الباز في الطريق بصل اسي
فيصل : ايواااا
ساره : بالسلامه ي رب
الجرس ضرب دهبو مشت تفتحت بعدو بشويه جات جاريه...
دهبو: (مخلوعه) ماما، ماما ، سواق يقول بابا تعبت
مريم : شنو😳
فيصل: (جرا ناحية الباب اتكلم مع السواق) شنو ، في شنو، ابوي مالو؟؟؟!!!
السواق : والله السكري ارتفع فيهو فجاه في الطريق ووديتو المستشفي اسي
فيصل ركب العربيه بسرعه ، سرعه، ساره ومريم ركبو مع السواق
في المستشفي......
الباز : سبحان الله والله دي صدفه سمحه ياخ
مختار : سبحان الله والله😅
الباز : اها وراحل متين
مختار : الليله بس مرتي يخرجوها الليله ونطلع
الباز : الله يعوضكم ي ولدي ، واتشرف انك تأجر مني❤
مختار : الله يكرمك ، انا استاذن بعد دا طالعين
الباز : ربنا يفتحا عليك
مختار كان طالع لقى في وشو فيصل سلم عليهو وطلع ....
فيصل : مالك ي ابوي خير واسي كيف ، الحاصل شنو
الباز : كدي اهدا انا تمام ، بس السكري ارتفع نسيت الحبه من امس بس
فيصل : ايوا يعني كنتا بتمشي فيني لمن كنتا بذكرك
الباز : لالا ماكده😅
مريم وساره جوا داخلين
مريم : الباز مالك ي راجل💔
الباز : تمام والله نحمدو
مريم : عاينت ليهو كده😒😒😒 مابلعت الحبه صح
الباز : اي😅
ساره : عمو سلامات😢
الباز : الله يسلمك ي رب
مريم : ومالك مبسوط كده اصلك مابتحب جو المستشفيات دا لكن شايفه الضحكه من الضرس لضرس مالك شفت ليك شوفه😒
الباز : (بضحك) ي مره استهدي بالله بس لقيت لي شاب كده هو الاسعفني لي هنا ومع الونسه طلع هو الحيأجر مننا
مريم : اااااا سبحان الله
فيصل : الدكتور قال ليك شنو
الباز : قال لي تطلع بعد ساعه كده
فيصل طلع تلفون اي ي منذر انا ماجاي الليله ،، اي تمام ، تمام،، التفت علي ساره قال ليها خلي السواق يوصلك الشركه وفي طريقكم وصلو امي
مريم : لالا انا قاعده
فيصل : خلاص ياامي انا قاعد هنا امشي عليك الله
مريم : خلاص خلاص ماشه😒 ، اها ودعتكم الله
الباز : الله يسلمك
طلعو.....
فيصل : اها الاجتماع كان كيف
الباز: (عاين ليهو مسافه) والله ي فيصل كلامك صح وجدان مشت ساطت الدنيا كلها ربنا يرحمه 💔
فيصل : المهم انت اقتنعت اسي
الباز : للاسف💔
في جانب تاني.....
تسنيم : اي والله وتصرفاتها ماطبيعيه خالص
الشيخ : ملتزمه بالصلاه
تسنيم : والله مابتفوت فرض
الشيخ : سبحان الله ،، والله الا تجيبوها في المركز ،، انا الحجز عندي ملاين نفس مالاقي
تسنيم : كدي اشوف اختها تقول شنو........
________________
مختار : انتي طلعي الحاجات للتاكسي،، انا بسند تهليل وبجي
عبير طلعت ، في نفس اللحظه فيصل كان طالع يفتش في الممرضه ، عبير كان شايله شنطت كتف ، ضربتو في كتفو بالشنطه ، فيصل التفت عليها ، كان مديهو ضهرها ، بعد فيصل قبل منها هي التفت وقالت معليش بس فيصل ماسمعها وكمل طريقو
رفعو حاجاتهم واتحركو عبير كانت قاعده قدام مع السواق ، ومختار ساند تهليل بي ورا ، في اشارة المرور كانت عرباتهم واقفه جنب بعض عبير التفت شافت الباز واتذكرت لمن لقتو في البص ،، الباز التفت شاف مختار ،، لفت فيصل قال ليهو دا ياهو الولد الحيأجر مننا ، فيصل التفت عليهم ، عبير رجعت راسه لورا وبقت تتكلم مع تهليل ،، بعدو اتحركو
وصلو .......
كانو ساكنين في الطابق التاني تهليل تعبت شديد في الطلوع الساعدهم انو ااشقه كانت نظيفه ومامحتاجه شغل
بعدو بمسافه تلفون مختار ضرب .....
اي يا خالتي ، الحمدلله ، لالا صاحين ، طيب،، هاك ي تهليل امك دي
تهليل : وعليكم السلامه يمه ،، بخير والله
ام تهليل : اسي بقيتي كيف
تهليل : والله الحمدلله
ام تهليل : ربنا يعوضك ي بتي
تهليل : امين امين
عبير سلمت علي امها قبل ماتقفل تهليل شالت التلفون وقالت لي امها عايزه تكلم ابوها (بتقول لمحسن ابوي)
ام تهليل : (عارفه بتحبو وماعايزه تناقشه عشان حانه عليها) سمح دقيقه يوصلو لي ارجعي لي
تهليل لقت مكالمه فائته من تسنيم رجعت ليها
تسنيم (بصوت نعسان) : الووو
تهليل: اها ي تسنيم عملتي شنو
تسنيم : والله الراجل قال مذدحم مابيقدر الا تجيبوها ليه
تهليل : بري كان قلت ليها بتقوم الدنيا
تسنيم : كدي انا بكلمو تاني ،، لي بكره بوافيك بالجديد ، سلمي علي عبير
تهليل : يوصل ،، عزبتك معاي
تسنيم : عيب عيب ي بت
تهليل : الله يخليك
تهليل جاها تلفون من البلد
محسن: تهليل يا بتي كيفك ، ربنا يعوضك بالاحسن ان شاء الله
تهليل : بخير ، الحمدلله ،امين ي رب
محسن : كيف مختار وعبير
تهليل : والله عبير دي ماكويسه خالص، وبقت تحكي ليه من االبدايه
محسن : اصلو مابصدق 😳
تهليل : دا الحاصل ي عمي
تهليل مشت اتجاها عبير قالت ليها ابوي دار يسلم عليك
عبير (بفرح ): بالجد اديني ليهو
اول ماختت السماعه ،، محسن كان بيقرا ايات المس
عبير عيونها بقت حمراء وصرخت صرخه مدويه وداخت
تهليل : مختار الحقني😨
يتبع.........
الاستغفار😇
