ام تهليل : يلا ي بت اطلعي اسي تفوتي العربيه كمان
عبير : طالعه يمه
ام تهليل : هاك ها ديل شوية حاجات اديها لاختك
عبير : ي امي تهليل دي قايلها في اسبانيا وبعدين الحاجات دي عندهم هناك بالكوم
ام تهليل : اسبانيا شنو ي بت سيبي اللماضهه بتاعتك دي😒
عبير : يمه اسبانيا دي بلد ماشتيمه😂
ام تهليل : سمح اتوكلي ي بتي واتحصني كويس ربنا يغطيك ❤
عبير : يديك العافيه يمه ، ودعتك الله❤👋🏻
ام تهليل : يعدل خطآك ي رب❤
محسن : يلا ي بتي عشان اوصلك الخرطوم وبهناك تتوكلي
عبير : اي في طريقي عايزه اطلع شهادتي بتاعة الجامعه
محسن : بركهه الاقتنعتي ي بتي احفظيها اصلن هي تعب سنينك
عبير : ان شاء الله ي عمي
--عند مختار وتهليل
تهليل : سجمي ي مختار الريحه دي ماله قويه كده😷
مختار : دي برضو جابت ليك حساسيه؟!
تهليل : مامشكله اقعد اشرب الشاي
مختار : لالا دقيقه اغير القميص دا واجي
تهليل : مابيحتاج ي مختار
مختار كمل طريقو واثناء مابفتح في الدولاب لاحظ لي الشباك كان فيهو نملي في عيون بتعاين ليهو مشي ناحية الشباك مالقي شي استغفر وطلع
تهليل : دا كلو غيار
مختار : رايك 😎
تهليل : سمح،، مختار ماتنسي المغرب تجيب معاك عبير
مختار : لالا مابنسي ان شاء الله
طلع ... تهليل بدا يتولد فيها احساس بتاع خوف كآنو في اشخاص حوليها
تهليل : بسم الله بسم الله
شالت توبه وقفت جنب الباب شافت تسنيم بت فاطمه
تهليل : تسنيم يا تسنيم ✋🏻
تسنيم : اهلين تهليل كيفك
تهليل : بخير والله
تسنيم : الحمدلله ، مالك واقفه بره دايره مرسال ولا حاجه؟!
(تهليل ماحبت تقول ليها كنتا خايفه)
تهليل : لالا والله بس قاعده براي قلتا اشوف الشارع
تسنيم : سمح ي زوله وقت قاعده براك انا بجيك اقعد معاك اصلن عاطلهه😅
تهليل: (بفرح😍) بالجد ي تسنيم
تسنيم : اي دقيقه نوصل العيش دا لي امي واجي
تهليل: سمح😍
-- في جانب عبير
محسن : اها ي بتي شهادتك ومسكتيها عليك تاني عوجهه تب ما بتجيك باذن الله
عبير : شكر ليك ي عمي ماقصرتا معاي 😊
محسن : عيب ي بت تشكري عمك
عبير : تسلم ي رب
محسن: يلا ارح اركبي البص هدا رقمك اقعدي
جاها بالشباك مااوصيك ي عبير ابقي عشره علي اختك
عبير : ان شاء الله ، عليك الله ماتزعل من امي بالكلام البتجدعو😢
محسن : عيب ياخ ابتهاج دي ذي اختي الكبيره ومابنسي فضلها علي لمن كنتا صغير😊
عبير : ربنا بفتحا عليك ي عمي ، بعد امشي البص دا بتحرك اسي
محسن : ودعتك الله ي بنتي
عبير : الله يسلمك
اتنفست عبير وشافت المقعد الجنبها فاضي ودعت تقعد جنبها بت ي مرآه ،، قاطع تفكيره عطر قوي جاي عليها اتلفت لقت راجل قعد جنبها ، شكلو بيوحي انو ماانسان بسيط ذي الناس الفي البص ، ملامحو هاديه، عمرو في الخمسينات
عبير : (مع نفسها) احسن ذاتو بقي راجل كبير
------------------------------
تهليل جابت شاي وجات لقت تسنيم سرحانه في تلفونه
تهليل : تسنيم اتفضلي
تسنيم : ......
تهليل : (طقطقت ليها) تسنيم بتكلم معاك
تسنيم : ااااا 😳
تهليل : الشاي😊
تسنيم : تسلمي ي رب
تهليل : مالك قال عاطلهه ذي كده😂
تسنيم : والله الجامعهه قفلوها مننا😄
تهليل : كيفن🤨
تسنيم : والله ناس كليتنا ديل قليلين ادب ساي دايرين سبب يقومو بيه مظاهرات😁
تهليل : بري كعب الذي دا
تسنيم : لكن العميد عمله فيهم وقفله لي اجل غير مسمي😊
تهليل : واي شري والماعندهم ذنب يقبلو وين؟!!
تسنيم : اهو ادبسنا معاهم😊
تهليل : بري والله ماتستاهلو
تسنيم : ربنا يعوضنا😅
تهليل : امين ،، اسي انا عندي اختي قرت ادارة اعمال الليله جايه علي تكون في السن قدرك كدهه😄
تسنيم : بالجد😍
تهليل : اي والله
تسنيم : الظاهر اني حاابيعك يلا😄
تهليل : ايوا الفيك اتعرفت😂
-----------------------------------
عبير : (مع نفسها) المسافه دي ماله طويلهه كده ياخ😤
(الراجل الجنبها كان بتكلم تلفون)
الراجل : والله الطايره فاتتني ومابقدر اآجل الاجتماع مهم
المتصل : طيب لي ما جيت بي عربيهه خاصهه بص شنو التركبو كمان
المتصل : عاين ي ولد انا ما فاضي اجادلك اسي البص ركبتو وانتهينا نتلاقي المساء في الشركهه✋🏻
(الراجل كان بيتكلم براهو =الود دا دار يصل وين في الدنيا دي)
#بعد مسافه طويلهه
عبير جاها تلفون كان من تهليل ...
عبير : اي يا تهليل كيفك
تهليل : بخير ي اختي ، اها وصلتي وين
عبير : كدي دقيقهه (لفتت الراجل) ي عم نحنا وين اسي
الراجل : دخلنا سواكن ي بتي😊
عبير : في سواكن ي تهليل
تهليل : ايوا كان كدي قربتي
عبير : ايواااا
تهليل : درب السلامه
عبير : الله يسلمك
(اتكلم معاها الراجل) =
شكلك اول مره تجي بورتسودان !!
عبير : اي والله ماشهه لاختي 😊
الراجل : انتو من الخرطوم
عبير : لا انا جايهه من البلد ، بس سنين الفاتت كنتا في الخرطوم للجامعه وكده
الراجل : ايوا ماشاء الله ، وقريتي شنو؟!
عبير : ادارة اعمال😊
الراجل : والله ماشاء الله وانا كمان نفس قرايتك😅
(عبير اتكلمت مع الراجل كتير عن الشغل ولقت انو زول فاهم ومثقف)
الراجل : اتفضلي ي بتي دا عنوان الشركهه حقتي اذا يوم حبيتي تنزلي وابشري بشوف ليك وظيفهه
عبير : شكر ي عم بس انا ماعايزه اشتغل
الراجل : ماانا قلت ليك اذا يوم حبيتي ماقلتا ليك بكره😂
عبير : ربنا يخليك 😊
الراجل : وصلنا واخيرا ، بالمناسبه اسمك منو يا بتي
عبير : عبير😅
الراجل : انا الباز
عبير : اتشرفنا مره تانيه
الراجل : انا بعد كدهه اتوكل 😁
عبير : درب السلا‘مه😊
الراجل : رفع يدو ومشي
عبير تابعتو بعيونه وكان في عربيه راجيهو ركب فيها طوالي ومشي
مختار كان بيكورك لي عبير السرحانه
مختار : عبير ياا بت عبييير
عبير : ( بخلعه) مختار انت جيت😳
مختار : جيت ومن جبيل شايفك سرحانه البلد عجبتك ولا شنو😂
عبير : اي شكلها سمحهه
مختار : ارح اسي اختك دي تشوف كديسهه تقلب الحله😂
عبير : في كدايس😳😳
مختار : لاحوله ولا قوة الا بالله البيت كلو عندو فوبيا من الكدايس😂✋🏻
ارح ارح نلحق المغرب في البيت
عبير : يلاااا
يتبع.......
