الصباح...
تهليل : عبير قومي شوفي الشمس دي ضاربهه في راسك كيف
عبير : صباح الخير
تهليل : صباح النور
عبير : لي ماصحيتني للصبح
تهليل : اجي ي بت جنيتي والصحانا انا ومختار منو
عبير : انا😳
تهليل : يختي راسك ضارب من تعب السفر تعالي نشرب الشاي واقلعي التوب دا من راسك مختار طلع😄
-------------
في مكتب الشركهه
كان في اجتماع شغال
فيصل : (كان بياشر علي البروجكتر ) ذي ماشايفين دي تصاميمنا ماعايز اي اخطاء (كان بيتكلم بنبره حاده كانو بشاكل في زول)
فجاه الباب اتفتح وجات داخله بت لابسه بنطلون جنز ضيق (كبايه) وبلوزه اوف وايت وجزمه مسمار وخاته الطرحه في نص راسه ، عامله مكياج صباحي خفيف ، شكلها كان جذاب شديد ، داخله وفي يدها ملف قالت...
..... : (بدلع) معقوله ي فيصل الاجتماع يبدا من دوني
فيصل : (نبره هاديهه) اتفضلي اسي بدينا
اما بالنسبه للكانو في الاجتماع فعاملين كدهه:😳😳😳😳
فيصل : ذي ماقلنا ي جماعه الشركه الصينيه حتتنازل يااما ربحنا ي اما اتغشينا وذكاءنا هو البحدد
قاطعتو البت
البت : بس ي فيصل الصفقه دي حتكون بعد سنهه لي قدام ( طبعا الكلام منتهي المياعهه والدلع 😒 نوعيه البنطقو الصاد شين يعني فيصل بتكون فيشل،، اللهم لاتعولقنا👐🏻)
فيصل : (بنبره هاديه) لا بس عايز الناس تكون عندها علم من بدري
البت : ايووون☺
المجتمعين :😳😳😳😳( طبعا هم متعودين علي الهرش من فيصل يعني في الاجتماع وهو بتكلم مشي تسال كان بلعتا ريقك ساي بشوفك ، المهم صارم )
فيصل : لي هنا نكتفي ماعايزين نخوض في التفاصيل اكتر لانو الفشل وارد 😊✋🏻
طلع اول واحد والمايعهه ديك جات وراهو تتمغي الاجتماع كان طويل يؤؤخ (بالله الكذابه دي حضرت فيهو شنو😳👈🏻)
فيصل : ادها نظره بمعني (ايوا) وطلع بره الشركه (خلي خشمها ملح ملح)
البت : (مع نفسها) حتي بعد ما ماتت ما داير تنساها ماشي انا بوريك ي فيصل اصبر لي
طوالي طلعت تلفونها
الو خالتو مريومه اااي جيت ،، اي اكيد بصلكم ، طوااالي ، تمام مع السلامه وابتسمت ابتسامة نصر كدهه😏
----في جانب تهليل وعبير
تهليل : شوفي سمنتا كيفن 😭
عبير : لالا بعد تلدي بترجعي رشيقه ذي اول ماتخافي😂
(كدي نوصف تهليل دي النهار كلو ترقي🌝✋🏻،، اولا طويله ورقبتها كيلو باترا ،، شعرها نهاية ضهره،، ملامحه حلو شديد عيونهه كحيله ،، قوامها معتدل تشبهه عارضات الازياء الفرنسيات ،، لونها قمحيهه ،، عندها غمازات)
تهليل : بري يمه ماعارفهه
عبير : انا ماشهه الدكان الجنبكم دا عايزه اشتري فرشة اسنان عايزه حاجهه
تهليل : لالا مختار جاب العيش قبل يطلع
عبير : تمام 😊
عبير لبست توب هزار ‘طلعت ...
عبير : السلام عليكم
كمال : وعليكم السلام 😳، اتفضلي،، اتفضلي
، دايره شنو اتفضلي (كعبه الكبكبه يلا🌝).
عبير : عايزه فرشة اسنان وببسي😊
كمال : اي اسي بيجيو ليك ارتاحي ( هناي دا انفعل🌝)
ادها الحاجات
عبير :(بابتسامه صغيره) تسلم😊
ومشت
كمال : الله يسلمك الله يعافيك الله يبارك فيك ( يلا الزول دا فصل مره وحدهه🌝)
وعي علي نفسو : الصلاة علي النبي دي منزلنها من مجلة سيدتي وربي😍
