(تهليل دخلت تغير هدومه حاسه في عيون بتراقبهه مااشتغلت بالموضوع كتير)
مختار : تهليييل اطلعي عشان دورنا مايفوت
تهليل : دور شنو كمان 😳
مختار : انتي قايله هنا زي البلد وقت عيانه تمشي تخبطي للدكتور وحده صباحا ويجي معاك لالا هنا حاجه تانيه يعين دورك فات تاني تتكلي في سكه حديد بس😁
تهليل : سكه حديد دي شنو كمان
مختار : (بهمس) مقابر
تهليل : هوي هااا مالك بتتكلم تحت لسانك 😒
مختار : اااا لالا ماقلتا شي ارح نتحرك
(طفو الانوار والابواب وطلعو ،، بعدها بي مسافه فتح باب الشارع بتاعهم فتحهه صغيره ونظرات متوجهه لي تهليل ومختار الفي نهاية الشارع)
--في جانب تاني
ام تهليل : عبير ي بت عبير تعالي
عبير : سمح ي امي جايه النودي الشاي لي عمي محسن
ام تهليل : (تحت لسانه) اسي الراجل دا فاتح الصالون دا مطعم وقت يجي سون لي جبنه وسون لي شاي جببب كرهتك وقلبي اباك😒
عبير : امي لي ساعه واقفه في راسك مالك بتبرطمي براك
ام تهليل : هو الراجل اب جلحات دا قاعد كده ودايركم تخدمو في 😒
عبير : يغسي عليك يمه ماتقولي فيهو كده عمي دا حنين😍
ام تهليل : الخايب العاطل شن عرفو بالحنيه كمان😒
عبير : اسي يمه نادتني عشان تقطعي فيهو
ام تهليل : اقعدي النحدثك الشفقه تطير ، يختي اختك دي خلاص بقت زولة ولاده بعد دا وانتي لازم تمشي تعدلي ضهره لامن تلدي
عبير : يمه امشي انتي ، مابدور ببلدهم شي انا
ام تهليل : اسي ماكنتي عايشه في البندر كملتي قرايتك غالبك تمشي تسندي اختك ولادة السجم😒
عبير : يمه ماكدي
ام تهليل : هوي هاا قلتلك تمشي باكر تشوفيلك شيتن
تمرقي فيهو هدومك وبعدو تتوكلي
عبير : يمه كان مشيتي انتي مالو
ام تهليل : بري يختي تدوري اخلي الحواشه لي اب جلحات العاطل ده باكر يسفنا وينكد علي عيشتنا
عبير : سمح يمه بتوكل لكن طلعي شكوكك من عم محسن☺
ام تهليل : ها الخايب الرمتالي ي يمه يكون كتبك 😒
عبير : فوضتا امري ليك ي رب
(خلفيه عن محسن عم تهليل وعبير كان في مشاكل بينو وبين ابو تهليل في الورثه بعدو محسن سافر الخرطوم واشتغل مع واحد بتاع رقيه واتعلم منه الرقيه جا راجع بلدو قبل وفات ابوتهليل وطلع ابو تهليل هو الغلطان عليه وطلب من العفو وخله ام تهليل وبناته امانتو بس ام تهليل مابتدور نهاي وشايفه حرامي وبتقول عليهو عاطل لانه مابيشتغل وهو اغلب اوقاتو بكون قاعد ساي حتي الرقيه البرقيها مابشيل عليها قروش شغلو بتاع الرقيه كان ماشي كويس في الخرطوم بس لمن رجع البلد لقي معظم الناس معتمده علي الدجل عبير بتحب عمها شديد لانه دايما بذكره بي ابوها وبتحب حكاويه الدينيهه شديد)...
نرجع لي تهليل ومختار
تهليل : لعلي ي مختار حاارجا الصف دا كلو😳
مختار : اكيد😂
تهليل : طيب ماتقول ليهم مرتي حامل امكن يدخلونا
مختار: (بضحك) وديل جايات يتسرحن ماكلهن حوامل😂
تهليل: (بخلعه) ديل حوامل😳
مختار :ايي والله
تهليل : بري ي يمه لاشفنا زي دا ولا سمعنا بيه😳 عاين ليهن عاملات كيفن الوحده تقول جايبنه من زفتا 😳
مختار : لسه حتشوفي اكتر
تهليل : بري ي يمه حليل البلد😢
(جاهم صوت تهليل حسين طه،، تهليل تابعت مع الدكتوره وادتها فتمينات وروشتت اغذيه بعدها رجعو البيت )
تهليل : (راقدها بتتكلم مع نفسها ) ي رب اكلمو لالا ياخ اسي كان مبسوط انكد عليه فرحتو ساي ،، والبيت دا مافيهو شي انا براي بتوهم
مختار : ي وليه هوي بتتكلمي براك مالك
تهليل : كنتا بقول اسي مختار اكان جبتا ليهو بت يجدعنا انا وهي في البلد ويعرس وحده من مخلقنات المدينه شان تجيب ليهو الولد😢
مختار : سبحان الله ي وليه بتقري افكاري كمان
تهليل : مختار😢😭
مختار: هوي ها الخمله صدقت هو انا لاقي منك وين وبعدين البجيبو الله سمح اكان بت ولا ولد اسي انت اكان ماكنتي بت انا كان مشيت وين😁
تهليل : يا بكاش😂
مختار : اسي الدموع طارت وين ايوا جبيل امك ضربة وقالت اختك عبير جايه علينا
تهليل : (بفرح) الحمدلله😍
مختار : هوي ها بعدين ماتنسيني معاها
تهليل : في زول ينسي روحو
مختار : الله بفتحا علي الهنود العلموك دا😂😍
تهليل : اتخمد نوم 😒👋🏻
(ختت راسها في صدور عينها وقعت في راس الدولاب كانو في حاجه بتعاين اتجها بطنها لكن خوفه كان اكبر غمضة عيونا بسرعه ونامت)
يتبع.....
لايك +متابعه للصفحه😇
