عبير طوالي مشت اتجاه تهليل ومختار، تهليل اتجهت على تربيزة مريم وساره ، مختار ، لقى حسان والباز واقفين مشى عليهم ...
تهليل : استاذه مريم كيفك
مريم : تهليل بحالها ، اتفضلي ي بتي 😍 كيفك انتي
تهليل : بخير الحمدلله
عبير : كيفك خالتو
مريم : الصلاه على النبي ، الحمدالله بقيتي كيف
عبير قبلت على تهليل البدا عليها الاستغراب
عبير : الحمدلله
مريم : انتبهي في الطريق تاني عوجه مابتجيك
عبير: ان شاء الله
تهليل : الطريق!!!
عبير غيرة السيره طوالي
كيف بتك ي خالتو
مريم : والله تمام تسال عليك العافيه
تهليل : ماشاء الله عندك بت
مريم : اي في طور اختك دي😍
تهليل : تمااام والله
ساره : هي صحي فدوه جايه متين ؟!
مريم : نهاية الشهر دا
ساره : ايواا
(قالت بسرها ،، اعوذ بالله اها الفقر التانيه دي طلعت لي من وين كمان😒)
بعد مسافه ...
الحفله كانت بي طه وكل الناس مهجيجين حتى مختار وتهليل كانو بيرقصو ، عبير لقت نفسها قاعده براها رفعت راسه لمحت مهند مع الناس البيرقصو، قالت بسرها الولد دا الجابو هنا شنو كمان😒،، رفعت تلفونه وبدت تتصور ، بعدو بشويه سمعت صوت ضرب اصابعين في التربيزه ، رفعت راسه
مهند : جنه كيفك😍
عبير : انت شكلك ماعايز تبطل الدراما الرخيصه البتعمل فيها دي
مهند : مالك ي جنه😳💔
عبير : لو سمحت ياخ انا سكتا ليك كتير 😠
مهند : طيييب اسف ، بس مش انتي جنه ؟!😳
عبير (باانفعال) : اوووف ياخ ، ما جنه ولا اي شي اختني ياخ😠
مهند : اسف اسف ، شبهتك
مهند مشى من جنبها وكان بيقول دا شنو دا انا مافاهم حاجه😳😳😳
فيصل كان مراقب حديثهم بس مافهم حاجه....
دانيه : انتي زولك دا مبحلق وين
ساره قبلت على فيصل لقتو بيعان لعبير
دانيه : ياخ انتي الولد دا جايبنو من وين😍
ساره : دي ياها المابتسمى دانيه : شنو
ساره : ياها الحكيت ليك عنها
دانيه: الصلاه على النبي ، عاد يختي مااستخرتي،
ساره : ههه دي بتقارن نفسها معاي
دانيه : الصراحه يختي ، البقارن اسي منو😂
ساره: كدي اختيني انتي كمان
مشت على فيصل
ساره : فيشولي😍
جاها منذر منو وراها عيونو😍، وقعد جنب فيصل
ساره دا شنو😳😳، اتبادلتو البدل؟!!
منذر : احنل ماتبادلنا الاكياس الاتبادلت
ساره : بالجد؟!
فيصل : ايوا 😊
ساره : شايفاك قاعد ساي معقول تحضر حفله لطه وانت قاعد
منذر : والله انا حتيتو حت😌
فيصل : لا كده مرتاح
ساره : براحتك
فيصل : 😊😊
_________________
عبير كانت بتتكلم مع تهليل ....
عبير : انا مضايقه حابه اطلع بره
تهليل : وين لكن ي عبير اختي
عبير : عايزه اتمشى شويه
تهليل : طيب لكن ماتبعدي
عبير : تمام😊
طلعت بره ، قصاد الصاله في السيلاندي الصغير ، اتجهت على البحر كان ملان ناس ، بقت ماشه لحدي ما بعدت من الناس بكتير ، لقت مقعد ، قعدت وبقت تعاين للبحر ، بقت تتذكر فيصل كيف انقذها الصباح بقت تحاول تزحو من راسه بس من قادره جاها صوت
الولد : ي عسل
عبير التفت لقت في واحد جاي عليها وشكلو بيوحي انو سكران ، طوالي قامت على حيلها ، كان سريع ، جا عليها وبقى يلف حولها ...
الولد : دا ايه القمر النازل من السماء
عبير عيونه اتملت بالدموع وما قدرت تتحرك من مكانه بس كانت واقفه ، بقى يغني وجاي عليها ، مدت ليهو سببتا
عبير : لو سمحت بعد عني😭
الولد : ابعد لي ياخ ماتقولي كده ، انتي كده بتجرحيني
مره يسكت ومره يضحك ومره يصرخ...
عبير بقت ترجف وهو جاي عليها لسه
عايز يلمسها من كتفها في عربيه جات ونور العربيه جهر ليهو عيونو ، العربيه كانت ورا عبير ،
الولد كان ماسك غزازة سكر جدعها وقرب على عبير ، يلا بقت تبكي ، عايز يمسكها بس في يد مسكتو من معصمو وجرهو عليهو ، عبير قبلت لقتو فيصل ، لو ليهو يدو وضربو في انفو لمن نزف ، طوالي الولد ، شال قزازتو وجرا ، فيصل قبل على عبير ، ومسكها من اكتفها وضغط عليها
فيصل : انتي هنا بتعملي شنو 😠
عبير (ببكى وتمتمه ) كك ككك كان جايه على و ا ا اا انا خفته 😭😭
فيصل فكاها وقبل منها وغمض عيونو شديييد ، ادها منديل ، قال ليها
فيصل : طيب اهدي 💔
عبير (بتشهق) : ا اااااا انا ما عملت ليهو حاجه😭
فيصل مسكه من يدها وفتح ليها الباب
فيصل : اركبي حنرجع الصاله
عبير ركبت ولسه كان بتبكي
فيصل ركب ، ادها مويه ، اتفضلي، شربت ...
فيصل : كده تمام
عبير : هزت راسه بمعني اي
فيصل لفا العربيه ، قال ليها : هنا الامكان البتكون خاليه من الناس بتكون خطره غالباً
عبير : ............
فيصل : عشان كده ماتحاولي تمشي لوحدك اماكن مابتعرفيها اوكي
عبير : طيب😢
نزلو جنب الصاله....
عبير : لو سمحت
فيصل : اسم فيصل
عبير: شكرا استاذ فيصل
فيصل : بظن ماقلت كلمة استاذ دي ، على العموم عفوا😊
دخلو الصاله مع بعض....
دانيه : ساره ي روحي شلبوكي ماتستاهلي نهاااي😳😂
ساره : شنو😒
دانيه اشرت ليها على فيصل وعبير : شوفي واملي عينك😂
ساره : البت دي عبيطه ولا شنو😠😠
دانيه : دا شلب بي فهم
ساره : بكره بجيب اخره ،، قلتي لي الشيخ اسمو منو
دانيه : ادم
ساره : بكره بجيك من الصباح
دانيه : حقي براهو وحق الشيخ براو اوعك تخلطي😌🖐🏻
ساره : اصلك ماديه😒
دانيه: الظروف جباره يختي ، وبعدين النصيحه نمشي جاهزين
ساره : كيف يعني
دانيه : عشان مانخسر وقت ننجز
ساره : ننجز شنو
دانيه : انتي كان قفلتي وخليتني اتكلم بتفهمي
ساره : اها
دانيه : بكره نحنا لمن نمشي للشيخ اكيد حيقول لينا جيبو اثرا
ساره : كيف
دانيه : يعني شعرها ، وقطعتا ملابسها ، اوضفورها
ساره : طيب اصبري😏
ساره مشت اتجاه عبير
ساره : هلا عبوره كيفك😍
عبير : اهلين تمام😊 وانتي ؟!
ساره: بخير نحمدو☺
عبير : الحمدلله
ساره : كيف الشغل وياك
عبير : ماشي الحال😊
ساره فستانك دا خطيره ياخ😍
عبير: تسلمي😊
ساره : ممكن تقيفي اشوف
وقفت عبير لفت حولينها نظام بتشوف الفستان ، فا جات وراها وثبتت الفستان في مسمار الكرسي
ساره : حاجه فخمه كده ماشاء الله
عبير : الله ماضراك 😊
ساره : كدي عن اذنك اشوف صحبتي دي
مشت من جنبها وغمزة لدانيه نظام شوفي
_تهليل جات لعبير
تهليل : عبير يختي نحنا بعد كده نمشي بكره راجين الشغل وقومة الصباح
عبير : ايوا
تهليل : لكن قبل كده نتصور😌،، طلعي تلفونك ، انا حقي طافي كهربا
عبير : تمام
اثناء مابيتكلمو ، جا فيصل طالع ماسك الجكت في كتفو
تهليل : لو سمحت
فيصل : اتفضلي
عبير رفعت راسه مع الصوت لقتو فيصل
تهليل : ممكن تصورنا
عبير بقت تجرها من تحت نظام اسكتي ، تهليل شالت التلفون ، هاك اتفضل
تهليل : يلا قومي ي عبير وجرتها ، الفستان اتقطع من جزو صغير بس عبير ما حست لانو مارجعها لورا وصوت الموسيقى كان عالي
صورهم وكل الصور عبير خايفه وماعايزه تعاين اتجه فيصل
تهليل : تسلم ياخ
فيصل : الله يسلمك😊
وطلع ....
تهليل : الصور سمحه
عبير : دا شنو ي تهليل ياخ
تهليل : مالك😳
عبير : عارفه انو الصورنا دا بكون مديره في الشركه😒
تهليل (فكت ضحكه): والله مابصدق😂 ، واي يا اختي اصلو ماعجبني ليك بكره بيطلع تمن الصوره دي من عيونك ،
عبير :يلا يلا😒 ، راجلك دا وينو
تهليل : لو سمحتي عندو اسم وضابحين ليهو خروف😌
عبير : باين😒
تهليل جرته من انفه ، ارح مختار مشى يطلع العربيه
ساره : تعااالي تعااالي ، اتقطع منو والله 😍
دانيه : شيلي سريع ي عويره بتعملي في شنو
ساره : طيب طيب
طلعتو من المسمار ولفتو وطلعو.....
يتبع...
