مُـغَــيّرتـِي 💜

الفصل العاشر " سر "💜

أتَسألُ مَن أنا ؟ أنا ، التّي أحبَّها الجميَع و لم تُحبّ سِواكَ يُفرِحها عِناقُك وتُذيبُها عيناكَ .
____________________________________

سليم ارتبك وبص لمراد
مراد بثبات: واشمعنا السؤال ده بالذات .. وهو احنا لو قولنا لا انتي تعرفي اذا كنا بنقول الحقيقه ولا بنكذب
سلمي : شروط اللعبه انك تقول الحقيقه
مراد : ومين قالك ان في حد هنا بيقول الحقيقه احنا الاربعه بنكذب كل واحد ف القعده دي وراه سر كل واحد مخبي حاجه ... مفيش انسان واضح وصريح كل واحد بيداري حاجه مش عايز التاني يعرفها دي طبيعه البشر ومستحيل تتغير كل انسان ليه حكايه وماضي مستخبيين

سلمي : مفيش حاجه بتفضل مستخبيه كله لازم يظهر محتاجه وقت مش اكتر
مراد قام وقف : فعلا عامل الوقت مهم جداا بس مع الانسان الصح .. تصبحو ع خير
يلا ي ملك !
ملك بإستغراب : يلا
خرج مراد مع ملك وفضل سليم قاعد مش فاهم ومش مستوعب
سلمي : هو قفش ولا ايه ده سؤال عادي يعني
سليم : مش عارف ... ومش فاهم بس تحسي انك تقصدي حاجه
سلمي بتوتر : لاا مقصدش دي لعبه
سليم : ع العموم تصبحي ع خير انا همشي
سلمي : وانت من اهله

عدت الليله ع الكل بس ملك كانت بتفكر ف كلام مراد
" احنا الاربعه بنكذب ..كل واحد وراه سر " فضلت تفكر مراد يقصد ايه هي مش مخبيه حاجه .. طب ليه قال كده وقصده ايه
لحد م نامت
________________________
تاني يوم ف مكتب مراد
مراد : هاا ي سليم وصلت لايه
سليم : مجدي الهواري ف السجن زي م هو وكل رجالته م يوم م اتحبس وملهمش اثر وملوش اي حد براا حتي مراته ماتت
مراد : مش شرط حد تبعه ممكن يكون حد براا الموضوع خالص بيخلصله من برا برا .. هو مدته هتخلص امتا
سليم : ي مراد ده احنا ملبسينه قضيه تخليه يقضي باقي عمره مسجون ده غير السمعه اللي زي الزفت اللي طلعناها عليه ومراته اللي ......

مراد : قضاء ربنا هنعترض !!
سليم بتريقه : ي مؤمن ..
الا قولي ي مراد هو كل العداوه دي عشان تزقه من وشك بس وتبقاا انت الكل ف الكل .. انا حاسس ان في حاجه تانيه
مراد بغموض : اتدخل ف حاجات متخصوش .. واتعدي الحدود ف كان لازم يتأدب بطريقتي
سليم : هه انت هتقولي ع طريقتك
مراد : انا حذرته ... حياة مراته قصاد انه يبعد عن طريقي طلع خاايب .. عبيط مفكرني بهوش
بس تسلم ايدك ي سليم طلع الواحد ممكن يعتمد عليك
سليم : لااا ي مراد دي كانت اول واخر مره
مراد : ي اخوويا انت هتمثل ده انت نفذت الخطه ولا احسن مجرم
سليم : القتل مفيش اسهل منه بس انت ناسي احنا عملنا ايه عشان نلعب ف التقارير ونبين ان سبب الموت جلطه
مراد : كله بتمنه
سليم وقف بندم : كله بحسابه ي مراد وهندفع التمن اكيد
وخرج وسابه
مراد : وهو كل ده احنا لسا مدفعناش ي صاحبي !!
دلوقتي احنا بِندَفع الدنياا احنا معدناش هنِدفع حاجه ...
___________________________________
ف مدرسة فچر
رحيم شاف فچر قاعده بعيد راحلها وقعد معاها
رحيم : محضرتيش الحصص ليه ..ده انتي كنتي بتيجي اول واحده اي اللي حصل
فچر : عاادي ..بفكر طلع في حاجات ف الدنيا اهم م اللي انا كنت شيفاه
رحيم : اوعي ...اوعي تتغيري ..هتندمي ..اوعي تسيبي نفسك ليهم خليكي زي م انتي صدقيني