کفي عن اللوم یا ملاكي ,فقسوتک في اللوم ایقظت معاناتي و اضعفت حیلتي"
_________________________________
يوم جديد ع ابطالنا
ملك خفت خلاص واول حاجه عملتها انها قررت تسيب بيت مراد
مراد بيبصلها وهي بتلم هدومها : يعني انتي كده بتساعديني ؟
ملك وهي بتقفل الشنطه : لا انا مش بساعدك انا بزقك عشان تساعد نفسك .. اول حاجه انا مستحيل اقعد ف البيت ده
مراد : وهتروحي فين
ملك : سلمي قبل م تمشي ادتني مفتاح بيتهاا ..هقعد فيه انا هبقي هناك (وقربت منه ) كل م تحس انك هتضعف تعالي وهتلاقيني جمبك
مراد بصوت عالي : ازاااي .. يعني ممنوع عليا حتي المسك .. ليه مصره تبعدي عني وانتي عارفه انك الحاجه الوحيده اللي قادره تحييني من تاني
ملك بحب : انا مش ببعد عنك ..انا ببعد عن الحرام ..ببعد عن كل اللي بيغضب ريناا ..تقدر تقولي فلوس البيت ده منين ..الاكل ..الشرب ..حتي الهدوم ..العربيه ..الڤلل ..الشركه
كل ده بدايته فلوس حرام يا مراد انت لازم ترجع كل حاجه لازم تبدأ من جديد وساعتها انا هبقالك ..هبقي معاك تحت سقف واحد بس وربنا راضي عننا
مراد بغضب : يعني ايه ...يعني انتي عيزاني اشحت ؟ عيزاني اسيب كل ده وكل اللي انا وصلتله ده .. عشان ايه بقي
ملك بإستغراب : عشاني ! ايه مستاهلش تبدأ من جديد عشاني .. مش انت قولت هتغير كل ده
مراد : انا قصدي اغير من نفسي
ملك : عشان تغير من نفسك لازم تغير اللي حواليك لازم تعرف سبب المشكله عشان تعرف تحلهاا .. (وبزعيق )انت عاجبك حالك كده ؟ قولي عاجبك حالك عاجبك اللي انت عامله ف مامتك !!! عاجبك حياتك اللي بايظه ..ربناا اللي مش مبارك ف اي حاجه ف حياتناا .. انت لازم تصلح كل ده ابعد عن كل القرف ده ولازم تتعالج .
مراد بصلها : اتعالج ؟
ملك بإصرار : ايوه لازم تتعالج لازم تشوف دكتور نفسي
مراد مش مصدق انها فكراه مجنون : انتي بتقولي ايه !!! انتيي فكراني مجنون
ملك قربت بس هو بيبعد : لااا لاا مين قال ان اللي بيروحو يتعالجو نفسيا دول مجانين .. دول ناس الدنيا والناس قست عليهم ..دول ناس بيحاولوا يصلحوا نفسهم من تاني وعندهم امل ..
مراد بصلها بوجع : وانا مستحيل اعمل كده
ملك بحزن : بس انت قولتلي هتتغير ! دلوقتي جاي تقولي لاا ..عموما يا مراد انت عارف مكاني ..انا موجوده فكر ورد عليا
مسكت شنطتها وخرجت من الاوضه ومراد ماشي وراها
مراد نده : ملك .. متسبنيش
ملك بصتله : انت اللي بتسيب يا مراد .. انا مشيتلك خطوات وانت مش راضي تمشيلي حتي خطوه
مراد : انا مبجيش بالعند
ملك : ده مش عند ..ده حب
مراد : لا ده مش حب ولا عمره هيبقي بالشكل ده
ملك بصتله : دي طريقتي .. مامتك جايه معايا
مراد ببرود : ومين قالك ان حد هيخرج من هناا
ملك : يعني ايه ؟
مراد قرب وقفل الباب بالمفتاح : يعني دي كمان طريقتي ولو مش هتفضلي معايا برضاكي ..هتفضلي غصب عنك
ملك بخوف : هتحبسني ؟ صح م هي مش جديده عليك .. اللي يحبس امه السنين دي كلها سهل اوي يحبس اي حد تاني .. بس انا بقولك انك كده مبتصلحش حاجه ..بالعكس انت كده بتموت اللي بينا
مراد بصلها وزعق بجنون : لاااااا...انتي مش هتخرجي من هنا وتسيبيني .. مش هتبعدي عني ..وهتفضلي تحبيني لحد م نموووت
ملك خافت ورجعت لورا : انت مش طبيعي
مراد : البركة فيكوا
أنت تقرأ
مُـغَــيّرتـِي 💜
Romantikتَمنيْت ...لكن ليس كُل ما يتمناه المَرء يُدركه 💔 .. أتؤمنون برسائل القدر !!؟ - هي إحداها ... لم أستطع أن أعرف حتي الآن محتواها ... ولكني أؤمن أنها جاءت لتغيرني كليا ...جاءت لتمحي ما قبلها ...وتجذبني بقوه نحو طريق جديد ..و نفس جديده .. فهي مُغُيرت...
