من الصعب أن تفارق من كان جزءاً منك دون أن تتألم ~حتى الورق وهو "ورق" إن فارق كتابه أحدث صوتاً
________________________________________
ادهم بتردد : مرااد ..اللي انت بتقوله ده صعب ..انت عارف الجرايم اللي عملتها تقعدك باقي عمرك ف السجن ..انت مش متخيل انا حالتي اي وانا عااجز مش قادر اساعدك ..لكن انك تخرج ده صعب
مراد بجمود : وانا مش هخرج لله وللوطن انا هجبلك شبكه بقالكوا سنين بتجروا وراهم ودي حاجه مش سهله ومتنساش انك اكيد هتترقي بعدهاا ..افتكر كل ده يستاهل مجازفه صغيرة منك ..انا لسا محضري متحولش للنيابه ..تقدر تساعدني
ادهم بتفكير : مااشي ي مراد ..هخرجك ع مسؤليتي وربنا يستر بس قبل ده كل لازم نقعد ونظبط كل حاجه
مراد : هنقعد ..هنقعد متخافش وكل ده هيخلص انا متأكد
________________________________________
ملك فاقت ولقت نفسهاا ف اوضه ضالمه مفيش فيها غير شباك يدوب منورلهاا قدامها
فاقت ع صوت فتح الباب
---: اهلاااا الاميرة اخيراا فاقت
ملك بخوف : انت مين ...وعايزين مني ايه
---: مش انا اللي عايز يا اميرة للاسف ده البوص كل الموضوع ف ايد جوزك وهو اللي هيحدد يا اما يختار انك تعيشي يا اما ......
ملك بدموع : وليه كل ده ..انتوا عايزين منه ايه
: عملية ..عملية واحده هينفذهاا
ملك سمعت الصوت ده وبصت شافت راجل شكله غريب وفهمت ع طول ان هو ده راس الافعي
ملك بسخريه : انت بقي راس الافعي ..انت البوص زي م بيقولو
قرب منها ونزل ع ركبتو وهو بيشرب سيجاره
البوص : اندرو اسمي اندرو ..والله انا مكنتش عايز اعمل كده بس للاسف جوزك مسابليش حل غيره ..وهو انا اقدر اشوف القمرر ده بيتبهدل كده
ملك بإشمئزاز : انت بني ادم حقير ..ومستحيل مراد يعمل اللي انت عايزه ده ..مراد اتغير
اندرو ضحك : هاااهااااهااا....اتغيرر !! مش مشكلتي ..ومش بمزاجه ..العملية دي اجباري مش اختياري ..صفقه كبيره جدااا ..اكبر من اي حاجه عملناها ..دي هتنقلنا نقلة تانيه .
ملك : مستحيل اسمحلكوا مستحيل مراد يسمح يدخل السم ده البلد تاني ...مستحيل
اندرو : هنشوف يا قطه
ملك افتكرت : ابوياا ..ابوياا عمل كده ليه
اندرو بضحكه شر : اب ...هو انتي بتسمي ده اب ده باعك برخص التراب ..احنا اللي خليناه يحوم حواليكي من تاني ويفهمك انه اتغير عشان يصعب عليكي وتعطفي عليه بقي والمية ترجع لمجاريها ويعرف عنك كل حاجه ..والصراحه الراجل متأخرش اول م طلعت دفتر الشيكات باع ع طول ..وو..وافتكر انها مش اول مره ..واللي باع مره يبيع الف مره...انا بس مش عارف انتي جيبتي الغباء ده منين عشان تصدقيه ..وعمرما انا مش هحرمك من اللحظه دي وهخليكي تسأليه بنفسك ...اندهوا لحسين ي رجاله يرحب ببنته
دخل حسين بضحكه مستفزه وبص لملك بخبث
ملك بدموع : ليه عملت كده ..ليه عملت ف بنتك كده ..ده انا صدقتك وفكرتك اتغيرت ..ده انا كنت بحوش مخصوص الفلوس ومبصرفهاش عشان ابعتهالك ومتتحوجش لحد عشان عشمتني انك بتدور ع شغل ..ده انا كذبت ع جوزي عشانك ..عشان لو عرف اني ع اتصال بيك هيقتلك ..ده انا آمنتلك وفكرتك اب بجد ..تعمل فيااا كده ..ليهه وعشان ايه ..عشان كام مليم ..ي شيخ يلعن ابو الفلووس ..قولي بتعمل كده لييييه
حسين بلا مبالاه : ومالها الفلوس ي ختي هااا ..الفلوس دي بتعيش البني ادم ملك زمانه ..وبعدين انتي قطعتي بياا اوي بعد م اتجوزتي والفلوس كمان قطعت بياا الكام قرش اللي جوزك رماهملي خلصوا ..فقولت لا لازم استفاد منك بس مينفعش وجوزك ده واقفلي زي اللقمة ف الظور ف قولت انا لازم ازيحه عن طريقي ..وف وقتهاا ظهرلي الناس العسل دول من السمااا كده دفعوا مبلغ حلو عشان اجبلهم شوية معلومات واجيبك انتي كمان معاهااا عشان يجروا رجل النبي حارصه جوزك ده واول م يقع ف المصيده .....هووبااا يصطادوه بقي ويخلصوا عليه وانتي ترجعليلي من تاني ونستفاد تاني والمركب تمشي بقي ي حلووه زي زمان
ملك بإشمئزاز : انا بكرهك ..انا حقيقي مكرهتش ف حياتي قدك ..انك مش انسان وخساره فيك كلمة بابا
حسين : تصدقي ي بت اشعرت ..ومين قالك اني عايز اسمعها اصلا ..نيلة عليكي وع خلفتك الهباب ..وش فقر صحيح زي امك
أنت تقرأ
مُـغَــيّرتـِي 💜
Storie d'amoreتَمنيْت ...لكن ليس كُل ما يتمناه المَرء يُدركه 💔 .. أتؤمنون برسائل القدر !!؟ - هي إحداها ... لم أستطع أن أعرف حتي الآن محتواها ... ولكني أؤمن أنها جاءت لتغيرني كليا ...جاءت لتمحي ما قبلها ...وتجذبني بقوه نحو طريق جديد ..و نفس جديده .. فهي مُغُيرت...
