مُـغَــيّرتـِي 💜

الفصل الثامن عشر " سلمي!! "💜

الحزن نملة تأكل القلب ببطء عاماً بعد آخر.
_____________________________________________

يوم جديد علي ابطالناا
عند ملك
ملك واقفه ف المطبخ بتحضر الاكل وجمبها احسان
احسان : يادي الندامه يا ستي كنتي سيبيني احضر انا الاكل
ملك : لا محدش يأكل جوزي غيري انا ..انا بس محتجاكي تقوليلي طنط بتحب ايه عشان اعمله

ملك جهزت الفطار ومراد نزل وقعد
مراد : اومال فين جميلة هانم يا احسان
احسان بلخبطه : ماا ..هوو هوو انا طلعتلها وهي قالتلي انها مش جعاانة
مراد : انا هطلع اشوفهاا
قام مراد وطلع لجميله خبط ع الباب ودخلها
مراد : منزلتيش تاكلي ليه
جميله : حد الله م بيني وبين اكلك الحرام
مراد بصدمه : حراام !!!
جميله : ايوه حراام مفيش لقمه منه هتنزل بطني مهما حصل
مراد : طب م انا كنت بجيبلك الاكل قبل كده اييه كنتي بتاكلي ازااي !
جميله بثببات : برميه بأكله للقطط والكلاب
مراد : وانتي كنتي بتاكلي ازاي
جميله : ببعت احسان تشتريلنا اكل من فلوسي .. فلوس البيت بتاع ابوك اللي بيعته ووكل قرش حلال كان معايا وقتهاا .. عندي اكلها بدقه ولا اني اكل من قرش حرام .. وزي م كنت بعمل قبل كده هعمل دلوقتي وهأكل نفسي وربنا كبير وقادر عليك

مراد ببرود : مسير الفلوس تخلص وتحتاجيني يا جميلة هانم ..اتمني تشوفيلك حجه مناسبه تقوليها لمراتي وطبعاا مش محتاج افكرك بإتفاقناا

نزل مراد ببرود وفطر وراح الشركه
ملك فضلت قاعده شويه وبعدين قررت تاخد الاكل لجميله وتطلعلهاا
_______________________________
ف العربيه
مراد بيكلم سليم : هاا ي سليم اي الاخبار
سليم : الحمد لله خرجنا امبارح ومن ساعتها وهي ف اوضتهاا نايمه من المنوم اللي بديهولها عشان ترتاح ومتحتاجش الزفت اللي بتاخده ده
مراد : الناس جاهزين ي سليم ف اي وقت انت عايزه هما مستنيين
سليم : حااضر لما تصحي هنجهز ع طول ..
مراد : ان شاء الله خير ي صاحبي
سليم : ان شاء الله .. يلا سلام
_______________________________
عند ملك خبطت ع جميله وف اديها الاكل
جميله : ادخل
ملك : انا قولت انتي مكلتيش حاجه من امبارح فأكيد جعانه عملتلك الاكل ده بإيدي يارب يعجبك
جميله بنفور : لا لا شيليه انا مش عايزه
ملك بإستغراب وحزن ؛ ليه بس انا اكلي نضيف وحلو والله حتي اسألي مراد
جميله صعبت عليها ملك : انا مش قصدي بس انا باكل اكل معين وهو معايا وباكل منه ع طول ومقدرش اغيره
ملك : طيب اللي يريحك ...طط..ططب اي رأيك تنزلي نقعد ف التراس ونرغي شويه انا م صدقت حد يجي ياخد بحسي
جميله بهدوء : الايام جايه كتير وهتعرفي كل حاجه وهتتسلي كمان .. هتتسلي كتير اووي ..اووي
ملك مفهمتش قصدها بس قررت تسيبها براحتها : طيب بعد اذنك
خرجت ملك ونزلت الجنينه وهي بتفكر ف كلامها اللي مش فهماه
__________________________________
عند سليم
دخل يصحي فجر
سليم : فجر...فجر قومي
فجر بتعب : ايوه ي سليم
سليم بحزن : قومي عشان هنمشي
فجر : هنروح فين
سليم بحده : مصحه يا هانم .. هنروح مصحه عشان تتعالجي ولا عيزاني اسيبك كده
فجر بعياط وتوسل : لا يا سليم وحياتي عندك بلاااش ..طب ورحمة بابا وماما بلاش انا مش هستحمل ..بلااش والنبي
سليم : بلاش كلام ملوش لازمه .. انتي لازم تروحي متخافيش انا معاكي
اخدها من ايدها وسط عياطها ونزلوا ركبوا العربيه وراحو المكان اللي مراد قال عليه ولقي فعلا الناس مستنياه والدكتور امجد اللي هيشرف عليها
الدكتور : اهلا اهلا يا استاذ سليم ..
سليم : اهلا بيك ..كل حاجه تمام ؟
الدكتور : ايوه طبعا احنا جاهزين
وبص لفجر اللي مبطلتش عياط
امجد : متخافيش يا انسه ..كل حاجه هنا هتعجبك وهترتاحي معانا جداا ثقي فياا
فجر بصتله بخوف وهزت راسها وسكتت
سليم : اتمني ده فعلاا (وبص لفجر ) .. ساعديهم عشان يقدروا يساعدوكي .. انا عايز اختي فجر رجعيهالي تاني ارجوكي
وخرج بسرعه قبل م يضعف وياخدها تاني خرج وسابها معاهم عشان تبدأ رحلة علاجهاا
__________________________________