مُـغَــيّرتـِي 💜

الفصل السابع والعشرون والاخير " مُغيرتي "💜

العَينُ بِالعين ، و'المُرتَجِفُ قلبي ! فتباٍ للبُعد يا مُغيرتي ... ❤
___________________________________________

الكل بعد وقعدوا مستنيين رد فعله وهو لسا بيقرأ الكلمه
ملك قربت منه بحب ؛ مراد حبيبي ..انت مش مبسوط ..انا حامل يا حبيبي انا جوايا حته منك
مراد بصلهاا بصه طويله محدش فهمها غير ملك
قربت منه وحطت ايدها ع خده بحب وهمستله : متخافش انت هتبقي اعظم واحلي اب ف الدنيا وولادك اكيد هيبقوا فخورين بيك زيي بالظبط .. انا معاك وسنداك
فجأه حضنهاا ..حضنهااا حضن طويل ورجليها مبقتش ع الارض ..حضنها كإنه غرقان فيهاااا
مراااد وهو دتفن نفسه جواها : ااااااااااااااه يا ملاااااكي ..كإنك قرأتي اللي جوايااا..انا اسعد واحد ف الدنيااا ..انا هبقي اب بسببك انتي ..انااا بموت فيكي

الكل وقف وباركلهم وسط دموع وحب وفرح
ادهم وقف : طب بالمناسبه السعيده دي انا كمان عندي خبر ..او احنا يعني عندنا خبر
مراد بصله بخوف مش عايز يفكر ان ممكن يحصل اللي ف دماغه
سليم بضحكه وجع : قول يا ادهم
ادهم : انا اتقدمت لمجدي بيه وطلبت ايد سلمي وهي وافقت وهنكتب الكتاب ونعمل فرح ع وطول
مراد هنا مسك ايد ملك جامد كإنه بيقولها شوفتي ..اللي كنت خايف منه حصل
سليم اول واحد وقف وباركلهم : مبروك يا ادهم .. مبروك يا سلمي ..ربنا يسعدكوا يارب
وسلم عليهم وخرج الجنينه بهدوء ..هدوء غريب ..مراد استغربه ..المفروض يثور ..يزعق ..يعيط بس هو كان هادي
مراد اجا يخرج وراه
ملك : خليك ..ممكن انا اكلمه ؟
مراد : ياريت
ملك خرجتله وشافت توهانه وقفت جمبه
ملك : عارف ..مش كل اللي بنتمناه بنعرف نحققه ومش كل اللي احنا عايزينه بيحصل ..ساعات الخير بيبقي ف اننا بعد عن الحاجه اللي بنحبهاا عشان متوجعناش بعدين .. كإنك بتحضن صباره ف عز البرد .. محتاج لحضنها اللي فاكر انه هيدفيك ..بس ف الحقيقه انت مش هتاخد منها غير الشوك والوجع
عيزاك تعرف ان ربناا احن بكتير من انه يشوفنا متعلقين بحاجه وهي خير لينا وميديهالناش ..ربنا شايف وعارف ان لو سلمي كانت خير ليك كانت هتبقي من نصيبك ..الموضوع هيخلص وهيعدي وهنبقي ملمومين كده وهتقف هنا ف نفس المكان ده مع اللي حبيتها وحبيتك بجد وتضحك ع اليوم ده وبكره تقول ملك قالت

سليم بصلها بإمتنان : انا مش عارف اقولك اي . بس انا حاسس براحه كبيره اكتر من اي وقت فات ..وهستني اليوم ده من كل قلبي
_______________________________________

بتعدي الايام والشهور ما بين ابطالنا
مابين حمل ملك اللي تاعبها جداا ومراد اللي دايما جمبهاا
ومابين تحضيرات سلمي للفرح وسليم اللي قاتل نفسه ف الشغل
وبين سعادة فجر وامجد وحب جميله ومجدي الصافي اللي اجتمعوا ف بيت مجدي بعد عذاب

ف يوم سليم قاعد ع المكتبه دخلت بنت بتزعق حتي من غير م تخبط
سليم بعصبيه :: اي يا هانم هي وكالة من غير بواب
البنت بصوت عالي : هي فعلا وكالة ..يعني اي يا استاذ انت ابقي مشتركه ف الجيم هنا بقالي شهور وبدفع فلوس ويجي واحد زي الحمار اللي واقف برا ده يزعقلي عشان عملت تمرينه غلط ..ده تسميه اي حضرتك