كان في عينيكِ شيءٌ لا يخون لستُ أدري كيف خان
______________________________________
يوم جديد ع ابطالنا
ملك دخلت لمراد الاوضه : مررااد مررااد اصحاا يلا احنا هنقضي الايام دي نوم ولا اي
مراد : ايوه ايوه صحيت اي البغبغان اللي ع الصبح ده
ملك : اخص عليك ي مراد انا بغبغان ده انا امبارح بعد م سيبتك دخلت عليك لقيتك نايم صعبت عليا قولت اسيبك
مراد : فيكي الخير .. يلا نفطر سلمي وسليم صحوو
ملك : دول صحو وزهقو وراحو البحر وسابونا
مراد : طب يلا .. هاخد دش ونفطر بسرعه ونروحلهم
_____________________________________
ع البحر
سليم خارج من المايه
سليم : م تفكري تاني ي بنتي المايه تجنن
سلمي : لا لا انا بخاف انزل انت
سليم : طب تعالي بس .. انا معاكي متخافيش
سلمي بتردد : لا لا انا مرتاحه كده
سليم : طيب ع راحتك
مراد وملك وصلوو
سليم : ي اهلااا.. نموسيتك كحلي ي اخويا كل ده نووم
مراد : اكتم يااض
ملك اخدت سلمي وراحو يتمشو
و مراد قعد و سليم كلم اخته
سليم : هاا ي روحي وصلتي
__: ............
سليم : ايوه هتلاقي المفتاح ف صندوق كده جمب الباب .. انا مش هتأخر يومين بالكتير وهرجع ..هظبطلك كل حاجة المدرسه من عندي هنااا
_: ..........
سليم : ويخليكي لياا ي رب يلا خلي بالك من نفسك هكلمك اول م اظبط الدنياا ...مع السلامه
مراد : هاا وصلت !
سليم : اه وصلت دلوقتي بقت ف البيت
مراد : مش قصدي اختك .. اقصد الشُحنه
سليم بحزن : لسا هتوصل بليل
مراد سمع ملك وسلمي بيزعقوا
ملك : ابعد ايدك دي عني بدل م اقطعهالك
١ : تعالي بس ي مزه .. ده جزاتي شايفكو ماشيين لوحدكوو .. تعالو وانا هظبطكوو
ملحقش يكمل الجمله ومراد هجم عليه وفضل يضرب فيه وسليم اجاا عليه وبعده عنه وملك فضلت تعيط وتبعده
ملك : حررام هيمووت ف ايدك ي مرراد خلاص
سليم : خلاص ي مراد الواد ماااتتت
مراد : ابقي اشوفك معدي بس من قدامها هسااوي وشك بالرمله دي ي ابن الكلب
سليم بعده عنه وشده بعيد واخدهم كلهم ع الشاليه
ملك طلعهت اوضتهاا
وسليم ومراد فضلو قاعدين ساكتين
قطع سكوتهم سليم
سليم : خوفت عليهاا !!؟
مراد : طبعاا .. مش مراتي !
سليم : حبيتهاا ؟
مراد : حب ..!! الحب ده مش ف قاموسي انا عمري م هدخل واحده قلبي
الحب بيضعف وانا عمري م هبقاا ضعيف
سليم : بس عينك مبتقولش كده .. لهفتك وجنانك بيقولو انك بتحبهاا بس انت بتكاابر
مراد : لا اكيد انت فهمت غلط .. ده بس من الغضب
سليم : طب ليه متديش لنفسك فرصه ي مراد تحب
مراد : انا معنديش حاجه اهم من شغلي .. حب اي وهبل اي .. فووق انت ناسي احناا ايه !
سليم وقف : لاااا .. ناسي انت ايه .. مش احنااا
انا عمري م هبقاا زيك
مراد : متنساش ان اناا اللي وصلتنا لهناا ولولاياا مكناش كبرناا ولا عرفناا نشوف ربع الفلوس دي
سليم : بس انا مكنتش عايز الطريقه دي
مراد : مكنش في غيرهاا .. لو مكنتش عملت كده كانو قتلونا
سليم : تقووم انت تقتلهم !!!!!
مراد : لا استناهم اما يلبسوني اي مصيبه او اقف قدامهم اقولهم ايوه انا تاجر مخدرااات روحو بلغو عني
سليم بتهكم : هه مخدرات بس .. ده احنا اللي بنموت البلد ي اخي ده مفيش صنف ممنوع ف الدنياا غير وجيبته وصنعته بإيدك وبيعته بقينا تجار ممنوعات وقتالين قتله وكل الجرايم اللي قلبك يحبهاا
مراد قرب : وطي صوتك ... كنت مستني مني اي ... مستني اي وانا بشوف تعبنا بيروح ع ايدين ناس مبترحمش
سليم : انت مفكرتش تحلها بطرق تانيه .. اسهل حاجه عندك كانت القتل .. اللي كان بيقف ف طريقك كنت بتخلص عليه بدم بارد
مراد : ولو رجع الزمن هعمل كده تاني وتالت انا عمري م هغاامر بالمكانه اللي وصلتلهاا عشان اي حااجه وانت جيت ف السكه بمزاجك مغصبتكش وبعدين انت مالك .. هو انت اللي قتلتهم ركز انت بس ف شغلنا اللي دخلته بمزاجك وقفل ع السيرة دي .. انا طالع انام
طلع مراد الاوضه ولقاا ملك نامت نام جمبها وهو بيفكر ف كلام سليم
سليم فضل قاعد ف الجنينه خلص كام مكالمه وظبط مدرسة اخته وبص شاف سلمي خارجه بتتمشي
سليم : بتعملي اي
سلمي : مفيش كنت هتمشي مش جايلي نوم
سليم : طب هاجي معاكي
سلمي : ليه كل م تتكلم انت ومراد تتخانقو
سليم : احنا ع كده من زماان .. احنا مختلفين ف حاجات كتير ونفسي هو يسمع كلامي بس هو مبيسمعش غير نفسه
سلمي : سيبه يقع ويتعلم وهو من نفسه هيرجع عن الغلط
سليم : المشكله ان الوقعه هناا مفيهاش قومه ي سلمي .. المهم احكيلي انتي .. حياتك اي ولا ماشيه ازاي
سلمي : عاادي .. مفيش حاجه
سليم : اتخطبتي .. اتجوزتي .. حبيتي .. اي حاجه من دي
سلمي : لاا عمري م حبيت .. اصلا لازم اللي اتجوزه ابقي مقتنعه بيه جداا وحباه ونفسي يبقاا بيناا قصة حب احكيها لولادناا .. مش عايزه جواز تقليدي .. عايزه حد احس ان حياتي بقت حلوه لما دخلهاا .. واهم صفة فيه انه ميكدبش علياا ابداا ويصوني وميزعلنيش
سليم بحزن : ربناا يرزقك باللي يستاهلك ي سلمي
..يلا انا هطلع انام تصبحي ع خير
سلمي : وانت من اهله
_________________________________
تاني يوم
سليم بيخبط جامد ع اوضه مراد
سليم : افتح ي مراااد بسررعه مصيببه
مراد قام مفزوم ونط فتح الباب
سليم : الشحنه غرقت ي مراد .. كل البضاعه راحت
مراد بصدمه : يعني اي .. ي نهااار اسووود احنا كده اتخرب بيتنااا انت عارف البضاعه دي تمنها كام ده اكتر من ١٠ مليون جنيه
سليم : هنعمل اي ي مراد الناس دي مبترحمش يا اما ياخدو البضاعه يا ياخدو الفلوس
مراد : هياخدو الفلوس ازااي والبضاعه متباعتش واديها غرقت ادفع من جيبي يعني
ملك اجت من وراهم : بضاعه اي !!
سليم بلخبطه : ددد....دددي بضاعة قطع غيار وعربيات وكده غرقت كلهاا وتمنها كتير ولازم نسده
ملك : يالهوووي طب هتعملو اي
مراد تليفونه رن
مراد : انزلي انتي ي ملك واحنا نازلين اهو
نزلت ملك ومراد رد ع المكالمه
مراد : عرفت اللي حصل !
....: اكيد عرفت .. بس اللي حصل ميخصنيش انا اللي يخصني فلوسي او بضاعتي والبضاعه بح يبقاا فلوسي
مراد : بس انا مليش دعوه بغرق المركب .. مش شغلتي
....: ولا شغلتي .. فلوسي تبقاا عندي
مراد : بس انا مش هشيل الشيله كلها لوحدي .. مقدرش ع تمنهاا
....: اومال تقدر تاخد بس .. يومين وفلوسي توصل
وقفل الخط قبل م يسمع رد مراد
سليم : هنعمل اي ي مراد
مراد : لازم ندفع .. احنا معانا سيولة تكفي !
سليم : م احنا لو دفعنا كده راس مال الشركه هيقل وكده غلط
مراد : هنعوض كل ده بس المهم نخلص منهم ..احنا لازم نرجع قول للبنات يجهزو عشان راجعين دلوقتي
سليم : ماشي
بعد شويه الكل جهز وركبو العربيه وراجعين
ملك : بس حرام تتحمل مسؤليه اللي حصل كله لوحدك
مراد بغضب : اهو اللي حصل
ملك : طب م تحاول تتكلم مع الناس دي وتتفاهم وتتووص......
مرااد زعق : الناااس دي مبتتفاهمش .. النااس دي كل اللي يهمها فلوسها وبس افهمي بقاا
ملك خافت من غضبه وسكتت وسليم قاعد بيدعي ان الموضوع يعدي ع خير
_____________________
ف بيت مراد بليل
مراد قاعد ع السرير بيفكر ..دخلت ملك بصنيه عليها اكل
ملك : مراد تعالي كل انت مكلتش حاجه من الصبح
قام مراد وقعد جمبها وبدأ ياكل
ملك : هاا قدرت تحل الموضوع
مراد : مفيش قدامي غير دفع الفلوس .. بس المشكله ان انا مش هقدر ادخل ف اي صفقات تاني ع الاقل الفتره دي
ملك حط ايدها ع خده بحنيه : مش مشكله ي مراد المهم تعدي الازمه دي وحبه حبه هترجع تاني
مراد بصلها بحيره مش عارف يعملها اي او يقول اي
بس حس بحنيتها وتلقائي قرب منها وحط راسه ع كتفها واتنهد
مراد : اااه ي ملك نفسي الكابوس ده يخلص عارفه ؟ ساعات بقعد مع نفسي وافكر واقول ياريتني م دخلت الشغل ده من الاول ولا بقيت كده بس مكنش ينفع دي كانت الطريقه الوحيده
ملك : انا مش فاهمه ي مراد فهمني تقصد اي
مراد : ساعات الانسان بيعمل حاجات كتير غلط ف حياته مبيندمش عليها لان الدنيا والظروف هي اللي خلته يعمل كده
تفتكري ي ملك الانسان ده يستاهل الحب يستاهل ان الناس تسامحه وتحبه .. ممكن ؟
ملك بصتله بإستغراب : مفيش انسان مبيغلطش ي مراد بس المهم انك تعرف غلطك وتصلحه واذا كان ع الناس ف اللي بيحبك بجد هيفضل جمبك لحد م تبقاا احسن واحد ف الدنيا
مراد دخل ف حضنها اكتر ومسك فيها جامد وبصوت غلبه النوم : متسبنيش ي ملك انا مش وحش اوي كده
____________________________
ونكمل البارت الجاي
توقعاتكم
#شهد_محمد❤
اي السر اللي يخلي مراد يمشي ف الطريق ده ويا تري اي اخرتها !؟
Happy new year ❤💃💃💃
سنه سعيده عليكوا ي جمااعه ويارب تبقي حلوه علينا كلنا كده بإذن الله ❤❤
أنت تقرأ
مُـغَــيّرتـِي 💜
Storie d'amoreتَمنيْت ...لكن ليس كُل ما يتمناه المَرء يُدركه 💔 .. أتؤمنون برسائل القدر !!؟ - هي إحداها ... لم أستطع أن أعرف حتي الآن محتواها ... ولكني أؤمن أنها جاءت لتغيرني كليا ...جاءت لتمحي ما قبلها ...وتجذبني بقوه نحو طريق جديد ..و نفس جديده .. فهي مُغُيرت...
