مُـغَــيّرتـِي 💜

الفصل الواحد والعشرون " كشف الحقيقه " 💜

أنت لم تجرحني .،. أنت جرحي بحد ذاته ..
_______________________________________

بعد اللي مراد عمله فضل واقف مصدوم وباصص لجثه مجدي
هو عمل كده ليه .. هو ليه بيعمل كده ..ليه مش قادر يوقف نفسه عن الشر ليه مش عايز حد يقرب من امه
ممكن فعلا كانت تبقي مبسوطه معااه !!
اسئله كتير ف دماغه وبيرجع يكدبهاا
لاا انا كده بحميها ..بحميها منه هو هيعمل فينا زي حسن ما عمل .. انا كده بنقذهاا .. ايوه ..ايوه انا بنقذهاا

خرج مراد من الشقه واتصل برجالته
مراد : تيجوا ع العنوان ده (____) وتخفوا جثة مجدي ..مش عايز الدبان الازرق يعرفله طريق
___________________________________
تاني يوم
جميله بتحاول تتصل بمجدي من امبارح وموبايله مقفول فضلت مستنيه مراد بس مرجعش البيت
ملك قاامت ع وجع ف بطنهاا راحت ع الحمام وفضل ترجع ..غسلت وشها وخرجت تنده ع احسان
ملك بتعب : ياا احساان ..ياا احساان
احسان اجت بسرعه : ايوه ي ستي
ملك قعدت ع السرير : هو مراد خرج
احسان : لا ي ستي هو مجاش من امبارح بليل
ملك بتعب : طب روحي نادي لطنط بسرعه انا تعباانه
جرت احسان ندهت جميله وراحوا عند ملك بسرعه
جميله قربت منها : مالك ي ملك
ملك : مش عارفه يا طنط بطني ع طول بتوجعني كده ودايخه مش قادره اقف وع طول معدتي مقلوبه وبرجع
جميله بحزن : حبيبتي هو انتي متعرفيش الاعراض دي اعراض ايه ؟
ملك بإستغراب : ايه ؟
جميله حاولت تبتسم : اعراض حمل يا ملك
ملك بفرحه : بجد ... انتي بتتكلمي جد ...اناا حاامل .!! تفتكري ؟ .. مراد هيفرح اووي اووي
انا لازم اقوله ....
جميله بسرعه ،: لاااا استني
ملك : ليه ؟
جميله بتردد : يعني .. قصدي انه كان قالي انه عنده مشاكل ف الشغل .. استني لما يظبط اموره ....ووتقوليله ع رواقه يعني

ملك بفرحه : صح عندك حق .. ماشي انا هستني لحد ما دماغه تفضي واقوله ع رواقه زي ما قولتي
_____________________________________
مراد فضل طول الليل ف الشركه عقله بيعيدله كل اللي حصل
لحد ما الباب خبط ودخل سليم
سليم : اي داا انت مغيرتش من امبارح ؟ انت روحت اصلا ؟
مراد قام بتعب : لا لسا كان في شغل هنا وكنت بخلصه .. المهم انت كنت عايز حاجه
سليم : اييوه كنت جاي اقولك ان الدكتزر قالي ان فجر اتحسنت وهيخرجوهاا قريب
مراد ابتسم : بجد.. الحمد لله ع سلامتها
سليم بحب : وحشتني اووي
مراد بإستغراب : وانت مكنتش بتزورها
سليم : لا .. اللي حصل مكنش سهل عليا يا مراد ولا عليهاا كنت محتاج فترة بعيد
مراد : غلط يا سليم .. اختك محتاجالك .. غلط اللي انت عملته
سليم : متخافش انا بتطمن عليا كل يوم من الدكتور وهروحلها لما يحددوا هتخرج امتي وهبدأ معاها من جديد .. هتبقي حياة جديده لينا وهفاتح سلمي وهنعيش مبسوطين يا مراد ..

مراد تعابير وشه اتغيرت لما اجت سيرة سلمي وخرج من المكتب وركب عربيته وفضل سايق وبيلف ف الشوارع
__________________________________
سلمي بتحاول تتصل بأبوها بس موبايله مقفول قلقت عليه وقررت تروح البيت
وصلت تحت البيت وطلعت فتحت الباب وبتدور عليه بس مش لقياه
الخوف دخل قلبها وهي بتنده ومفيش حد بيرد
فضلت تنده وتدور لحد م وقفت مصدومه عند بقعة دم ع الارض
فضلت واقفه تبصلهاا بصدمه وقعدت ع ركبها وهي بتبصلهاا بسكوون
سلمي بصدمه : لااا ..مستحيل ..لااا ..لاا ..لاا يا بابا انت كنت حااسس ..كنت حااسس انه هيعمل فيك حااجه .
. Flash back
مجدي كان بيكلم جميله ساعة ما دخل عليها مراد والخط فصل فجأة ف وش مجدي وهو مش عارف في اي بس قلبه حاسس ان حاجه وحشه هتحصل
اتصل ببنته
مجدي بتوتر : ايوه ي بنتي ...
سلمي : مالك يا بابا صوتك ماله
مجدي : مش عارف ..حاسس ان مراد ده مش هيسيبنا ف حالنا ..حاسس ان في حاجه وحشه هتحصل ..اكيد هيعرف ان انا لسا ع اتصال بجميلة وساعتها اكيد هيقتلها يا هيقتلني
سلمي : انت لسا بتكلم الست دي .؟؟ حراام عليك يا بابا مش كفايه اللي حصلنا بسببها وبسبب ابنهاا انت عايزه يعمل فينا ايه تاني ..كفايه بقييي فووق يا بابا
مجدي : لو حصلي حاجه ..خلي بالك م نفسك ي بنتي الراجل دي مبيرحمش ولو عرف انتي مين هيقتلك
End