فتحت عيناها متسعة ليطالعها وجه شابة جميلة فى منتصف العشرينات ابتسمت وبادرتها
الكسندرا ساقوم على خدمتك
ابتسمت و اعتدلت جالسه ناولتها كوب القهوة ارتشفت منه القليل فقالت
#سيدى امر بإحضار قهوتك في السادسه
قالت بدهشة #هل ظللت نائمه من الأمس
اكتفت الفتاة بهز رأسها لتقول #اين هو
#ينتظرك للقيام بالرياضه الصباحيه بالأسفل
قالت جملتها واخرجت لها ثوب رياضي ووضعته على طرف الفراش شكرتها بابتسامة
بعد قليل خرجت ولحسن حظها وجدت اليزين بالممر صحبتها للاسفل ........تقدم نحوها تاملته لدقيقة وجهه عاد له لونه والدوائر المرهقة حول عيناه تكاد تختفي ونظرة الحزن الدفينه بعيناه مستها بقوة
#صباح الخير عامل ايه النهاردة
#احسن والفضل ليكي
ابتسمت #سيبتني نايمة الوقت دا كله ليه
اتسعت ابتسامته
#فى الحقيقة حاولت اصحيكي بس طردتيني من القوضة ...نومك خفيف بشكل
ابتسمت #لما ببقي تعبانه ومتوترة بس ،،،،،،،انا اساسا مبلحقش انام خصوصا ايام الدراسة
.بدات تتحرك فتحرك بجوارها
#بس ميرسي بجد على القهوة انت مش متخيل كنت محتجالها قد ايه
#عارف ...تقريبا انا اللى عودتك عليها .
وقفت امامه #ايه ازاي يعني
امسك يدها وترجل مرة اخري سحبت يدها منه فقال
#وانت صغيرة كنت مزعجة قوى ......ومنكفة وعندية كان عندك حوالى تلت سنين........ كنت عامل كوباية قهوة وحططها جنبي وبقرا ................وانت قاعدة على الارض وبتلعبي ،،،،،،،،،،،،مش فاهم ايه اللى لفت انتباهك فى الكوباية،،،،،،،،،،،،، ولما رفضت اديهالك حدفتيها فى حجري ،،،،،،،،،،ولانها كانت سخنه شخطت فيكي
قالت بتأثر #اه وبعدين
هز كتفه #عملت واحدة غيرها وغيرت هدومي ...كنت لسه بتعيطى فصلحتك،،،،، فضلت تلفي حولين الكوباية وحطيتى صوباعك فيها،،،،،،،،،، فلما زهقت قلت هشربك حبه هتتلاقي طعمها وحش هتبعدى عن دماغي ،،،،،.. بس للاسف طعمها عجبك ،،،،،،،،ومن يوميها مشربتش كوباية قهوة كامله فى البيت
#بس انت كنت صغير علشان تشرب قهوة
#انا بشرب قهوة من وانا عندى سبع سنين تقدرى تقولى عليا مدمن قديم
قالت بسخرية
#فتخرج ادمانك فيا ،،،،،،،،وماما كانت فين لما كنت بتنفيذ خططك الشريرة
ابتسم بحنين
#لما كنت ببقي هناك كانت بتسيبك معايا،،،،،،،، بس لما بسافر كانت بتقلق تسيبك مع سمية لوحدكوا
اشاحت بيدها وقالت بحنق
#دا على اساس انها كانت بتسبني مع راجل مش كدا
وقف امامها وقال بعصبية
#انت شايفة غير كدا
تنحنحت بحرج وقالت
#اكيد مش دلوقتي ....وقتها انت كمان كنت صغير
ابتسم بحنين
#عمرها ما عملتني كدا
#آه بس دا ميمنعش انك كنت شرير كبير ...
قالت جملتها وانطلقت ركضا وهى تسمع ضحكاته
لحق بها فى ثواني ....ارتاحت على العشب تلتقط انفاسها اللاهثة-جلس امامها
#جسمك رياضي بس نفسك ضعيف
اعتدلت امامة وقالت بغيض
#انا نفسي مش ضعيف.......... بيتكوا هو اللى كبير ...دا لولا اتلقيت اليزين فى الممر .........مكنتش عرفت انزل عارفة ان شكري بيحب الاماكن الواسعة،،،،،،،،،،،،، انتين اشحطة سنجل قاعدين فى مغارة ليه
ابتسم بحنين #كان دايما بيقولى بكرة لما تتجوز تملهولى عيال
قالت ضاحكة وهي تشير للبيت #هتملي دا كله عيال
هز كتفه #هو كان بيقول كدا
#امممم عرفت خطته كان ناوي يجوزك أربعة
قال بحنق #أربعة مرة واحدة
قالت بابتسامة #اه اربع ارانب نوتي عسل،،،،،،، علشان يعرفوا يملو ا المغارة ارانب صغيرين،،،،،،، قولى بقي بما اني بقيت وليه امرك ،،،،،،،،،عايزهم لون واحد ولامنقطين بس من غير هذار دا كان شيفك هيروا ،،،،،،..مؤمن بقدرتك الخارقة
اتسعت عيناه #انتي قليلة الادب
هبت واقفة وقالت بسرعة
#ميرسي على ذوقك .،،،،.يلا علشان ميعاد فطاري هيتاخر
وقف امامها وقال بغيض
#دا على اساس انك بتهتمي بالحكاية دى قوى صح
#شوف بقي انا اهم حاجة عندي الفطار ،،،، لو اتاخر عن ميعاده مبكلش طول اليوم
#ياسلام امال كنت بتغيري ليه مواعيد اكله
ابتسمت
#عند فيك،،،،،،، وللمعلومة بعد اما يسافر كنت بفطس من الضحك،،،،،،،،، فى وقت الاكل وانا بتخيلك بتطلع نار من ودانك
قال بذهول #طب ليه دا كله
#انت اللى بدات بالرسايل المستفذة يايحيا
ابتسم وقال باستفزاز
#اساسا كان عندنا شغل وكان لازم يأجل سفره....... ومش هيحصل حاجة لما تقضي عيد واحد لوحدك
عقدت ذراعيها
#عندنا مثل بيقول اللى على راسه باطحة
حدق فى وجهها واغمض عيناه لتتسع ابتسامته
#تمام انا اعترفت بس ااااااا
قال بانفعال
#معني كدا انك بتتحكمي فيا من بعيد
احتضنت نفسها وقالت
#حبيبي ياشكري ...كان فنان فى نقل الرسايل
تنهد بقوه #عندك حق طب يلاعلشان نفطر
تحرك بجوارها صعدت الى غرفتها قالت وهو يعبرها
#يحيا مستندلش واستنانى
قال بغيض #بطلى شتيمة
حركت كتفيها #موعدكش
قالت جملتها ودخلت الغرفة
بعد قليل خرجت وجدته ينتظرها فى الممر قال بغيض
#ايه بتخترعي ربع ساعة علشان تخدى حمام
وضعت يدها فى خصرها وقالت بتحد
#لاءمش يخترع البني آدم الطبيعي بياخد حمامة فى ربع ساعة ،،،،،،،،نفسي اعرف بتعملها ازاي دا انت متلحقش تقلع هدومك وتلبسها تانى
تقدم بخطوات واسعة حتي سار في مواجهته ،،، وقال بحنق
#دا سؤال سافل جدا .... ممكن اخدك معايا تشوفيني بعمل ايه
تنحنحت بحرج واتسعت عيناها بلغت ريقها بصعوبة
#احم اااجيي معاك فين
تامل خدودها الحمراء ونظرة الخجل الواضحة بشدة فى عيناها وابتسم
#فكري شوية قبل ما تحركي لسانك الطويل دا ....طريقة بابا فى السفالة دى متنفعش معاكي علشان انت بنت
اشاحت بيدها #كان سؤال عادى على فكرة
حدق فى عيناها #بتسمي سؤالك لراجل بياخد حمامه ازاي سؤال عادى
رفرفت عيناها وعضت على سبابتها
#كان ممكن تعديها يايحيا
ابتسم وهو يتامل حركاتها الطفولية الخلابة
#ماشي هعديها يلابقي علشان نلحق نفطر
قال جملته وامسك ذارعها فتالمت قال بقلق وهو يتفحص ذراعها
#مالك ايدك .....
تامل آثار اصايعة فى ذراعها التى تركت علامات واضحة فقال بانفعال
#مكنتش اقصد
تاملت عيناه البراقة المنفعلة ربتت على خدة
#محصلش حاجة يا يحيا .....المهم انك بقيت كويس
تاملها للحظة وهمس
#عبثا ما انطق سيدتى .....احساسي اكبر من لغتي
ارتجف قلبها بنعومة وهذا الصوت الرخيم يتلاعب بمشاعرها تماما ابتسمت وحاولت الهروب
فهى تشعر بتاثيرة عليها بشده،،،،،
تناولوا الافطارفي صمت ليقطعه هو
#تعالى افرجك على المغارة علشان تعرفيها
سارت بجواره المكان كبير أكثر مما يجب لدرجه انهم استغرقوا ساعه كامله بتلف ارجائه ،،،،،،
#يحيا انا شفت البيت كله امال فين المرسم كنت عايزا اشوف انتاجك
لمعت عيناه وقال بانفعال #ودا يهمك
#لو هيضيقك انسي
#لاابدا بس افتكرتك مبتهتميش ،،،،،،،بكرة اوديكى تشوفية ونقضي النهار هناك
#انت بتحب الشعر زيي بجد شكري قلي وانا مصدقتش
نزلا على الدرج فقال
#انت اللي بتحبي الشعر زيي،،،،،،،،،،، يعني تقدرى تقولي انا اللى حطيته فى دماغك
ازاح لها المقعد فجلست متسائلة
#ازاي يعني
#انا حبيت الشعر من عمي حمدى .،،،،،،،..تقريبا كان معظم كلامه معاها شعر ... وانا بحب اسمع الشعر لما بقراه فحضرتك كنت تلزقي جنبي وتنامى ......بعد كدا بقيتي تزني يحيي اقرالي شعر علشان انام ،،،،،،،بس كان نفسي افهم انت ايه اللى عجبك فى الشعر قوى كدا،،،،،، انت كان عندك خمس سنين يعني اكيد مش فاهمة
قالت بذهول
#غريبة قوى الحكاية دى انا ليه مش فاكرة
#انت كنت صغيرة قوى ... صعب تفتكري .
اسندت رأسها الي يدها وقالت بشرود
#يعني انت اللي حطيت القصة دى فى دماغي ...... صوت يهمس شعرا .....روح منك لله ياشيخ بوظت حياتي
قطب ونظر فى عيناها
#بوظت حياتك ازاي يعني
ابتسمت وقالت بحنق
#انت اية يابني...... كنت بتطلع عقدك فيا ليه بس ..... هو لسه فى حد بيحب الشعر............ يامفتري ....... حرام عليك .... دا اناكنت حاسة ذي ما اكون الوحيدة اللي فضله من زمن انقرض
انفجر ضاحكا
#وانا مالى انت اللي كنت بتزني اساسا علشان اقرالك ..... ومكنتيش تسكتي الاما اقولك .....هقرالك قبل ما ننام
تنحنحت #احم هووووو احنا كنا بنام مع بعض حضرتك
قال بغيض #انت اللى كنت بتنامي فى قوضتي
#اه ودى اللى هى فين بقي
ربت علي يدها
#دي اللى حضرتك احتلتيها بعد اما اتولدتي ،،،،،،،،،،،،،،،،،،دي اصلاكانت قوضتي انا
شرد تفكيرها ....يبدو ان بينهما ذكريات مشتركة هى حقا لاتذكرها ولكنها اثرت على كل شيء فى حياتها تقريبا
قاطعها صوته #ايه وصلتني لفين
ابتسمت
#انا هنا ....حاسة انى معرفكش
قال بجديه #وهو انت تعرفيني .....بينا ذكريات قديمة ... اعرف معظم تفاصيل حياتك اجباري بس مش اكتر من كدا
قالت بغيض #متقولش هو كان بيعمل كدا معاك انت كمان
وضع يده على عنقة
#بطريقة تخنق ..... تقريبا قهوة كل يوم الصبح كانت بتنتهي بخناقة
قالت بابتسامة
#انا بقي اخبار السنه كانت بتوصلني فى أسبوع ...يعني انا عارفة انك بقالك سنتين معتزلتش فى المرسم ...آخر مرة طلعت فيها على اليخت كان من ست شهور ... وآخر علاقة لسيادتك كانت من شهرين فى شقة روما
قاطعها #كفاية هو كان بيرقبني
قالت باسمه #دا انت على نياتك قوى،،،،،، يابني دا كان بيوصلي ادق التفاصيل تحب اقولك الست مارجريت كانت لبسه ايه .....
قال بذهول #للدرجادى
قالت باسمه #انا عندي ملف كامل لكل علاقتك فى آخر ست سنين
فرك جبهته وقال
#طب ليه كده
هزت كتفيها #معرفش ....بس فى آخر زيارة كان زعلان وعلى طول سرحان ،،،،،،،،فلما سالته قلي يحيي بيضيع حياته فى الشغل ،،،،،،،،،اوعي تكوني انه لما بيعمل علاقة بيبقي مبسوط،،،،،،، بالعكس دا بيهرب
لمعت عيناها بالدموع واكملت بحنين
#قلتله اخيرا اقتنعت انك فشلت فى تربيته
والغريبة انه متنرفزش كالعادة،،،،،،،،، فضل حزين وقالي انتوا الاتنين بتضيعوا حياتكوا ،،،،،،،،،،،،،وانتوا الاتنين اغبي من بعض كان حاسس انه هيسبنا
سقطت دموعها وقالت باختناق
#معلش يايحيا معنتش قادرة ...عاوزه ازوره اكلمه
اكتفي بهز راسه طوال الطريق وكلاهما صامت
وقفت امام القبر تقرأ اسمه المكتوب علي شاهده وانهارت كل قدرتها على التماسك ووجدت نفسها تخر على. ركبتيها وتبكي بانهيار
#حقك عليا والله ما كنت اعرف ....سيبتني لوحدي سيبتني للدنيا تخبط فيا من كل جنب ،،،كدا ياشكري هونت عليك ...اتسند على مين دلوقتي ،،،،،اشتكي لمين ،،،،.... قطمت ظهري ياعمري
امسك كتفيها واوقفها فقالت بانهيار
#هيسمحني يايحيا اول مرة يخلف وعده قلي طول عمري هفضل جنبك اتخلي عني ليه ......
ربت على خدها ليمسح دموعها وقال بتأثر
#لما رجع مكنش زعلان منك وعمره مازعل منك
ارتمت على صدره وقالت بانهيار
#انا خايفة قوى يايحيا مرعوبة،،،،،،،،،، شكري كان كل حاجة فى حياتى .....شكري كان اقرب لي من بابا ...سبني لمين .....مين هيخدني فى حضنه ويطبطب عليا
رفع وجهها وقال بانفعال دامع
#متخفيش انا جنبك .... الطريق من غيره مليان وجع لو مشاه واحد فينا لوحدة ،،،،،،،،،بس مع بعض هنعدى صدقيني ياشذا هو دلوقتي مبسوط ،،،،،،،،،،،علشان هو دا اللي كان عاوزه ،،،،،،،،انه يشوفنا مع بعض
مسح دموعها نظرة عيناه الدافئة الحانية شملتها بامان دافيء لاح شبح ابتسامة على شفتيه
#انت عيلة صغيرة بتطبب على قلبي من جوا .....
بريق عيناه فى تلك اللحظة خطفها بداخله وجعل قلبها يخفق بقوة هى عجزت عن نطق اي شيء طوال عمرها وهي تحب العيون الخضراء فى الرجال لكن هذة اول عيون تتغلل بداخلها بهذا الشكل وتطغي على مشاعرها هكذا ............................لدرجة انها ما ان تمددت على الفراش حتى رأتها
