مدرس سأل طلاب: اللي يحس إنه غبي يوگف؟ وگف واحد , گله المدرس: انت حاس إنك غبي؟ گال:لا , بس گلت عيب اخليك واگف وحدك!
.
واحد گال لأبو المطعم: عندك أجنحه؟ گله : إي .. گله لعد أريدك تروح طاير وتجيبلي نفر كباب !!
.
الزوجة فزت من النوم طاكه بجي .سألها زوجها شنو السبب ؟ گالتله: شفت بالحلم شاب يخبل أخذني منك! گلها: لا تبجين حبيبتي هو مجرد حلم!.. گلتله:هو اني هذا اللي قاهرني ..!!
.
اكو واحد محشش راح لمحل غذائيه گله: عندك سكر؟ ابو المحل جاوبه اي, فكله: الله يشافيك.!!
.
محشش دائما يشعل جكارتين ويشربهم سوه..گله صديقه ليش؟ گله عني وعن اخوية الي بالسجن....وبعدين صار يشعل بس جكارة وحدة گله صديقه:مبروك طلع اخوك؟ گله: لا اني بطلت تدخين..!!
.
مدرس سأل طالب: لك ليش متأخر؟ جاوبه: أستاذ مو ابويه جان ديضرب اخويه بحذائي....!!!
.
غبي كال لابوه : بابا خل نروح لحديقة الحيوانات ابوه كالله : لاتستعجل ابني فد كم يوم همه يجون ياخذونه ..!!
.
واحد ديكول لصاحبه : شصار بالعركة بينك ويبن مرتك البارحة؟؟ رد : هه اصلا جتي يمي و ركعت كدامى !! قال له : صدك زين شكالتلك ؟ قال له : كالتلي : اطلع من جوه الجرباية يا جبان..!
.
اثنين محششين مساجين خططوا يقتلون الحارس ويهربون , راحوا شافو الحارس ماموجود رجعوا گالوا: خربت الخطة ..!!
.
واحد كال لابوه بابا اريد اكمل دراستي برة! گله الاب اي گل لامك تفرشلك بالحديقة ..!!
.
واحد لوتي سألوه: امك حية؟؟ گال لا عگربة , گالوله: لأ.. يعني هيه عايشة؟؟ گال: لا خديجة گالوله: قصدنا عدلة؟؟ گال: لعد قابل عوجة..!!
.
اكو واحد اتصل على مفسر احلام گاله :انا حلمت اني حصلت على وظيفة, جاوله المفسر لو اكو وظائف ما جان كعدت افسر احلام ..!!
.
اكو واحد گاعد ويا صاحبه بالمقهى , فالصاحب شاف انه صديقه مهموم و متضايق گاله :شبيك؟؟ گال:اني تعاركت ويا مرتي و عصبت علي و گالتلي بعد متحجي ويايه مدة شهر, فگاله صاحبه:زين و انت متضايق لهذا السبب؟ گال:لا بس الشهر راح يخلص..!!
.
محشش هو وابنه ماشايفين مصعد بحياتهم , شافوا عجوز دخلت بالمصعد وداست دكمة طلع المصعد ونزل انفتح الباب نزلت منه شابة حلوة صفنوا …المحشش گال لابنه استعجل روح جيب امك قبل ليخرب ..!!
.
اكو راعي عنده 60 طلي كال خلي اصلي حتى الله يبارك بيهن,كام صلى ركعتين من كمل ماتن 25 طلي كال هذا اختبار من رب العالمين,صلى بعد ركعتين ماتن بعد 25 كال الله خير الرازقين,صلى بعد ركعتين ماتن 9 طليان المهم بقه طلي واحد ومريض روحه طالعه,فكعد الراعي جوه الشجرة وضايج اجاه الطلي كله مااااااااااع……؟باوعله الراعي وكله توخر من يمي لا هسه اركعك بركعتين اسلكك سلك..!!
.
واحد جاب جلب للبيت , عض زوجته وماتت , اجو اهواي زلم عالفاتحة يعزون , صديقه گاله: لعد اشكد عرف عدكم هالكد جايين زلم يعزوكم؟! گال: هذولة مجايين ايعزون , هذولة جايين شراية عالجلب ..!!
===============
أنت تقرأ
نكت عراقية مع ألغاز و قصص°•
Humorنكت للتسلية كتابياً و احتمال اضافة بعض الصور💕☄ كما هناك بعض الاسئلة الحزازير ☻🖤 طبعا ادخل على الاجزاء عشان تشوف مين القصص مين الاسئلة مين النكت و كمان اضافة بعض القصص باللغة العامية اي بدون لهجة معينة🖤💥
