اتصل الزوج بزوجته من قسم الطوارئ وهو يتألم بشدة ,گالها :صار وياية حادث وسميرة ودتني للمستشفى, والاطباء گلولي عندي خلع بالورك وكسر بالراس واصابات عديدة في الوجه واحتمال يضطرون يقطعون رجلي اليسرة! فجاوبته زوجته: المهم!! منو هاي سميرة؟؟!!
.
بخيل عنده صديقته بخيلة, اتفقو اذا اجاها يصوفر الها حتى تنزله ويطلعون سويه, وره فترة گلتله ماكو داعي تصوفر! بعد الجيران عرفو وما اكدر اطلع گدامهم وياك, بس اذا تجي مرة ثانية اشمر درهم على البالكونة واني اسمع الصوت وانزلك, اجه البخيل شمر الدرهم, ساعة ساعتين ثلاثة وماكو صديقته!, فصاح عليها ليش ما نزلتي؟؟ ,گالته گاعده ادور على الدرهم! ,فگاللها نزلي بسرعة الدرهم عندي جنت رابطه بخيط !!!
.
وحده تگول ناقشت زوجي بفد بموضوع على الفيسبوك وهو ما يعرفني, گلي احترم رأيچ يا راقية كلچ ذوووق! مع اني ناقشت نفس الموضوع وياه بالبيت وگلي اكلي خره ونامي!!
.
واحد يكول البارحة تعرضت لمحاولة اغتيال! جنت امشي بالليل بالشارع وظلمة الدنيا واجت سيارة تمشي بطئ كام يعلگ اللايت ويطفيه والسيارة ورايه, رجليه ماتن بعد ماشلني من الخوف, اشو واحد طلع مسدس من الجام! اني انبطحت على الرصيف تقربت السيارة مني طلع الافندي ديعلم زوجته على السياقة على السياقة وابنه شايل مسدس ابو الصجم! نزل گالي شبيك اخي نايم على الرصيف گتله لا هسه رجعت من السفر وجاي اشتم تراب الوطن..!!
.
طالب اجاه سؤال بأمتحان الاسلامية, شنو نگول بعد الانتهاء من اكل الطعام؟ گال :صبولنا الچاي!!
.
واحد گال لزوجته اوصفيلي ثقتج بيه؟؟ گالت ثقتي بيك مثل قوري الچاي ماطولني مگابلته ما يفور! بس ادير وجهي عنه يحترك..!!
.
وحدة تگول لزوجها علمني السياقة! گلها انتي ملكة والملكة متسوق سيارة! ردت عليه والملكة متغسل مواعين ولا تطبيخ ولا تنظف ولا تربي .!!!.. گالها اشاقة وياج بس خليه على ال D ودوسي بانزين..!!
.
واحد طلگ زوجته, بعد اسبوع مات ابوها وطلع ورثها 50 مليون دينار !! , اتصل عليها وگلها مريم اني حامل..!!
.
القاضي: ليش كتلت زوجتك بعد 30 سنة زواج؟ فجاوبه المتهم : والله يا حضرة القاضي كسل, كل يوم جنت اگول باجر!!!
.
اكو فد واحد خطب بنية .. وره مخلصت الخطوبة وهالسوالف والذهب ومدري شنو .. اجت اختها گالته : همزين راح تاخذها ونخلص من ضحككم وسوالفكم يومية للصبح!!! المسكين بقى صافن خطية لانه ينام يومية بال 9 بالليل!!!
.
واحد سأل عراقي :هل صحيح انتو كل ما تحجون لازم تسبون وتفشرون؟؟ گاله العراقي : هذا يا كلب ابن كلب يطلع هاي الاشاعات؟ وانت مو كلشي تسمعه وتصدكه ابن النعال ...!!
.
الزوجة: شايف هذا الشخص الي ديرگص؟ الزوج :اي شايفه. الزوجة :من 5 سنين تقدملي ورفضته .. الزوج : ايباااه مبين عليه لحد الان ديحتفل ..!!
==========
أنت تقرأ
نكت عراقية مع ألغاز و قصص°•
Humorنكت للتسلية كتابياً و احتمال اضافة بعض الصور💕☄ كما هناك بعض الاسئلة الحزازير ☻🖤 طبعا ادخل على الاجزاء عشان تشوف مين القصص مين الاسئلة مين النكت و كمان اضافة بعض القصص باللغة العامية اي بدون لهجة معينة🖤💥
