حرامي دخل بيت اثنين محششين يريد يبوكهم رفع عليهم المسدس و كالهم : اللي يتحرك أي حركة اكتله! خمط العينتين الحرامي البيت كله وطلع , المحشش كام يضحك ساله صاحبه شبيك تضحك؟ كال : جنت دا احرك اصبعي و ما شافني ..!!
.
محشش اول مرة يصعد تكسي طول الطريق يتفرج على السايق شنو يسوي , نزل سايق التكسي يعبّي بانزين وبس رجع لكه الگير ماكو! فـسال المحشش : ولك شسويت بالگير ؟! رد عليه المحشش : مو شفتك طول الطريق وانت تحاول تشلعه فـكلت أساعدك والحمد لله اني شلعته ..!!
.
شرطي مرور عنده ولد ثنين جابو شهايد المدرسه , إثنينهم راسبين! الشرطي فتح شهادة ابنه الجبير شافه راسب موته من الكتل وشاف شهادة ابنه الزغير كله ميخالف السنه الجاية شد حيلك وعوضها .. الأخ الأكبر سال اخوه كله اشو اني موتني من الكتل وأنت لا ليش ؟ الأخ الزغير كله : مو آني خليت 5 الاف دينار بنص الشهادة ..!!
.
مرة سايق تريلة لوتي محمل طليان بالتريلة .. وكفه ضابط شرطة خبيث .. كله : ماخذ اخوانك و رايح وين ؟ كله السايق : رايح اقدملهم على كلية الشرطة ..!!
.
واحد عنده مشكله بلسانه مايكدر يكول لحم يكول(نحم) كلما يروح للمطعم يستحي يكول نحم يكول جيبولي بيض...فضاج كال لازم اروح للدكتور اشوف حل ..راح للدكتور وگاله بالقصة ..الدكتور بعد دراسات طويلة وبحوث توصل الى انه لازم 99 مره يكول نحم وبالمرة ال100 يكدر يكول لحم...راح للمطعم وضل يحسب نحم نحم الى ان وصل ل99 صاح على الكابتن وكاله اخويه جيبلي لحم..الكابتن كاله عفوا اخويه ماسمعتك شنو ردت.؟ جان يكوله نعله شرفك جيبلي بيض..!!
.
واحد سكران شاف وحده قبيحة بالشارع كام يصيح عليها : عوبة .. عوبة ..عوبة كلتله : امشي لك سكران , جاوبها: اني باجر اصحى بس انتي شلون؟..!!
.
غبي إتزوج وحدة رومانسية فكالتله : إنطيني كلمة تحسسني بالدفء..كاللها: قمصلـة..!!
.
مرة وحدة عجوزة متهمة فى جريمة قتل! كالت : والله اني بريئة صدكوني ؟ رد عليها القاضي: بس مواصفات القاتلة كلها تنطبق عليج، بنت جميلة رشيقة وجذابة! العجوزة استحت او نزلت راسها وكالت : والله مجنت ناوية اقتله ..!!
.
وحدة دتكول لزوجها : حلمت اشتريتلي سيارة ودتعلمني سياقة ,گلها : كملي نومج بلكي تسوين حادث واخلص منج ..!!
.
اكو فد يوم واحد عندة برازيلي بموديلها كلساع ايفوت من يم القصر الجمهوري بسرعته ويطلع راسه من الجامه ويصيح على الحرس عدكم مثلهاااا مرتين ثلاثة ..اخر شي الحرس طگت روحم گلوله اي ليش؟! گلهم البريك وين ؟؟..!!
.
حجية اجت من مكة وبالتفتيش : الكمارك مسكوا عدها كونية نعالات ام الاصبع!!!! كالولها حجية شنو هاي هلكد جايبه نعالات؟؟؟ كالت: يمه صوغه .. لعد بيش نسد حلوگ الناس..!!
.
اكو واحد عنده طلي مربيه وتعبان عليه من جان صغير , وفد يوم احتاج فلوس فقرر يبيعه فأخذه وراح لساحة بيع الاغنام , فالطلي طلع روحه لمن وصله للساحة ومن وصله قرر يرتاح ويشرب جكارة . فجوي جماعة يردون يشتروه فكلوله : حجي هذا الطلي للبيع؟ فكلهم : لا , جاي انزله نغمات لعد المن جايبه ..!!
.
محشش يحجي ويا مرته حاضر يا حياتي حاضر يا عمري حاضر يا قلبي حاضر يا روحي . كَاله اخوه : أول مرة اشوفك تحجي ويا مرتك هيج ومن شوكت تحجي وياها بالطريقة هاي , رد عليه المحشش :لك اسكت صارلي اسبوعين ناسي اسمها ..!!
.
مرة 2 حشاشة كاعدين اجاهم واحد سائح متيه كاللهم : ديو سبيك انكلش؟ كالو: لا , كالهم : فرنج_اتاليانو_سبانيول؟ كالو : لا , وره مراح واحد كال طاح حظنة ولا لغة نعرف! رد عليه الثاني كال : ديله يعرف اربع لغات شفادته؟!!
================
أنت تقرأ
نكت عراقية مع ألغاز و قصص°•
Humorنكت للتسلية كتابياً و احتمال اضافة بعض الصور💕☄ كما هناك بعض الاسئلة الحزازير ☻🖤 طبعا ادخل على الاجزاء عشان تشوف مين القصص مين الاسئلة مين النكت و كمان اضافة بعض القصص باللغة العامية اي بدون لهجة معينة🖤💥
