واحد كاعد على ابو نواس اجاه واحد كله : شبيك كاتل روحك ماكو شي يسوة بهل الدنيا , كله شلون قبل 4 اشهر ابويه مات بطلقة تايهة وعافلي عمارة بالكرادة وقبل 3 اشهر امي انفجرت عليها مفخخة وعافتلي بستان بالدورة وذاك الشهر اخويه كتلته عصابه علمود سيارته وعافلي معرض سيارات بالبياع وهالشهر ... كلشي ماكو ..!!
.
مرة بنية وصلت متأخرة عل دوام .سئلتها المدرسة ليش متأخرة؟؟ كلتلها: ست موجان اكو ولد ديمشي وراية. كلتلها المدرسة: زين هو يمشي وراج انتي ليش تأخرتي؟ كلتلها ست مو جان يمشي على كيفه ..!!
.
شاب يحب بنيه أخذ أمه وياه حته تخطبه , دخلو لبيت اهل العروس شافو 3 بنات كاعدات , الولد سأل أمه كللها : يمه أحزري منو من عدهن اللي احبها حته تخطبيها اليه ؟ جاوبته : يمه هاي اللي كاعدة بالنص , كللها والله صحيح .. بس شلون عرفتي ؟؟ جاوبته : أكيد هيه لأن سبحان الله ماحبيتها ...!!
.
واحد فاز بمليون دينار , راح يكول لمرته فماتت من الفرح ...كال : سبحان الله الخير لما يجي ... يجي كله مرة وحدة ..!!
.
واحد گال لأخوه : عفيه عود أنت جيب النتيجة مالتي ... بس اذا أجيت وشفت أبويه گاعد اذا طالع بدرس گلي محمد يسلم عليك , واذا طالع بدرسين گلي محمدين يسلمون عليك زين ؟ راح أخوه يجيب النتيجة ومن رجع گله :ها بشر ؟؟ گله : يمعود أمة محمد كلها تسلم عليك ..!!
.
جبان سمع صفارة الانذار، شرد.. گالوله: تره ديجربوها ! , گال: واني همينه دا اجرب الشردة ..!!
.
واحد سأل زوجته اذا متت راح تتزوجين ورايه؟ كالتله : ان شاء الله عمرك طويل , بعد ما اصر عليها كالت : طبعا فكاللها : هم راح اطبخين اله الاكلات الفلانية وبدء يعدد وهي تكوله ان شاء الله عمرك طويل الى ان سئل راح اتطبخين اله باميا؟ فكالتله : لا , كالها : ليش؟ كالت لان ميحب البامية ..!!
.
فد واحد راح للدكتور , كله : دكتور اني اريد اعيش لحد مايصير عمري 100 سنة , الدكتور كله : راح اسالك كم سؤال , انت تدخن؟ كله بعمري مشربت ولا جكارة , تسهر عالتلفزيون او النت؟ كله : ماعندي تلفزيون والنت هذا شنو مااعرفه , كله : تحب بنية وتسهر علمودها؟ كله لا احب البنات ولا يحبوني , كله تسهر ويه اصدقائك؟ كله : ماعندي اصدقاء اصلا , تاكل اكل يضر بصحتك؟ لا , كله : والله خبلتني لعد تريد 100 سنة شتصخم بيهن؟..!!
.
عراقي كمشله مصري يريد يبسطه گال المصري: سبني ياوله! كال العراقي: والله لانعل ابوك لابو الخلفك...!
.
اكو واحد اجته قائمة المي 100 الف دينار ,گلهم الظاهر المطرة الاخيرة جانت على حسابي...!
.
اكو مخبل حاط اذنه على الحايط..گاله الدكتور شبيك انت؟؟ گاله المخبل: تعال تعال اسمع. اجه الدكتور وحط اذانه على الحايط وجان يكول للمخبل مااسمع شي!...جان يرد المخبل: اي مو هذا اللي مخبلني..!
.
هندي سأل عربي گله: انتوا هم تحركون الميت مثلنه؟ العربي گله: لا, احنه ندفنه والله يحركه..!
=============
أنت تقرأ
نكت عراقية مع ألغاز و قصص°•
Mizahنكت للتسلية كتابياً و احتمال اضافة بعض الصور💕☄ كما هناك بعض الاسئلة الحزازير ☻🖤 طبعا ادخل على الاجزاء عشان تشوف مين القصص مين الاسئلة مين النكت و كمان اضافة بعض القصص باللغة العامية اي بدون لهجة معينة🖤💥
