نكت للتسلية كتابياً و احتمال اضافة بعض الصور💕☄
كما هناك بعض الاسئلة الحزازير ☻🖤
طبعا ادخل على الاجزاء عشان تشوف مين القصص مين الاسئلة مين النكت و كمان اضافة بعض القصص باللغة العامية اي بدون لهجة معينة🖤💥
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
واحد هو ومرته كاعدين, سألها بشنو تفكرين؟ گلتله دا افكر بالشئ الي انت دتفكر فيه! باوع عليها وگللها تريدين تتزوجين عليه؟..!!
.
واحد متضايق بسبب تاخر الراتب!, فزوجته نزعت خاتم الزواج الذهب وانطته اياه وكلتلته حبيبي بيع هذا الخاتم الى ان يجي الراتب, فگام يبچي يبچي يبچي! فگلتله حبيبي لا تبچي انت مشتريه الي!!, گاللها هذا الخاتم موذهب...!!
.
مدرس سأل طالب محشش سؤال, خلي كلمة "سكر" بجملة مفيدة! گله شربت الشاي في الصباح! فگلله المدرس وين كلمة سكر؟ گله بالشاي..!!
.
واحد جايب وردة ميته هدية لحبيبته فگلتله: تهديني وردة ميته؟! رد عليها : لا مو ميته بس أنحنت من جمالچ! فضحكت وصدگت خطية..!!
.
محشش وهندي وگعو من الطيارة! المحشش مات والهندي ما مات! فسألوا الهندي ليش مات المحشش ؟؟ گللهم : ياخي هذا نفر همار أنا يگول أفتح مظله هو يگول : مافي مطر..!!
.
سألو حكيم ما هو الحب؟ گلهم : هو عبارة عن حرفين ح : حيرة عند اللقاء ب: بكاء عند الفراق! سألو محشش نفس السؤال گال الحب : هو عبارة عن حرفين ح: حمار يچذب! ب: بقرة تصدگ.!
.
واحد يگول لزوجته : شنو رايچ نرجع مثل ايام زمان؟ ابتسمت وگلتله : يعني شلون ياحياتي ؟ گللها : يعني لا أعرفچ ولا تعرفيني !!
.
محشش دخل دائرة حكومية شاف موظف أصلع گله : بلكي تمشيلي هاي المعاملة؟ گله الاصلع : على راسي!! گال المحشش : أخاف اتزحلگني !!
.
سألوا محشش ليش بطاقة الصراف الالي تطلع قبل الفلوس؟ گللهم المحشش لأن الواحد اذا شاف الفلوس ينسه كل شي گدامه !!
.
مره واحد بخيل ياكل فستق, گلتله زوجته انطيني! انطاها فستقاية وحدة! گلتله بس وحدة؟! گللها: كلهن نفس الطعم..!!
.
واحد تأخر على الدوام سأله المدير : ليش تأخرت اليوم ؟گله : حلمت عندي ضيوف وأستحيت أگوم من النوم وأخليهم ..!!
.
محشش غمز لزوجته وگلها: صرفي الجهال من الغرفة! صرخت زوجته: اللي ينام انطيه 10 الاف! نام زوجها أول واحد !!
.
محشش حرك مزهرية وانكسرت اجاه مسؤول المتحف يركض گله : لك شسويت هاي من القرن الثامن عشر!! گله المحشش: خوفتني الله يلعنك عبالي جديدة !!
.
محشش گال لاخوانه عندي لغز شنو الفرق بين الاسبوع والصحراء ؟!! محد جاوب, گال المحشش الاسبوع بيه أحد والصحراء مابيها أحد !!
.
حكمة محشش: إذا شفت الذبان يدور فوگ راسك! أعلم ان تفكيرك زباله !!
.
محشش كاتب اتمنى أن أتعلم لغة الحيوانات,اجته وحدة ردت عليه باستهزاء وگلتله: هو هذا طموحك؟ گللها: نعم حتى اتفاهم مع امثالچ ..!!!
.
شايب گال لابنه: انت ماتستحي على وجهك؟ شوف اولادك ما شاء الله عليهم لحاهم طويلة وميدخنون ويصلون بالمسجد وانت الله لايبلانا حالق لحيتك وتدخن ومتصلي بالمسجد ماتستحي على وجهك؟؟ گله الابن: هذولة اولادي اني اللي مربيهم بس اني منو الي مربيني؟؟
.
وحدة سمعت زوجها يريد يتزوج عليها, گامت سلگت 4 بيضات, لونت كل بيضة بلون وحطتهن على العشاء, گاللها زوجها: شو الفرق بينهن؟ ليش كل وحدة بلون؟ گالتله: ضوگهن بعد ما اكلهن شافهن نفس الطعم. .. !!! گالتله: شفت النساء كلهن نفس الشي بس يختلف لونهن.. گاللها عندج حق، بس تدرين شنو اكتشفت ؟؟ گالتله: شنو اكتشفت؟ گال الها: اكتشفت إن الواحد ما يشبع الا اذا اكل "أربع بيضات"..!!
.
واحد گال لزوجته: أريد اسمع كلمة حلوة منچ! گلتله:بقلاوة! گلها اريد كلمة تهزني..گلتله: مرجوحة ..!!
