وحدة گالت لزوجها: گلي كلمة اتحسسني بالأمان! گالها:الحرس الوطني ..!!
.
واحد يگول لصديقه: تدري عندي احسن ابن بالدنيا؟ صديقه سأله: يدخن؟ گله: لا. گله يشرب؟ گله: لا. يرجع متأخر بالليل؟ گله لا.. صديقه گله فعلا ابنك احسن ابن بالدنيا! شگد عمره؟ گله الاسبوع الجاي يصير عمره 6 شهور..!!
.
واحد محشش نزل للمدينة باوع على عمود الكهرباء جان يلگه مكتوب عليه للايجار.. فگام يدك على العمود محد رد عليه.. اجه واحد مشه من يمه فالمحشش سأله شنو ماكو احد هنا؟ فجاوبه والله ما ادري بس الضوه مشتغل ..!!
.
اثنين محششين ضاجو الناس بس تنصب وتقلد عليهم فگالو خلي نسافر للهند, اول ما نزلو من الطائرة گامو الهنود ينحنون الهم يحييوهم فواحد منهم سأل الثاني گله معقولة هنا يحترمونا لهاي الدرجة؟ .. گله لا مو هنا يعبدون البقر ..!!
.
طفل خبيث رجع للبيت متأخر, سأله ابوه وين چنت كل هذا الوقت؟ گله واحد وگعت منه 25 الف. الاب اكيد جنت دور وياه؟ الطفل : لا لا چنت دايس عليها ..!!
.
اكو واحد محشش بنه بيت خله بي 3 مسابح اجه صديقه خطار كله هاي شدعوه 3 مسابح گاله المحشش شبيك واحد للمي البارد و واحد للمي الحار, جان ايباوع صديقه شاف واحد فارغ كاله وهذا ليش فارغ؟ كاله هذا اخاف واحد ما يريد يسبح..!!
.
سألو نجار شنو احلى فلم تحب تشوفه! رد عليهم: المفك المفترس..!!
.
الجذّاب كال: تصدك إنّي من رحت لإفريقيا جنت نازل بفندق بنص الغابة، فتحت الشبّاك مرّة لكيت المنظر يخبّل كلت لمرتي لبسي خل نطلع نتمشّى بالغابة لبست ب5 دقايق ونزلنا واحنا نتمشّى طلعلنا نمر يريد ياكلنا، ركضتله ودفرته برجلي موتته بمكانه، وبعد ثواني طلعولنا 5 نمور من أصدقائه يريدون ينتقمون منّا بوكس منّي بوكس منا انتهوا، المحشّش: خرب ببليسك! الجذّاب كله: شبيك؟ المحشّش كال: انهجم بيتك شكد جذاب .. يعني تريد تقنعني مرتك لبست ب 5 دقايق..!!
.
واحد ديتقدم لوحدة. گال أبوها: هاي مناسبة الواحد ياكل بيها علچ؟.. گال: لازم عمي بعد الجكارة.. گال أبوها: تدخن؟ گال: عالخفيف عمي ويا المشروب. گال أبوها: وهمين تشرب؟.. گال: لمن ألعب قمار بس.. گال أبوها: من شوكت؟.. گال: من لمن طلعت من السجن.. گال أبوها: ودخلت السجن همين؟ ليش؟.. گال: قتلت واحد لأني طلبت إيد بنته وما قبل!.. گال أبوها: على بركة الله نقرأ الفاتحة..!!
.
قال.هل تقبلين الزواج بي؟ قالت.لكني لااعرف اطبخ ولااغسل ولااكوي. قال.اريدك زوجتي وليس خادمتي .. بس لا صدكتو؟!
.
البنت : الو ممكن نتعرف؟ الولد : الو منو وياي؟ البنت: اني اميرة ابحجابي! الولد: اني علوش ابنطروني ..!!!
.
واحد حشاش يسولف لجماعته ويگولهم أني اذا رحت للحج لازم اتلثم من أرمي الجمرات!. سألوه ليش؟ گلهم لانه اكيد اذا شافني الشيطان راح يگلي توقعتها من الكل وماتوقعتها منك ضلع ..!!
.
فد وحدة اول يوم زواجها اجه زوجها گعد بصفها, الزوجة:تفي, الزوج هاي شنو ؟ هاي لازم شمت ريحة مو زينة.. (راح غسل وجه واسنانه) ورجع گعد يمها باوعتله الزوجة :تفي. كال اخاف ملابسي ريحة مو حلوة بيها راح خطية بدل ملابسة خله ريحة ورجع گعد يمها, الزوجة للمرة الثالثة:تفي! , الزوج :متگليلي شبيج؟ريحتي مو حلوة شكلي معاجبج؟ كل دقيقة تفي وتفي شبيج؟ الزوجة :گالتله لا بس تفي الضوه..!!
.
معلمة فنية طلبت من الطلاب ان يرسمون مزرعة و 10 خرفان بدأوا بالرسم واحد من الطلاب صاح خلصت ست! شافت رسمه گالتله الله شنو هالرسم الحلو! الطالب تحمس ومسح الخرفان! گالتله ليش مسحتهن؟ گللها ذبحناهم لعيونچ ..!!
.
فد يوم واحد دخل للغرفه لگى اخوه الزغير مخلي على قناة كربلاء ويصلي جماعة وياهم, المهم صلى وخلص وياهم وضل گاعد, اخوه گله ها ماتگوم؟ مو خلصت! جاوبه اخوه الصغير لا خلي يخف الازدحام ..!!
.
عراقي راکب تکسی بایران یرید یگول للسایق: اوگف خلاص وصلت, ماعرف شیگول بالایرانی! ضرب بیده علی کتف السايق وگله: آغا صدق الله العلی العظیم ..!!
.
اكو واحد شاف مكتوب عالمطعم كبة ام اللحم, دخل نزلوله كبة فتحها ملكه بيها لحم! صاح للعامل گله مو كاتبين كبة ام اللحم؟ گله اي, گله شو مبيها لحم؟! گله العامل هاك هذا علج ابو السهم افتحه شوفه بي سهم؟ گله لا.گله خلص..!!
.
صيني يريدون يعذبونه فتحوا عيونه..!!
.
اكو طالب عنده امتحان عربي, گله المعلم اكتب انشاء عن الفارس الشجاع! الطالب كتب في بداية اول سطر
(ركب الفارس الحصان
................
................
................
نزل الفارس من الحصان)
سأله المعلم گله لعد وين الي بالوسط؟ گله غير خلصها طربگ طربگ طربگ !!
============
أنت تقرأ
نكت عراقية مع ألغاز و قصص°•
Humorنكت للتسلية كتابياً و احتمال اضافة بعض الصور💕☄ كما هناك بعض الاسئلة الحزازير ☻🖤 طبعا ادخل على الاجزاء عشان تشوف مين القصص مين الاسئلة مين النكت و كمان اضافة بعض القصص باللغة العامية اي بدون لهجة معينة🖤💥
