دهب

part 22

نزلت ميرفت من غرفه سلمي لتجد ادم و هشام و نهله يتحدثون لتبتسم ابتسامه خفيفه

ميرفت : خلاص يا هشام انا كلمت سلمي و هي اقتنعت بكلامي

ليتنهد هشام : طب الحمد لله و ينظر لادم
ها يا ادم و بعدين

ادم : يعني كنت بقول لحضرتك انه احنا نحضر لكل الحاجه عشان لما دهب ننزل نجوز علطول

نهله : بس يا ادم اكيد مش هتجوزو اول يوم تيجي فيه من السفر مينفعش يا بني

ادم بنفي : لا متقلقيش حضرتك مش هيبقا اول يوم كدا اكيد يعني مثلا هيبقا بعد اسبوع من رجوعها

نهله : خلاص تمام كدا مفيش مشكله

ادم : بس انا مش عاوز دهب تعرف اي حاجه عن الموضوع خالص عاوز اعملها مفاجاءه و لنا متاكد انها هتفرح

هشام : علي خير الله يا بني

ميرفت بابتسامه صفرا : ربنا يتمملك علي خير يارب يا بني

ادم : يارب يا امي يارب
........................................................
كانت دهب بغرفتها مع رنا تقص عليها ما قاله لها ادم

رنا بفرحه : يعني بجد قالك هيتقدملك اول متنزلي

دهب بتنهيده : ايوه يا ستي

رنا : و مالك بتقوليها كدا ليه انتي مش فرحانه و لا ايه

دهب : مش حكايه فرحانه او مش فرحانه بس حاسه انه في حاجه هتحصل هتبوظلنا كل حاجه

رنا : يا شيخه فال الله و لا فالك ان شاء الله خير و الموضوع يتم و بكره تقولي رنا قالت

دهب : يارب يا رنا يارب
لتنظر لها دهب

دهب : و انتي بقا ايه حكايتك مع عمر

رنا بتلعثم : حكايه ! حكايه ايه

دهب : يا بت عليا الكلام ده ده انا بشوف بعيني النظرات و الهمسات و اللمسات

رنا بخضه : لمسات ايه يخربيتك هتوديني في داهيه

دهب : ههههه يا بنتي بهزر معاكي ايه بلاش اهزر

رنا و هي تضربها بالمخده : لا يا دهب هزري بس مش كدا يا شيخه لو حد سمعك سمعتي تبوظ

دهب : سمعتك مره واحده هههههه ماشي يا ستي احنا اسفين المهم

لتنظر لها رنا باستغراب
رنا : المهم ؟

دهب : ايوه انتي و استاذ عمر مش ناويين تتلحلحو شويه

رنا : نتلحلح ازاي يعني

دهب : ايوه يعني هو بيحبك و انتي بتحبيه ليه بقا
لتقاطعها رنا انتي قولتي ايه

دهب : انتي بتحبيه و هو

رنا : ايوووه هو ايه بقا قولي تاني كدا