#خطايا_مجتمع 1 ( حقيقـة )
🍂الحـلقـه الأولـى مع مقدمـه 🍂
🍂 روايـات كـارمـن 🍂
———————————-
وجد :- نشبح في الدار كلهـاااا نارر ... تتآكل قدام عيوني .. كل نقرب يخنقني الدخان .. معاش عرفت نتصرف ... أيديا تربطـو يانااااس .. .. ساعدونااااا 😭💔💔 يانااااس ..... ولانهم متعودين على عياطنا مافيش حد .....
........
قبل ساعه :-
الحوش هادي ومسكت .. لين جي هو ودار نفس كل ليله ...
نبيل :- شاد وجـد من شعرهااا ....
وجد :- نحس في شعرييي بيتقطع من مكانه ... مادرت شئ الا نعيط 💔 ...
ناهد :- واقفه وتحاول تبعد وجد عليه .... قعدت تعيط وووووووه ووووه وووووه 💔 ..... حول حول ....
نبيـل :- معاااش تدخلـييي فيهااا ، خلينـي نقتلهاااا الكلبههه هادي 🔥 .. ومع مقاومة ناهد ووجد ليه اخيرا ... طلقها وخبـط الدفاااايـه بكل قوووته ...
ناهـد :-وووووه ووووووه وووووه 😱😱 .....
نبيل :- طلع وقربع الباب ومشـي ولا كأنه شن مدايـر ....
وجد :- كانت كل مره نفس الدسكه يروح نبيل بيضربنـي .. تدافع عنـي .. وتقعد تعيط بأعلـى صوتها بدون سبب ... مسحت دموعي وبعدها قلت ...عمتي أني بخش لداري توه باهي 💔 .... بنغسل وبنرقد ...
ناهد :- قالتلها باهي ودارت بايدها على فمها ولوحتلها بوسة من كثر ما تحبها 💗 ....
وجد :- ضحكت ودارتلها نفس الشئ ✨ ومشت ... سكرت الدار وخشت تغسل ✨ ......
..........
.......... ( روايـات كارمـن 🎶💛 )..........
وجد :- بنت مواليد 98 ، متجوزه وعايشه مع راجلها نبيل وأمه ناهد ...
تزوجت بظلم وكذب نبيل على أهلها بيش ياخذها لانها كانت في جامعتها مش معبراته وبغدر صحباتها قدر ياخذها 💔 .... ولما خداها حرمـو عليها الجيان لحوشهم ونبيل قطعها عن العالم بره وحبسها هي وناهد في الحوش 💔 .....
مواصفات وجد كانت ... طولها متوسط لكن تميل للقصر اكثر ، ماكنتش سمينه ، شعرها طويل لتحت فخادها ولونه قهوي فاتح عيونها بين الاخضر والأزرق ، فمها وخشمها متوسطات ، وبشرتها بين بيضه مايله للسموريه شوي ✨ ...... كانت حلوه بس مش فائقه الجمال 💗 ...
ناهد :- مراءة طيبه لكن كانت مخرفه شوي بسبب كبر عمرها ، وعندها لقطات غريبه شوي .. زي لما تمل من شئ تقعد تعيط وتصرخ بقوتها .. يجوها الجيران مره تنين تلاته اربعه عشره لين خلاص تعودو على النمط هذا ... وتحب كنتها وجد لدرجة تخطم بحداها تحدفلها بوسات ✨ .....
نبيل :- واحد حقير نذل كداب ، متوحش ومريض نفسسييي درجة أولى ... عنده عادي يدمر حياة حد بيش يفرح مش مشكلة ... يكذب ويفتري على الناس عادي ولا كااانه .... يضرب مرته بدون سبب ويعتدي عليها بيش يأخذ الي يبيه 🔥 ..... وصلت بيه حقارته يدف امه يسبها وكل شئ عادي ... كان ممشيهم على كيفه ... كان شيطان عايش بينهم 🔥 ..... هذا كله لانه يعاني من مرض نفسـي ، نوع المرض هذا انه شخصيته ضعيفه بحدا الرجـال التانين وديما مستقوي على البنات ، حتى يعرض في روحه بطل بحدا الرجالي عن طريق البنات ، اهو فلانه تجري وراي واني مش معبرها ، والجو هذا متع الشعور بالنقص ....
————————
......... ( روايـات كارمـن 🎶💛 )..........
وجد :- طلعت من الدار لبسـت توتـه وساويت شعري ... نشـم في ريحـة شيـاااط ...في بالي حي شكلي ناسيه حاجه ...
مشيت للمطبخ .... نشبح في كل شئ دخاان 🔥 ... بصعوبة خشيت ... احمم احممم ... الغاز كان مسكر وماعليـه شئ ... واضح انه كان من حاجه تانيـه ..... قعدت نشم في الريحة وكانها من دار عمتي ...
قربت منها و نشبح في الدار كلهـاااا نارر 😱 ... تتآكل قدام عيوني .. كل مانقرب يخنقني الدخان 💔 .. معاش عرفت نتصرف ... أيديا تربطـو يانااااس .. .. ساعدونااااا 😭💔💔 يانااااس ..... ولانهم متعودين على عياطنا مافيش حد .... لين ..... يتبـع >>>.......
————————-
روايتي الجديدة .....روايات كارمن 💗
قصيره صح ؟ لكن بنشبحكم قبل شن نكمل ؟...
أنت تقرأ
خطايا مجتمع 🔥 ( مكتمله)
Actionقصة حقيقه من واقع ليبي تجسد افكار يخلقها المجتمع ، وتنزرع في أفراده لدرجة تسبب اخطاء كبيره وتدمير حياة أشخاص .. تحكي على انعكاس الحياة بدور كبير ، بمعنى انه مش كل افكار الي يحطها المجتمع لازم من الكل يمشي عليها 💗 ..... رواية بعنوان خطايا مجتمع �...
