#خطايا_مجتمع 2 ( حقيقـة )
🍂الحـلقـه الثـانيـه 🍂
🍂 روايـات كـارمـن 🍂
———————————
وجد :- طلعت من الدار لبسـت توتـه وساويت شعري ... نشـم في ريحـة شيـاااط ...في بالي حي شكلي ناسيه حاجه ...
مشيت للمطبخ .... نشبح في كل شئ دخاان 🔥 ... بصعوبة خشيت ... احمم احممم ... الغاز كان مسكر وماعليـه شئ ... واضح انه كان من حاجه تانيـه ..... قعدت نشم في الريحة وكانها من دار عمتي ...
قربت منها و نشبح في الدار كلهـاااا نارر 😱 ... تتآكل قدام عيوني .. كل مانقرب يخنقني الدخان 💔 .. معاش عرفت نتصرف ... أيديا تربطـو يانااااس .. .. ساعدونااااا 😭💔💔 يانااااس ..... ولانهم متعودين على عياطنا مافيش حد جي ....
لين طلعت بره .... وبصوت عالي ساعدوناااااا 😭 ...
طلعـو الجيران كلهم والتمو على وجد .....
مايعرفوش شئ ومايسمعوش فيها الا تقول .. في مراااة دااخل ساعدوهاااا 💔😭 ....
مشـو يجرو شباب العماره .....
حاولو يخشو للشقة كاااانت كلهااا دخـاان 💔 ... كل ما تقدم كل ما تنخنق 💔 ... مع ذلك الحوش مش مآكول بالنااار ... الدار بس ...
الحريق مزال قاعد قوي ومزال يطلع في دخان 💔 .... لحظات ونزلـو وجت الإسعاف والمطافي ....
للأسف خشت الحوش ... والدخان مزال متواجد اكثر من الأول ... وصلو للدار بعد ما طفـوها ...
بس كلهـااا كـانت رمـااد ... الستااار تحـول لرمـاد والفـرش والبـاب السريـر ... ببساطـه الدار تـأكلت لحـد بابها ..... وللأسف الجثـه كـانت سوووده ومتجمدة في مكانها 💔 .....
وجد :- . نزلت الاسعااف سريـر وفيه مرااة كان اللون الاسود هو الي واضح منها 💔 .... لااااااا عمتـييييي .. مشيت نجـرري معاهم .. المرا الي كانت تهدرز معاي قبل ساعة 💔 .. توه هي قداميييي طايحه ... وبعدهااا أغمى عليااا معاش نشبح الا في سـواد .....
———————————
وجد :- نفتح في عيني بالشوي بالشوي ... مزال الدنيا مضببه قدامي 🥺💔 ... تلفتت يمين الممرضه كانت تضرب في التغذيه وطلعت تقوللهم فقت ✨ ، شوي ولقيت الدكتور ومن الواضح انه الشرطه بره ....
الدكتور :- كيف حاسه بروحك توه ....
وجد :- نتكلم واني فاشله .. م تمام كويسهه ✨ ...
الدكتور :- ارتاحي توه وبعد شويه حتخش الشرطه يشوفو شن يبو منك ✨ ....
وجد :- هزيت براسي وهو طلع ✨ ....
مر شوية وقت ووضع وجد تحسن ... وهي قاعده حايره تفكر كيف بتتصرف مع نبيل بدون عمتها 💔 ....
وجد :- دموعها ينزلو 🥺 ..خايفه منه 💔 هو وعمتي حيه دار هكي ، يبال توه ... قاطع تفكيرها دخول الشرطه ... قعـدو يسـألو فيها عن الي صار ... وكلام هلبا
الغريب انه المركز عندنا مايستفسرش منك على حادثه ولا قضيه الا لما حد يبلغ فيك ، يعني وجد في حد مقايل عليها ....
أنت تقرأ
خطايا مجتمع 🔥 ( مكتمله)
Actionقصة حقيقه من واقع ليبي تجسد افكار يخلقها المجتمع ، وتنزرع في أفراده لدرجة تسبب اخطاء كبيره وتدمير حياة أشخاص .. تحكي على انعكاس الحياة بدور كبير ، بمعنى انه مش كل افكار الي يحطها المجتمع لازم من الكل يمشي عليها 💗 ..... رواية بعنوان خطايا مجتمع �...
