ماريا

الفصل التاسع

وقفنا البارت اللي فات لما ماريا حست بأيد حد عليها
ماريا:م..ميين بسم الله بسم الله
الشخص:ايه يابنتي في ايه انت رعبتيني
ماريا:ايه ده هاشم  مش معقول بتعمل ايه هنا انت كنت هتموتني من الخضه حد يطلع لحد من الضلمه كده
هاشم ابن عم ماريا وهو ابنه الكبير عنده ٣٣سنه
هاشم:انت بتعملي ايه في الشارع دلوقتي
ماريا:راجعه من الشغل
هاشم :نعم راجعه دلوقتي ليه بتشتغلي ايه
ماريا:بشتغل في سوبر ماركت
هاشم:طب اطلعي اطلعي وهنشوف الموضوع ده  الواحد شكله هيتعب معاكي اووي
ماريا:انت طالع معايا
هاشم:اه خبطي ولا هتفضلي مصدومه كده كتير
ماريا: اكيد طبعا
سميه:مين
ماريا:انا يا ماما
سميه:اخيرا جيتي تعالي ياهاشم يابني اتفضل
ماريا:هو في ايه ياماما
سميه:ادخلي سلمي علي عمك محمد
ماريا:حاضر السلام عليكم ياعمو عامل ايه
محمد:بخير الحمدلله يابنتي  انت اخبارك ايه
ماريا:انا كويسه الحمدلله
محمد:ايه يابنت اخويا كل  في بنت محترمه تقعد كل ده في الشارع 
ماريا:انا كنت في الشغل ياعمو مش بتفسح
محمد : ماشي يابنتي خشي نامي وبكره نتكلم انا عايز اكلمك في موضوع مهم
ماريا:ماشي ياعمو عن اذنكم
ماريا:جوري هو في ايه بيحصل بره و ايه اللي جاب عمك
جوري:ولا اعرف اي حاجه ولا فاهمه في ايه حتي بكره هنفهم يا لا روحي نامي
ماريا:هنا هينامو فين
جوري:سمعت عمك بيقول هينام في الصاله هو وابنه
ماريا:تمام انا داخله لماما لازم افهم في ايه
ماريا دخلت غرفه ما ممتها
ماريا:ماما انا عايزه افهم دلوقتي في ايه بالله عليكي اصحي كلميني انت ملحقتيش تنامي
هاشم:انا مش ماممتك
ماريا:ايه ده انت بتعمل ايه هنا انا اسفه كنت فاكراك ماما
هاشم:طب اسمعيني
ماريا:لالا
ماريا :ايه اللي انا هببته ده هيقول عليا ايه دلوقتي ايه الاحراج ده
سميه:ايه يامارياا نت بتكلمي نفسك يابنتي
ماريا:لا مفيش حاجه انت هتنامي فين
سميه:هنام عندك ممكن
ماريا:ده الاوضه هتنور بقالي كتير  منمتش جنبك يا لا تعالي
سميه:ربنا يخليكي ليا ويسعدك يارب ماريا انا عايزه قولك حاجه
ماريا:خير ياماما
سميه:بصي يابنتي اي حاجه هتحصل الفتره الجايه تعالي علي نفسك ووافقي عشان خاطري
ماريا:انا مش مرتاحه هو ايه اللي هيحصل
سميه:هتعرفي كل حاجه بس اوعديني انك هتوافقي ماريا:علي حسب اللي هيحصل
سميه:عشان خاطري يابنتي
ماريا:حاضر ياامي تصبحي علي خير
سميه:وانت من اهله
تاني يوم الصبح
جوري:ماريا ماما بتقولك اصحي بسرعه يالا
ماريا:اطلعي بره
جوري:ماما هتزععقلك انت حره
ماريا: ملكيش دعوه  يالا بره
جوري:مش عايزه تصحي
هاشم : قوللها لو مصحتيش هاشم هيدخل يصحيكي بنفسه
جوري:حاضر
جوري:ماريا لو مصحتيش ابيه هاشم بيقولك هيدخل يصحيكي بنفسه
ماريا:يالهوي انا صحيت اهو خلاص محدش يجي
جوري:ههههههه قومي ياهبله يالا عشان نفطر
ماريا:ماشي
ماريا:السلام عليكم
محمد :وعليكم السلام يابنت اخويا يالا عشان نفطر ونتكلم
ماريا:حاضر
وبعد الفطار
محمد:يا حجه سميه  سيبوني انا وبنت اخويا لوحدنا
ولما احتجلكم هناديكم
سميه:ماشي يالا ياهاشم انت وجوري نقعد بره
محمد:تعالي قعدي جمبي يابنتي
ماريا:خير ياعمو قلقتني
محمد:مفيش قلق ولا حاجه بصي يابنتي انا عايزه تكلميني بصراحه ماشي
ماريا:ماشي
محمد: انت في حد في حياتك
ماريا:لا
محمد:طب  تحبي لما تجوزي عادي تقعد بعيد عن اهلك
ماريا: عادي بس مش بعيد اوي يعني عشان اجي اطمن علي ماما بسهوله
محمد:بصي ياينتي زمان لما انت اتولدتي  اتولدتي في بلد ابوكي  الشرقيه ولما عرفنا انك بنت انا وابوكي قرأنا فتحتك انت وهاشم وقولنا انكو هتبقبو لبعض وعدي الزمن وابوكي راح يشتغل في القاهره وكل فتره يجلنا وكل اما نشوفكم انت وهاشم بتلعبو ومتفقين مع بعض بنفرح اووي لحد اما ابوكي بطل يجي خالص وانت كبرتي وبقي عندك ١٨سنه في الفتره دي ابوكي كان بدأ يتعب  وكان كل شويه يتصل بيا ويقولي خلي بالك من مراتي والبنات دول ملهمش حد هنا خالص وفجأه جه البلد وقعد معايا وجاب هاشم واتكلم معاه  وكتبنا كتابكم انتو الاثنين ومحدش كان يعرف الموضوع ده غير احنا الثلاثه بس وبعدها بكام يوم ابوكي توفي وفضلت محافظ علي السر ده للوقت المناسب  عشان كده جيت النهارده اعرفك كل حاجه 
ماريا:وايه اللي فكرك بالموضوع ده دلوقتي
محمد:انا يابنتي لو عليا كنت عايز  اخدك بعد موت ابوكي علي طول بس امك صعبت عليا لسه جوزها ميت تروح انا اخد بنتها منها كمان حرام عليا وكمان هاشم كان لسه بيكون نفسه عشان يبقي قد البيت والمسؤليه وعشان انت كمان يابنتي تكوني خلصتي تعليمك 
ماريا:والمطلوب ايه دلوقتي
محمد:انك تيجي معانا البلد عشان نعملك فرح بقي وتعيشي مع جوزك واهله اللي هما اهلك معاكي يومين تجيبي اي حاجه انت عايزاها 
ماريا: ان شاء الله حضرتك خلصت كلامك
محمد:اه يابنتي
ماريا:طب عن اذنك
محمد:اتفضلي يابنتي 
ماريا جريت دخلت اوضتها وهي مصدومه وحاسه انها بتحلم
هاشم:ايه ياحج هي كويسه
محمد:هي سمعتني وكل حاجه بس مصدومه يابني
هاشم:انا هدخلها
سميه :سبها تستوعب الاول
هاشم:لا لازم ادخلها واتكلم معاها عن اذنكم
هاشم:ممكن ادخل
ماريا:ما انت دخلت خلاص خير
هاشم:انت كويسه
ماريا:اه كويسه ينفع تخرج بقي عشان البس
هاشم:رايحه فين
ماريا:مش عارفه واتفضل اخرج بقي
خرج هاشم ومحبش يضغط عليها
سميه:رايحه فين يا بنتي ماريا اصبري طيب  هاشم ياهاشم
جوري:هاشم نزل يا ماما
سميه:راح فين
جوري:مش عارفه  وعمو نزل رايح الجامع
سميه :ربنا يستر يارب يكون لحقها
جوري:هو في ايه انا مش فاهمه حاجه
سميه:بت اخرسي وروحي علي اوضتك
ماريا:فضلت ماشيه في الشارع ومش عارف هي رايحه فين وكل اللي في بالها ان هي فاجأه بقت واحده متجوزه من غير حتي ماحد ياخد رأيها وفضلت ماشيه لحد اما لقت نفسها في شارع ساكت ومش عارف هي فين  شافت كلب بيجري عليها فضلت تعيط جامد ومش عارفه تروح فين فجأه سمعت صوت مش غريب عليها
هاشم: ماريا حاسبي وحدف الكلب بطوبه
ماريا: اول ماشافته جريت عليه واترمت في حضنه انا كنت خايفه اووي كويس انك جيت ده كان هيعضني
هاشم: كان مبسوط جدا ان هي حست بالامان في وجوده  طول ما انا موجود مش عايزك تخافي ابدا
ماريا:او مفاقت لنفسها وشافت الوضع ده اتكسفت جدا  انا اسفه مكنش قصدي اعمل كده
هاشم:انت بتتأسفي ليه انا جوزك وتحضنيني في اي وقت براحتك انا كلي ملكك
ماريا:ها
هاشم: تعالي فوقي من الصدمه دي ونروح ناكل سوا
ماريا:لا شكرا انا عايزه اروح
هاشم:لا هنروح ناكل سوا يالا
ماريا:كانت اول مره تحس انها مبسوطه اووي كده وعندها مشاعر كتير بس اكتر شعور كان مسيطر عليها هو الامان اخيرا حست ان ليها سند
هاشم:ايه روحتي مني فين انا بكلمك
ماريا:هو انت بتحبني
هاشم:يااااه ده موضوع طويل اووي لما نقعد هحكيهولك بصي في مطعم هنا لما كنت بنزل القاهر كنت لازم اكل فيه تعالي نروحه
ماريا:ماشي
هاشم:هو ده المطعم تعالي نقعد هنا اتفضلي ها شوفي هنا واطلبي اللي انت عايزاه
وفجأه حد جه وقف قدامهم ونكمل البارت الجاي بأذن الله وهستني رأيكم في التعليقات 😍