ماريا

الفصل الثاني

ونكمل وفقنا البارت اللي فات لما ماريا كانت مخبيه موضوع عن اهلها وهنعرف مع بعض ايه هو
روحت ماريا البيت وصحيت تاني يوم
ماريا:صباح الخير يماما
سميه:صباح الخير ياقلب ماما
جوري:ايه رضا ده كله ياسوسو
سميه:اتلمي يابت وروحي شوفيلك حاجه مفيده تعمليها
ماريا:ماما كنت عايزه قولك ان عائشه هتيجي عندنا النهارده
سميه:تنور ياحببتي انا كنت عايزه اعرفك ان خطيب اختك هو وامه هيجوا يزرونا النهارده وعايزين يقدمه معاد الفرح وكنت عايزه فلوس اجيب اكل وكده يعني
ماريا:الفلوس علي المكتب انا هنزل دلوقتي عشان هتاخر سلام
سميه:طب متنسيش تجيبي حلويات وانت جايه ماشي
ماريا:ماشي
ونزلت ماريا مش عارفه تروح فين فضلت قاعده في كافتريا لحد معاد المرواح من الشغل واشترت الحلويات وروحت
ماريا:يااهل البيت السلام عليكم
سميه اول ماشافت ماريا ضربتها بالقلم علي وشها
سميه:كنت فين لحد دلوقتي
ماريا:كنت في الشغل
سميه:كدابه عائشه قاعده جوا وبتسأل عليكي عشان مجتيش النهارده
عائشة:براحه عليها ياطنط خليها تاخد نفسها عشان نفهم
ماريا:انا سايبه الشغل في الشركه بقالي اسبوع
سميه:نعم وكنتي بتنزلي كل يوم الصبح تروحي فين
انطقي
ماريا:كنت بنزل ادور علي شغل
سميه :وانت سبتي الشركه ليه
ماريا:عشان البس بتاعي مش عاجبهم
سميه:طب ماعائشه لبسها زيك ومحدش عملها حاجه
ماريا:انا سكرتيره مش موظفه المدير قالي انت واجه للشركه اللبس ده للناس الكبيره لكن انت هديكي فلوس تجيبي ليس حلو كده يبين سنك وقالي لو عايزه تكملي شغل معانا لازم تقلعي الاقرف اللي انت لبساه او تمشي من الشركه وانا مشيت مش معقول هقلع حجابي ياامي
سميه:ومجتيش حكتيلي ليه شايله الهم ده لوحدك ليه يا بنتي
ماريا:ياحببتي مفيش هم ولا حاجه انا فضلت ربنا علي الشغل وفي نفس اليوم لقيت السوبر ماركت طالب موظفين والحمدلله اشتغلت اهو
سميه:ربنا يحفظك يابنتي ويثبتك يارب
ماريا:امين يااحلي ام في الدنيا
سميه:بس متخبيش عليا حاجه تاني ماشي
ماريا:ماشي
عائشه:تعالي بقي ندخل جوا
ماريا:خير
عائشه:انت ازاي تخبي عني حاجه زي كده وانا اللي فكراكي مبتجيش عشان تعبانه وصدقتك وانت كل ده بتكدبي عليا
ماريا:ياحببتي افهمي انا محبتش قولك عشان متسبيش الشغل انت كمان انت محتاجه الفلوس عشان جهازك مينفعش تسيبي الشغل
عائشه:هشتغل معاكي
ماريا:مشهينفع لكذا سبب اولهم ان خطيبك ووالدك هيعترضوا ثانيا المرتب قليل مش هتعرفي تجيبي اللي نفسك فيه كده احسن معلش ولما تعوزيني رني عليا وانا هجيلك ماشي
عائشه:ماشي بس هنتواصل علي طول صح
ماريا:صح يالا بقي قوليلي كنت عايزاني في ايه
عائشه:بصراحه بقي ماما جيبالك عريس وعايز يجي هو واهلو عشان يقعدوا معاكي هما شافوكي قبل كده لما كنت عندنا
ماريا:مين دول
عائشه:عمار ابن عمتي
ماريا:نعم ياختي لا طبعا
عائشه:لا ليه هاتيلي سبب مقنع عشان اصدقك
ماريا:هو كده لا يعني لا
عائشه:لا هيجي وهتقعدي معاه كمان ده باين عليه بيحبك والله
ماريا:طب قفلي علي الموضوع ده بقي عشان ماما بتنادي ومتجبيش سيره قدامها لو سامحتي ياعائشه ويالا عشان هتقعدي تاكلي معانا
عائشه:حاضر مش هجيب سيره بس انتو عندكو ضيوف
ماريا: ولا ضيوف ولا حاجه ده ابراهيم خطيب جودي وامه وانت عارفه ان انا مش بحبهم خليكي معايا ماشي
عائشه:من عنيا
سميه:ايه يابنات عماله انده عليكم تعالوا حطوا معايا الاكل يالا ابراهيم وامه قاعدين بره
ماريا:حاضر بس هي فين جوري
سميه:هتكون فين يعني قاعده قدام المرايا كالعاده
ماريا:طب عرفيها ان لو اللبس طلع ضيق او حاطه مكياج هزعلها وهخليها تغير
سميه: يابنتي ده خطبها ولازم تبقي حلوه قدامه
ماريا:ياامي هي حلوه من غير حاجه صدقيني مش لازم تحط الالوان الغريبه دي
سميه:ماشي ياينتي يا لا اطلعو
ماريا:السلام عليكم
ام ابراهيم واسمها سعاد
سعاد:وعليكم السلام ازيك عامله ايه
ماريا:انا بخير الحمدلله ازيك يااستاذ ابراهيم
ابراهيم:كويس الحمدلله
سميه:اتفضلو الاكل اتحط
سعاد:الاكل ده عاميل مين
سميه:من ايد جوري هي اللي اصرت تعملوا بنفسها
سعاد:ماشي
عائشه بهمس:ده ايه الست الرخمه دي
سعاد:وانت بقي ياحببتي صاحبه ماريا
عائشه:اه ياطنط
سعاد:وعلي كده مرتبطه
عائشه:اه مخطوبه وكتب كتابي قرب بأذن الله
سعاد: يعني مفيش غيرك عانس هنا يا ماريا
ماريا مش عارفه ترد والدموع في عنيها
عائشة:ومين قال لحضرتك انها عانس علي فكره ماريا اتقرات فاتحتها من بدري بس هي مستنيه ربنا يتمم لجوري علي خير وتجوز هيا
سعاد:ده عشان انت صحبتها بتحاولي تخففي عنها
ماريا:علي فكره انا سكتالك بس خلاص بقي انا زهقت من كلامك ده وعايزه اقولك ان خطوبتي بعد اسبوعين ولما نحدد يوم هنكلم عشان تيجي وتشوفي بعينك
سعاد:يا لا ابراهيم ملناش وجود هنا
جوري:ياطنط اصبري بس متزعليش
ابراهيم:خلاص ياجوري احنا هنمشي معلش
جوري:طب انت زعلان مني
ابراهيم:قولنا خلاص بقي واوعي عشان عايز امشي
سميه:تعالي هنا عريس مين ده
جوري:انت ايه ياشيخه انا بكرهك ولسه هتضرب ماريا بالقلم حصل حاجه غريبه
ونكمل البارت الجاي بأذن الله وهستني رأيكم في التعليقات😍