ماريا

الفصل الثالث والعشرون

وقفنا البارت اللي فات لما ماريا سمعت صوت العربيه بتاعت هاشم والتلفون قفل
ماريا بعياط:الحقيني ياطنط وانا بكلم هاشم سمعت صوت اكن في حادثه انا خايفه اوي ده مش بيرد عليا
فاديه :متخافيش ياحببتي ممكن يكون صوت عادي والتلفون قفل عشان الشبكه وحشه متقلقيش نفسك تعالي في حضني ونقرأ قرأن سوا زي زمان عشان تهدي تعالي يابنتي
ماريا راحت  نامت في حضن فاديه وفضلت تقرأ قران معاها لحد اما نامت من كتر العياط
نروح عند عائشه
عائشه بخجل:السلام عليكم
عمار:وعليكم السلام
عائشه:انا يعني كنت بتصل عشان اطمن علي عمتي هي كويسه
عمار بيأس: بتتصلي عشان عمتك عموما ياستي عمتك كويسه ونايمه دلوقتي عايزه حاجه تانيه
عائشه باحراج: لا مش عايزه  لا لا انا عايزه
عمار بضحك وفهم انها مكسوفه تتكلم: عايزه ولا مش عايزه
عائشه:يوه بقي خلاص مش عايزه انا هقفل سلام
عمار:لا خلاص متقفليش بس ياستي عموما انا كويس الحمدلله ووصلت بالسلامه مش دا الموضوع اللي كنت عايزاني فيه
عائشه باحراج: ها طب تصبح علي خير بقي سلام
عمار:سلام
عمار في نفسه اخيرا يارب هي اللي كلمتني انا مش مصدق يارب ارزقني حبها وارزقها حبي  يارب
عائشه في نفسها انا مبسوطه اوي انا مكنتش بحس كده مع وليد اول مره احس اني عندي مشاعر  يارب خليني احبه وابقي خير زوجه
فاديه:ياعائشه يابنتي تعالي افتحي الباب
عائشه:حاضر ياماما بس ايه ده مالها ماريا
فاديه:افتحي الباب الاول شوفي مين وحطي حاجه علي شعرك
عائشه: مين
هاشم:انا هاشم زوج ماريا
عائشه:اه اتفضل هنا ثواني هدخلك اصحيهالك ماريا
هاشم:هي نايمه خلاص سيبيها وانا هجلها بكره
فاديه :منور يابني معلش بقي هي سمعت صوت العربيه وتليفونك قفل قعدت تعيط قراتلها قران ونامت روحي انت ياعائشه ادخلي جوه  قعد يابني انا عايزه اكلمك في موضوع
هاشم:اتفضلي
فاديه:بص يابني بصراحه كده انا ماريا حكتلي كل حاجه عن موضوع جوازك وانها طلبت الطلاق انا كل اللي عايزه قولوا اوعي تسمع كلامها يابني دي بتحبك اوي بس بتكابر والله وبعدين يابني انت معملتش اي حاجه تبين انك بتحبها ده انت حتي يابني مكلفتش نفسك تجبلها شبكه ولا حتي فرح ولا اي حاجه خالص وهي بنت ومن حقها تفرح وروحت اتجوزت عليها من تاني اسبوع انت جيت عليها اوي ومع كده بردوا هي بتحبك بس مش عايزه تعترف بكده عشان هي حاسه انك لسه متستهلش تعبرك بمشاعرها
هاشم بحزن: والله انا كان نفسي اجبلها شبكه واعمل فرح بس والله انشغلت جدا بس انا هعوضها عن كل ده باذن الله
فاديه:بص يابني  انا عايزاك تبقي معها وفي نفس الوقت مش معها
هاشم:هههههه لا مش فاهم دي بصراحه
فاديه:يعني خليك جنبها وساعدها وقبل ده كله حسسها بالامان في وجودك بس متكلمهاش في اي حاجه عن انها تفضل معاك ومتطلبش الطلاق انت لو حسستها انك بتحبها وحسستها بالامان هي اللي هتطلب من نفسها انها تقعد معاك
هاشم:حاضر وانا هعمل اللي حضرتك قولتي عليه بس لو صحيت خليها تتصل عليا عشان اطمنها ان انا كويس انا لما العربيه عملت الصوت ده والتلفون قفل قولت اجي اطمنها علي طول
فاديه:حاضر
ماريا:طنط انت فين ياطنط هاشم لسه مش بيرد انا عايزه اشوفه
فاديه:اهي صحيت وبتعيط
هاشم:طب بعد اذنك انا عايزه ادخلها
فاديه:اكيد طبعا اتفضل
هاشم:ايه ياعيون وقلب هاشم بتعيطي ليه
ماريا بصدمه وعياط:هو ده انت بجد ولا متهيألي ده انت صح وجريت حضنته جامد
هاشم فرح بخوفها عليه جدا: طب اهدي بس وتعالي نقعد
ماريا بعياط:انت كويس ولا فيك حاجه  انا خوفت عليك اوي انا خايفه اكون بحلم
هاشم:ياحببتي والله مش بتحلمي وانا بخير ياستي وقولت اجي اطمنك عليا عشان كنت واثق انك عماله تعيطي
ماريا:الحمدلله يارب الحمدلله
هاشم:انت كنت خايفه عليا اوي كده
ماريا:طبعا ده انا كنت هموت لو حصلك حاجه
هاشم:بعد الشر عليكي ياقلب هاشم
ماريا
هاشم:طب خلاص متحمريش كده انا هقوم امشي بقي وهجيلك بكره عشان نروح لماممتك ماشي
ماريا:هتمشي خلاص طب خلي بالك من نفسك ماشي 
هاشم: حاضر يماما اي اوامر ثانيه
ماريا:ههههه لا يابني خلاص
هاشم:هي بقت كده طب يا لا سلام وباس راسها ونزل
ماريا بخجل:سلام 
عائشه:الحلوه بتاعتنا ام وش احمر ايه اللي حصل
ماريا:بس يابت اتلمي انا عايزه ادخل انام
عائشه:خشي خشي
فاديه:ربنا يسعدكم يابناتي
وخلص اليوم وناموا ابطلنا وكل واحد بيحلم باللي جاي
ثاني يوم
فاديه:يا لا يابنات يابنات قوموا صلوا الفجر
ماريا:خلاص انا صحيت اهو
عائشه:وانا كمان
وقاموا وصلو وكل واحده فضلت تدعي ربنا باللي هي عايزاه وتتمناه
ماريا:انا بفكر اتصل بهاشم يقوم يصلي الفجر
عائشه: يصلي الفجر ولا عايزه تكلميه تطمني عليه
ماريا بخجل:الاثنين عادي يعني مش زوجي
عائشه: طب ياستي الله يسهلو انا هقوم انام بقي
ماريا:ماشي  وبدات ترن علي هاشم
هاشم بنعاس:الو  مين معايا
ماريا بحرج:انا ماريا
هاشم :ماريا خير في حاجه انت كويسه  مرات عمي فيها حاجه هي الساعه كام دلوقتي
ماريا:اهدي مفيش حاجه انا كنت بتصل عشان قولك قوم صلي الفجر
هاشم:حرام عليكي خضتيني
ماريا:انا اسفه
هاشم:لا ولا يهمك هو انا اطول اصحي علي صوت القمر بتاعي ياناس انا هقوم اصلي اهو
ماريا:ماشي هو انت بايت فين
هاشم:حجزت في فندق هاجي معاكي اطمن علي مرات عمي واروح
ماريا: هتروح خلاص
هاشم:بس هاجي تاني مش هقدر اسيبك انت روحي والله
ماريا بخجل:طب انا هقفل عشان تلحق تصلي الفجر
هاشم:ماتخلينا شويه
ماريا:لا يالا روح صلي سلام
هاشم: طب قبل ما تقفلي انا هجيلك علي الساعه ٢كده
ماريا:ماشي سلام
هاشم:سلام ياحببتي
ماريا قفلت معاه وكانت مبسوطه جدا بس اول ماافتكرت انه متجوز واللي بيجوزها دي ممكن تكون حامل في اي وقت وانهم هيبقوا اسره وانها اللي هتبقي غريبه ترجع تفكر في الطلاق تاني
ونرجع البلد
محمد:ايوه ياحضره الظابط بجد لقيتو اللي عمل كده طب انا جي حالا يافندم مع السلامه
محمد:بسام
بسام:ايوه يابابا
محمد:تعالي معايا انا رايح القسم قبضوا علي الواد اللي اتهجم علي ماريا
بسام:بجد دي هتفرح اوي يا لا بينا
الظابط:انت بردوا مش ناوي تعترف مين اللي وزك تعمل كده
شلبي المجرم:والله ياباشا انا ماعملت حاجه هي اللي قالتلي اعمل كده
الظابط:براحه بقي و قولي مين هي اللي قالتلك 
شلبي: طب انا لوقلت هتسجن
الظابط:هنخففلك عوقبتك 
الباب خبط
الظابط:ادخل
محمد:السلام عليكم
الظابط وعليكم السلام اتفضل ياحج 
محمد:ها اعترف
الظابط:هيقول اهو ياحج انطق يالا مين اللي خلاك تعمل كده
شلبي:
ونكمل البارت اللي جاي باذن الله
هستني رايكم في التعليقات 😍