ماريا

الفصل الثامن

وقفنا البارت اللي فات لما حد كلم ماريا واعترفلها بحبه
ماريا:ياتري مين هو انا واحده اتحب اصلا ولا احب حتي انا خفت وربنا  يارب انا مش عايزه مشاكل تاني
ونامت بطلتنا
سميه:جوري اصحي يابنتي عشان تروحي كليتك مش قولتي عليكي امتحان النهارده يا لا عشان تلحقي تنزلي
جوري:حاضر ياماما قايم اهو
جوري:ماما انا نازله خلاص
سميه:من غير اما تفطري
جوري:اه عشان الحق يالا سلام
سميه:في رعايه الله
سميه:نروح نشوف ماريا بقي
سميه:ماريا حببتي يالا اصحي عشان نفطر سوا
ماريا:لا يا ماما مش عايزه افطر
سميه:طب قومي قعدي معايا عايزه اتكلم معاكي شويه واختك مش موجوده
ماريا:طب هي الساعه كام دلوقتي
سميه:الساعه ٨
ماريا:لسه بدري اوي
سميه: مش بدري ولا حاجه يا لا بقي
ماريا:حاضر هصلي واجي قعد معاكي
سميه:ماشي ياحببتي
وفجأه تلفون ماريا رن
سميه:ماريا تلفونك بيرن
سميه:انا هرد اشوف مين الو السلام عليكم
الشخص:ايه القمر صحي ولا ايه
سميه:انت مين ياحيوان الو الو
ماريا:بتشتمي مين ياماما
سميه:صليتي وخلصتي
ماريا:اه الحمدلله
سميه:انت علي علاقه بحد
ماريا:يعني ايه
سميه:اللي سمعتيه في شخص اتصل وواضح انه يعرفك
ماريا:اه الرقم ده اول مره يتصل بيا امبارح وانا رديت قعد يعاكس قفلت ونمت هو اتصل تاني
سميه:اه
ماريا:صدقيني لو اتصل تاني هنديكي عشان تشوفيني وانا بشتمه
سميه:اما نشوف انا واثقه فيكي فخليكي قد الثقه
ماريا:متقلقيش عليا ياست الكل
سميه:سيبك بقي من ده كله انا عايزه اعرف انت عامله ايه
ماريا:عامله كويسه
سميه:ازاي
ماريا:يعني انا حاسه اني تعبانه وعايزه اعيط
سميه:ليه ياقلب امك
ماريا:نفسي اتكلم وقول للناس كلها ان انا مش عانس ولو عانس انا حره دي حياتي وانا حره فيها محدش لي دعوه كفايه وجع دايما محسسني بالنقص انا لسه صغيره و الله خليهم يسبوني في حالي بقي
سميه:يابنتي انت لا عانس ولا فيكي حاجه انت ست الستات وعشان اثبتلك كده كمان انت متقدملك عريس زيك زي اي بنت ولو مش عجبك عادي ارفضيه اوعي تقبليه عشان لقب عانس حببتي ده جواز وانت بس اللي هتتجوزي يعني اي حد انت عايزه تخلصي من زنه مش هينفعك بحاجه لو اخترتي واحد وحش انت مش عايزاها فاهمه اختاري العريس اللي قلبك يحبه ولما تصلي استخاره ترتحيله فاهمه وملكيش دعوه بحد
ماريا:ربنا يخليكي ليا يااحسن ام في الدنيا كلامك ريحني اوي انت صح فعلا انا حره في اختياري محدش ليه دعوه بيا بس مقولتليش ايه حكايه العريس ده واسمه ايه وسنه ومنين كده يعني
سميه:هتعرفي كل حاجه بس اهدي كده وانا هحكيلك عنه كل حاجه  ماشي بس بشرط
ماريا:ايه
سميه:مش هترفضي العريس غير لما تشوفيه  الاول وتقعدي معاه وتفهمي شخصيته وتصلي استخاره مرتحتيش ورفضيه بعد كده ماشي لكن غير كده مفيش رفض فاهمه
ماريا:حاضر
سميه:وحاجه كمان متعرفيش حد غير لما يبقي الموضوع رسمي ومش هتعتذري لحماه اختك
ماريا:كل ده عادي لكن مش هعتذر لحماه جوري ليه مش انتو كنتو عايزين كده
سميه:لا يابنتي هي غلطت فيكي هي عايزه تيجي وتقعد بأدبها ماشي غير كده لا هي مش هتهنا في بيتنا وكمان نعتذر ده ايه الخيبه اللي احنا فيها
ماريا:انا بحبك اووي يااحلي ماما
سميه:وانا بحبك يااحلي ماريا هتروحي الشغل النهارده
ماريا:اه
سميه:طب ابقي عدي علي عائشه طمنيها انك كويسه عشان هي قلقانه عليكي
ماريا:حاضر
جوري:ماما انا جيت
سميه:بجد امشي تاني بقي مش عايزين صداع
جوري:طب انا جعانه
سميه:الاكل بيتعمل خشي غيري هدومك وياريت بقي تصلي عشان ربنا يحفظك ويباركلك في اي حاجه بتعمليها
جوري:خلاص انا عارفه المحاضره دي والله ما انت مكمله انا داخله اصلي
سميه:شاطره
ماريا:ماما انا نازله هعدي علي عائشه وبعدين هروح الشغل
سميه:ماشي ياحببتي في رعايه الله وابقي طمنيني عليكي
ماريا:حاضر سلام
فاديه:مين
ماريا: انا ماريا ياطنط
فاديه: حبيبه قلبي وحشتيني عامله ليه  صحتك اخبارها ايه
ماريا:انا بخير الحمدلله
حسن:ازيك يابنتي ايه يافاديه انت هتفضلي موقفاها علي الباب كده
فاديه:انا من فرحتي ان انا شوفوتها نسيت قولها اتفضلي
ماريا:ولا يهمك ياطنط هي فين عائشه
فاديه:جوا في الاوضه من ساعه اما تعبتي وهي بتعيط وقافله علي نفسها الباب وبتقول ان هي السبب في اللي حصل ومش بتروح الشغل
ماريا:طب انا داخله اشوفها عن اذنك
فاديه:اتفضلي ياحببتي
ماريا:عائشه افتحي الباب
عائشه:هو انا مش قولت مش عايزه حد يكلمني سيبوني بقي
ماريا:طب ولا حتي ماريا اختك حببتك
عائشه:ماريا بجد
ماريا:اه والله انا ماريا بجد
عائشه قامت جري فتحت الباب واترمت في حضن ماريا
عائشه:انت وحشتيني اووي عامله انا اسفه سامحيني عشان خاطري
ماريا:تعالي نقعد طيب انت مغلطتيش صدقيني اللي حصل ده كل بسببي وبسبب انانيتي وغبائي وخلاص موضوع وخلص خلاص وانا عرفت غلطي ومش هكرره بأذن الله وانسي بقي محصلش حاجه وانا كويسه جدا وكل حاجه بخير خلاص
عائشه:بجد
ماريا:ايوه بجد وفكي بقي واطلعي طمني اهلك عليكي يالا وارجعي شغلك
عائشه:مش هينفع ارجع الشغل تاني
ماريا:ليه
عائشه:عشان انا قدمت استقالتي وهاجي اشتغل معاكي في السوبر ماركت
ماريا:انت بتتكلمي جد
عائشه:اه والله انا هنزل معاكي النهارده
ماريا:طب وهتشتغلي ايه
عائشه:مش عارفه لسه بس انا موافقه علي اي حاجه بس نكون سوا
ماريا:طب يالا اجهزي عشان منتأخرش
عائشه: خلصت يالا ماما بابا انا نازله
حسن:طب تعالي سلمي علي عمتك
عائشه:حاضر
ماريا:طب انا هنزل استناكي تحت
عائشه:ليه
ماريا:كده احسن
عائشه:اللي يريحك بس شوفي مين علي الباب معلش عشان ادخل اشوف عمتو
ماريا:طيب
عمار:تعرفي اني كنت بفكر فيكي دلوقتي
ماريا:اتفضل ادخل
عمار:انت عامله ايه
ماريا:بخير الحمدلله عن اذنك
عمار:علي فكره انا عايز قولك حاجه
ماريا:اتفضل
عمار:انا هخطب بعد اسبوعين مش هتقولي مبروك
ماريا:الف مبروك ربنا يسعدكم
عمار:انت مش غيرانه
ماريا:هغير من ايه
عمار:خلاص انزلي سلام
ماريا:مالو ده ربنا يهدي
عائشه:عمار عامل ايه قالب وشك ليه
عمار:انت صحبتك دي ايه بقولها ان هخطب بعد اسبوع قلت هتغير وتعيط بقي وحركات البنات دي لقتها بتباركلي و مفيش اي تأثر
عائشه:وانت هتخطب بجد
عمار:هخطب ايه انت كمان انا كنت عايز اشوف رد فعلها
عائشه:عمار متضحكش علي نفسك انت عارف كويس ان ماريا مش بتحبك ومفيش اي شعور من ناحيتها وهي صارحتك بده فشوف حياتك بقي وانساها خلاص سلام
ماريا:يالا يابنتي اتأخرنا
عائشه:يالا
ماريا:صحيح عملتي ايه في موضوع وليد خطيبك
عائشه:تصدقي نسيت ده نازل بكره او بعد بكره وخلاص اخدت قرار ان اول مايجي ويشوفني هديله دبلتو خلاص انا زهقت منه ومن بخله
ماريا:خو بخيل فعلا
عائشه:ده بخيل في كل حاجه في الفلوس وفي المشاعر وفي الكلام ده حاجه قرف
ماريا:طب يا لا وصلنا
فارس:انسه ماريا عامله ايه
ماريا:بخير الحمدلله
فارس:الف سلامه عليكي
ماريا:الله يسلمك
فارس:مش تعرفينا
ماريا:دي عائشه صدقتي كانت قدمت علي شغل هنا وانتو قولتلها تعالي النهارده
فارس:ايوه افتكرت الجميل هيشتغل في الكاشير برده وانسه ماريا هتوريكي المكان اتفضلو
عائشه:تمام شكرا
ماريا:يالا
عائشه :الراجل ده مريب انا خفت منه
ماريا:لا متخافيش النوع ده مبيعضش هههههه
عائشه:ايه يابت العسل ده
ماريا:يالا روحي علي شغلك
عائشه:اخيرا خلصنا
ماريا: الحمدلله
عائشه:هنتقابل بكره يالا سلام
ماريا:سلام
او ما وصلت ماريا عند بيتها حست ان في حد وراها وفجأه حد حط ايده عليها
ونكمل البارت الجاي بأذن الله  وهستني رأيكم في التعليقات 😍